Job 39:1-30
39 “Kọ whọ riẹ oke nọ ewe igbehru na i re ro yẹ?+
Kọ whọ ruẹ orua nọ ọ jọ iraro ra yẹ ọmọ riẹ no ẹdẹ jọ?+
2 Kọ who kele unu emerae nọ a rẹ wha eva no?
Kọ whọ riẹ oke nọ a re ro yẹ?
3 A re rruẹ fihọ otọ nọ a te bi yẹ emọ rai,Kẹsena edada eyẹ rai i ve kuhọ.
4 Oma emọ rai o vẹ ga, a vẹ whẹro evaọ obọ ẹwọ na;A rẹ nyavrẹ, yọ a re gbe zihe bru ai ze he.
5 Ono o siobọno eketekete ẹwọ* na vrẹ,+Kọ ono ọ rra ifi no eketekete ẹwọ na?
6 Me ru udhude opraprara na họ uwou riẹ no,Gbe ẹkwotọ uwhei na re o jọ oria nọ ọ rẹ rria.
7 Edo okpẹwho o rẹ dhae eva;Yọ o re yo edo ọnọ ọ rẹ rọ erao ru iruo ho.
8 Ọ rẹ nya kpenẹ avọ enẹ evaọ ikpehru na be gwọlọ ẹbe nọ ọ rẹ re,Be gwọlọ ẹbe ọrọrọ kpobi.
9 Kọ ogholi ọ te rọwo ru iruo kẹ owhẹ?+
Kọ ọ te wezẹ uwou erao* ra asohẹrioke?
10 Kọ whọ sae rọ ufi si ogholi nyai kporo udhu,*Kọ o ti lele owhẹ nyai kporo udhu evaọ ukiekpotọ?
11 Kọ whọ te rẹroso ẹgba ologbo riẹRe o ru iruo egaga ra kẹ owhẹ?
12 Kọ whọ te rẹroso ẹe inọ ọ te wọ ivuẹvu* ra se owhẹ,Kọ o ti koko ai họ nyai fihọ oria nọ whọ rẹ jọ si ibi no igbe ekakọ ra?
13 Ogomugoro ọ rẹ frẹ* ibekpe riẹ avọ evawere,Ghele na, kọ a sae rọ ibekpe gbe ileli riẹ wawo erọ ogbodu?+
14 Keme ọ rẹ nyasiọ ike riẹ ba otọ ẹkpẹ,Ọ rẹ nyasiọ ae ba ẹkpẹ re e jọ ruọruọruọ.
15 O rẹ thọrọ iẹe ẹro nọ ohwo jọ ọ sae rọ awọ thihi ai whọlọHayo inọ arao ẹwọ jọ ọ sai thihi ai vrẹ.
16 O re gboja kẹ emọ riẹ, wọhọ ẹsenọ e rrọ emọ riẹ hẹ;+Ozọ u re mu ei hi inọ uye riẹ o sae jọ uvrẹvru.
17 Keme Ọghẹnẹ ọ kẹ riẹ areghẹ hẹ*Ọ kẹ riẹ otoriẹ ovuovo gbe he.
18 Rekọ nọ ọ tẹ kpama jẹ frẹ* ibekpe riẹ be dhẹ ohrẹ,Ọ rẹ hwẹ anyenya gbe ọnọ ọ be dhẹe.
19 Kọ whẹ họ ọnọ ọ kẹ anyenya ẹgba riẹ?+
Kọ whẹ họ ọnọ ọ rehọ eto uriohọ riẹ nọ i re fou yẹrẹyẹrẹ na gọe ẹgọ?
20 Kọ whọ sai ru ei duola wọhọ abaka-ẹkpẹ?
Ọ tẹ fiẹ inwe* o rẹ lẹliẹ ozọ mu ohwo.+
21 Ọ rẹ la evaọ ukiekpotọ na, o ve duola no otọ avọ ẹgba;+O re duwu ruọ eva ẹmo.*+
22 Ọ rẹ hwẹ nọ ọ tẹ ruẹ oware ozọ, oware ovo u re mu ei ozọ họ.+
O re kuomarẹriẹ fiki ọgbọdọ họ.
23 Owha-ese u bi ru edo evaọ ehru riẹ,Ọgbọdọ avọ ozuẹ i bi lo nwranwranwra.
24 Avọ oma nọ o be kpakpa iẹe, o ve duola kpobọ aro,*Ọ rẹ sai dikihẹ oria ovo ho* nọ o te yo edo onware.
25 Nọ a te kporo onware, ọ vẹ ta nọ, ‘Aha!’
O re yo ore* ẹmo evaọ ugboJe yo edo enọ i wuzou egbaẹmo gbe ubo ẹmo.+
26 Kọ otoriẹ ra ọso ọ be sae rọ rra,Nọ ọ rẹ rọ rriẹ ibekpe riẹ rri ofẹ obọze ovatha-ọre?
27 Hayo kọ whẹ họ ọnọ ọ ta kẹ ugo nọ ọ rra rri obọ ehru+Jẹ bọ uwou riẹ fihọ oria ukpekpehru,+
28 Inọ ọ wezẹ obehru ugbehru,Jẹ rria oria omofọwẹ riẹ evaọ ugbehru-utho?*
29 Obei o re rri no ze gwọlọ emu;+Ibiaro riẹ e rẹ ruẹ thethabọ.
30 Emọ riẹ e rẹ da azẹ;Yọ oria kpobi nọ iri e rrọ, etẹe ọ rẹ jọ.”+
Eme-Obotọ
^ Hayo “eketekete nọ a re se onager.”
^ Hayo “oria emu erao.”
^ Evaọ Hibru, “kpohọ udevie ikuele ithethei.”
^ Evaọ Hibru, “ibi.”
^ Hayo “tehe.”
^ Evaọ Hibru, “o ru areghẹ thọrọ iẹe ẹro.”
^ Hayo “tehe.”
^ Hayo “O te si inwe.”
^ Evaọ Hibru, “Ọ rẹ nyai zere ekwakwa ẹmo.”
^ Evaọ Hibru, “ọ rẹ lọ otọ (otọakpọ) na no.”
^ Hayo o sae jọ nọ, “Ọ rẹ rọwo ho.”
^ Hayo “se ore.”
^ Evaọ Hibru, “akọ ugbehru-utho.”
