Job 4:1-21
4 Ẹlifaz+ ohwo Timan na ọ tẹ kpahe ẹme nọ:
2 “Otẹrọnọ ohwo ọ be gwọlọ ta ẹme kẹ owhẹ, kọ who re zihe ruọ ohwo nọ ọ kare odiri?
Ono ọ rẹ siọ ẹme ba ẹta?
3 Ginọ uzẹme nọ whọ kpọ ahwo buobu vi no,Yọ who je ru abọ nọ e ga ha na ga.
4 Eme ra e jẹ kpare ohwo kpobi nọ o bi zoruẹ,Whọ jẹ bọ enọ ighilawọ rai i bi nuhu ga.
5 Whaọ enẹna o via kẹ owhẹ no, whọ gbẹ riẹ onọ who re ru hu;*U te owhẹ no, whọ tẹ rrọ awawa.
6 Kọ ozọ Ọghẹnẹ nọ whọ be dhẹ o gbẹ kẹ owhẹ udu?
Kọ ẹgbakiete ra+ nọ who bi kru o gbẹ kẹ owhẹ ẹruore?
7 Ivie, kareghẹhọ: Ono abọ riẹ ọ fo nọ o whu kufiẹ no?
Oke vẹ whọ ruẹ nọ a kpe ohwo nọ o kiete?
8 Oware nọ mẹ ruẹ no họ, te enọ e rẹ kọ ubi umuomu*Gbe enọ e rẹ gwọlọ ẹme, oware ovona a re vu.
9 Ẹwẹ nọ Ọghẹnẹ o ku ọ rẹ raha ai no,Yọ ọ rẹ rehọ ofu riẹ tehe ai kpe.
10 Okpohrokpo o re do enu, ọmọ okpohrokpo ọ rẹ gua,Ghele na, ibiakọ ikpohrokpo egaga* dede e rẹ kpare.
11 Okpohrokpo o re whu nọ ọ gbẹ ruẹ arao kpe he,Emọ okpohrokpo e vẹ vaha.
12 Whaọ a lẹlẹ ta ẹme jọ kẹ omẹ,Ẹme na o fi ruọ omẹ ezọ.
13 Mẹ ruẹ eruẹaruẹ evaọ aso nọ e kẹ omẹ idhọvẹ,Okenọ ahwo a wezẹ diwi no,
14 Iguegue e tẹ ruọ omẹ oma,O tẹ wha idudu fihọ igbenwa mẹ kpobi.
15 Ẹzi jọ ọ nya aro mẹ vrẹ;Eto ohọroma mẹ e tẹ zare vi.
16 Kẹsena o te dikihẹ oria ọvo,Rekọ me vuhu i rie he.
Oware jọ o jọ aro mẹ;Oria kpobi o tẹ fọ rirẹ, me te yo urru jọ inọ:
17 ‘Kọ ohwo-akpọ gheghe* ọ sai kiẹrẹe vi Ọghẹnẹ?
Kọ ohwo ọ sae fo vi Ọnọ ọ ma riẹ?’
18 Rri! O fievahọ idibo riẹ vievie he,Yọ ọ be jọ oma ikọ-odhiwu* riẹ gwọlọ oruthọ.
19 Kọ ẹvẹ ọ rẹ jọ oma enọ e be rria iwou nọ a rọ ọviẹ bọ ruẹ iruthọ te,Enọ otọhotọ rai o rrọ ẹkpẹ,*+Nọ a rẹ sae pẹhẹ lọlọhọ wọhọ ẹwowo!
20 A be pẹhẹ ae no riẹriẹriẹ no ohiohiẹ rite owọwọ;A bi whu no bẹdẹ bẹdẹ, yọ ohwo ọvo o bi muẹrohọ họ.
21 Kọ a gbẹ wọhọ uwou-udhu nọ a si* ufi riẹ no?
A re whu ababọ areghẹ.
