Job 38:1-41
38 Kẹsena Jihova ọ tẹ kpahe ẹme kẹ Job no ofou ọwhibo na ze inọ:+
2 “Nọ ono ọna, nọ o bi ruru oware nọ mẹ gwọlọ* naNọ ọ be ta oware nọ ọ riẹ hẹ na?+
3 Ivie, mu eku ra ga wọhọ ọzae;Mẹ te nọ owhẹ enọ, whọ vẹ te kẹ omẹ iyo.
4 Diẹse whọ jọ okenọ mẹ ma otọakpọ na?+
Vuẹ omẹ, who te roro nọ whọ riẹ.
5 Ono o dhesẹ oghẹrẹ nọ ọ rẹ rro te, otẹrọnọ whọ riẹ,Hayo kọ ono ọ rriẹ ufi fihọ iẹe rọ mae?
6 Ehru eme a fi otọhotọ riẹ họ,*Hayo kọ ono ọ rehọ utho ubienẹ riẹ vi,+
7 Okenọ isi ohiohiẹ na+ kpobi a bo ubo oghọghọ,Nọ emọ* Ọghẹnẹ* kpobi+ a jẹ koyẹ jiri ei?
8 Ono o di ogba wariẹ abade na họ je fi ethẹ họ iẹe+Okenọ ọ tehe no edhede na lahwe,
9 Nọ me ku ẹgho fihọ iẹe wọhọ ewuJẹ rọ ẹgho ọlala variẹ iẹe,*
10 Nọ me fi oria nọ mẹ gwọlọ nọ ọ rẹ nya ba họ kẹeJe fi ethẹ riẹ họ gbe ekpọ nọ a rẹ rọ kare ae,+
11 Mẹ tẹ ta nọ, ‘Whọ sae nyate etenẹ, rekọ whọ rẹ nyavrẹ etenẹ hẹ;Etenẹ họ oria nọ ẹkporo ọgaga ra ọ rẹ nya ba’?+
12 Kọ who jie uzi kẹ ohiohiẹ no ẹdẹ jọ*Hayo dhesẹ oria nọ oke o rẹ jọ ke no,+
13 Re o ke te oka avọ oka otọakpọ naJe le irumuomu no eva riẹ?+
14 U re nwene wọhọ ọviẹ nọ ọ rrọ otọ oware nọ a bi ro fi oka họ iẹe,Eware kpobi nọ e rrọ eva riẹ e vẹ romavia wọhọ onaa sa-sa nọ a ru fihọ ewu.
15 Rekọ a mi irumuomu na elo rai no,A wiri ugbobọ rai nọ a kpare kpehru na no.
16 Kọ who te obotọ no, obonọ ame abade na o bi no zeHayo whọ nyae kiẹ ame odidi na riwi no?+
17 Kọ a dhesẹ inuethẹ uwhu+ kẹ owhẹ no,Hayo kọ whọ ruẹ inuethẹ okpa ebi* no?+
18 Kọ who wo otoriẹ oghẹrẹ nọ idadeghe na nọ ọ rrọ ragha ragha* na ọ rrọ no?+
Vuẹ omẹ, otẹrọnọ whọ riẹ eware nana kpobi.
19 Ofẹ vẹ elo na ọ be rria?+
Diẹse họ oria ebi na,
20 Re whọ rehọ iẹe kpobọ ẹkwotọ riẹJẹ riẹ idhere nọ a re ro kpobọ uwou riẹ?
21 Kọ whọ riẹ onana keme a yẹ owhẹ no vẹreIkpe* uzuazọ ra e tẹ jẹ rrọ buobu?
22 Kọ whọ ruọ eva iwou nọ a be jọ rawo* ekpalekpa-ame no,+Hayo kọ whọ ruẹ iwou nọ a be jọ rawo oso-itho no,+
23 Enọ mẹ ruẹrẹ fihọ kẹ oke okpẹtu,Rọkẹ ẹdẹ ohọre gbe ẹmo?+
24 Ofẹ vẹ elo* o bi no ze ruọ eria kpobi,Bovẹ ofou obọ ovatha-ọre na o bi ro fou fihọ otọakpọ na?+
25 Ono o bru oko nọ ame o re su vrẹ fihọ kẹ owhe naJe ru edhere họ kẹ ẹgho nọ egbrara avọ elo egbrara ọ rẹ va no ze,+
26 Re o rrọ oso fihọ oria nọ ohwo ọvo ọ be rria ha,Fihọ udhude nọ ohwo-akpọ ọvo ọ rrọ họ,+
27 Re o kẹ etọ nọ e raha no oware kpobi nọ e gwọlọJe ru ẹbe dhẹ ze?+
28 Kọ oso o wo ọsẹ,+Hayo ono họ ọsẹ igrigri na?+
29 Edhede ono ame nọ o dhẹmu fihọ ikpulu na o no ze,Ono o yẹ ekpalekpa-ame obọ odhiwu na+
30 Nọ ehru ame na kpobi o wọhọ utho,Nọ ehru ame odidi na kpobi o dhẹmu fihọ gaga?+
31 Kọ whọ sai thuru ifi ẹko isi Kaema* naHayo kọ whọ sae rra ifi ẹko isi Kisil* na?+
32 Kọ whọ sai su ẹko isi* lahwe nọ ezi riẹ o te teHayo kọ whọ sae kpọ ẹko isi Ash* na kugbe emọ riẹ?
33 Kọ whọ riẹ izi nọ e be kpọ idhiwu na,+Kọ whọ sae rọ izi nọ e be kpọe* su otọakpọ na?
34 Kọ whọ sae kpare urru se ẹgho naRe u siobọno ame obuobu ze fihọ* owhẹ?+
35 Kọ whọ sai vi elo egbrara vrẹ?
Kọ a ti zihe ze te vuẹ owhẹ nọ, ‘Mai na!’
36 Ono o fi areghẹ họ eva ẹgho na*+Hayo ono ọ kẹ eware nọ e rẹ via evaọ ehru na* otoriẹ?+
37 Ono o wo areghẹ te epanọ ọ sai ro kele ẹgho,Hayo ono ọ rẹ sae gale ekana ame obọ odhiwu na vi+
38 Re ovu na o zihe ruọ etọtọ nọ i bi su vrẹRe ikulu ẹkpẹ otọakpọ na e tamu ohwohwo?
39 Kọ whọ sai kpe arao kẹ okpohrokpoHayo whọ sae kẹ ikpohrokpo egaga oware nọ o rẹ vọ ae eva+
40 Nọ a te rruẹ fihọ iwou raiHayo kuẹlẹ fihọ iwou rai?
41 Ono o bi ru re ekọlọbe na a wo emu+Nọ emọ riẹ a tẹ viẹ se Ọghẹnẹ nọ o fiobọhọ kẹ aeNọ a je bi ghoro kpenẹ avọ enẹ fikinọ oware ovo o riẹ nọ a rẹ re he?
Eme-Obotọ
^ Hayo “ru ẹjiroro mẹ jọ bizi bizi.”
^ Hayo “Ehru eme a rehọ awọ riẹ dikihẹ.”
^ Evaọ Hibru, “emezae.”
^ Oghẹrẹ ofa nọ a rẹ jọ ẹvẹrẹ Hibru se ikọ-odhiwu.
^ Hayo “ko ẹe”
^ Evaọ Hibru, “evaọ edẹ ra.”
^ Hayo “uwoho uwhu.”
^ Hayo “evevẹ nọ ọ rrọ ragha ragha.”
^ Evaọ Hibru, “Edẹ.”
^ Hayo “sẹro.”
^ Hayo o sae jọ nọ, “elo egbrara.”
^ O sae jọ nọ ẹko isi Orion.
^ O sae jọ nọ isi Pleiades nọ e rrọ eva ẹko isi Taurus.
^ Evaọ Hibru, “Mazarọt.” Evaọ 2 Ivie 23:5, a se rie eko isi zodiak.
^ O sae jọ nọ ẹko isi Great Bear (Ursa Major).
^ Hayo o sae jọ nọ, “izi Riẹ.”
^ Hayo “ruru.”
^ Hayo o sae jọ nọ, “eva ohwo-akpọ.”
^ Hayo o sae jọ nọ, “iroro na.”
