Job 16:1-22
16 Job ọ tẹ kpahe ẹme nọ:
2 “Me yo eme itienana buobu no vẹre.
Uye whai kpobi wha be kẹ omẹ orọnikọ omosasọ họ!+
3 Kọ eme ifofe* i re re?
Eme ọ nwane dha owhai eva tere nọ wha be rọ ta ẹme enẹ?
4 Mẹ rẹ sae ta ẹme epanọ wha be ta na.
O hae jọ nọ whai oware nana o via kẹ,*Mẹ hae sae yẹ ẹme kẹ owhai reJe nuhu uzou mẹ kẹ owhai.+
5 Rekọ ukpoye, mẹ hae te rọ ẹmeunu mẹ bọ owhai ga,Jẹ rehọ eme omosasọ nọ i bi no igbenu mẹ ze ru oma voro owhai.+
6 Mẹ tẹ ta ẹme, u re ru edada mẹ serihọ họ,+Yọ mẹ tẹ siọ ẹme ba ẹta, kọ edada mẹ i re gine kpotọ?
7 Rekọ enẹna o ru oma rrọ omẹ no;+Ọ raha uwou mẹ* kpobi kuotọ no.
8 Whọ tẹ jẹ duọ omẹ, onana o tẹ rrọ isẹri,Oma mẹ nọ o dọ fihọ na u bi se isẹri kpe omẹ.
9 Ofu riẹ ọ bẹre omẹ ekekẹ no, yọ ọ be jẹ omẹ egrẹ.+
Ọ be reakọ riẹ rri omẹ.
Ọwegrẹ mẹ ọ be rọ ibiaro riẹ duwu omẹ.+
10 A rovie unu rai fihọ kẹkẹe rọsuọ omẹ,+Yọ a be rọ omẹ jijehwẹ, be tehe omẹ abovao;A kokohọ buobu ze rọsuọ omẹ.+
11 Ọghẹnẹ ọ rehọ omẹ họ obọ emezae eboba na,O tu omẹ họ obọ ahwo omuomu.+
12 Me wo idhọvẹ vẹre he, rekọ ọ tẹ bẹre omẹ fihotọ;+Ọ jọ obemu duọ omẹ uriohọ, ọ tẹ guọghọ omẹ no;Ọ tẹ be họre omẹ.
13 Ahwo riẹ nọ a rẹ sa ese e wariẹ omẹ họ;+Ọ sa* ibieku mẹ+ ababọ ọdawẹ;O ku ẹvẹvẹ* mẹ fihọ otọ.
14 O bi kporo ighogho fihọ omẹ oma ọvo wọhọ ugbẹhẹ;Ọ họrọ mu omẹ wọhọ ọgbaẹmo.
15 Me ko ehọ-ekpa* ro ruru ohọroma mẹ,+Me ki orro* mẹ fihọ otọ ẹkpẹ no.+
16 Mẹ viẹ aro ware no,+Ebi* o ruru ikuele-aro* mẹ,
17 Onana o via dede nọ mẹ rọ abọ ru oware ozighi ovuovo hoYọ mẹ lẹ emamọ olẹ.
18 O otọakpọ, who ruru azẹ mẹ hẹ!+
Jọ oviẹ mẹ u wo oria eriosehọ họ!
19 Makọ enẹna, obọ odhiwu osẹri mẹ ọ rrọ;Ọnọ ọ rẹ sai se isẹri kẹ omẹ ọ rrọ oria nọ u kpehru.
20 Egbẹnya mẹ a be rọ omẹ se ẹkoko+Nọ ẹro mẹ ọ be viẹ se Ọghẹnẹ na.*+
21 Jọ ohwo jọ ọ nyaze ti bruoziẹ ohwo-akpọ avọ Ọghẹnẹ,Wọhọ epanọ ohwo o re bruoziẹ ohwo avọ ọrivẹ riẹ na.+
22 Keme ikpe nọ e be tha na i te oware ovo ho,Yọ mẹ te nyavrẹ kpohọ obonọ a re zihe no ze he.+
Eme-Obotọ
^ Hayo “eme edo ofofe.”
^ Hayo “ahwo nọ a kokohọ kugbe omẹ.”
^ Hayo “ukuavẹ.”
^ Hayo “O duwu.”
^ Hayo “ehọ-ẹkporo.”
^ Hayo “ẹgba.” Evaọ Hibru, “uzei.”
^ Hayo “Uwoho uwhu.”
^ Hayo “ikparo.”
^ Hayo o sae jọ nọ, “Nọ ẹro mẹ o kpefihọ bi rri Ọghẹnẹ ọvo nọ owezẹ u bi su ei hi na.”
