Job 14:1-22
14 “Ohwo nọ aye o yẹ,Ọ rẹ tọ họ,+ yọ uzuazọ riẹ o vọ avọ uye.*+
2 Ọ rẹ rro ze bọbọbọ wọhọ ododo kẹsena o ve lo no;*+Ọ rẹ dhẹ vẹrẹ vẹrẹ wọhọ uwoho, a gbẹ ruẹ e riẹ hẹ.+
3 Ẹhẹ, whọ tẹrovi ei,Yọ whọ rehọ e riẹ* ze ti guẹdhọ.+
4 Kọ ono ọ sae rehọ ohwo nọ ọ fo no ohwo nọ ọ fo ho ze?+
Ohwo ọvo ọ sai ru ei hi!
5 Otẹrọnọ a fodẹ unu edẹ nọ ọ te rria no,Unu emerae riẹ e rrọ owhẹ obọ;Who fi umuo nọ ọ rẹ rria ba fihọ kẹe no, yọ ọ rẹ sae rria vrẹ ere he.+
6 Si ibiaro ra nọ whọ tọvi ei na no re ọ ruẹsi serihọ,Bẹsenọ o re ru iruo okpẹdẹ riẹ re, wọhọ ohwo nọ a rehọ iruo.+
7 Keme makọ ure dede, ẹruore ọ rrọ kẹe.
A te koi fihọ otọ, o rẹ wariẹ ta ze,Egha riẹ e rẹ ruabọhọ rro ọvo.
8 Otẹrọnọ awọ riẹ o kri otọ noYọ ehri riẹ o whu fihọ otọ no,
9 Nọ o te se ore ame, ọ vẹ ta ze;Ọ vẹ ta egha ze wọhọ okakọ oboba.
10 Rekọ ohwo o te whu, o re gbe wo ogaga ovo ho;Nọ ohwo-akpọ o te se ẹwẹ họ no, bovẹ ọ rrọ?+
11 Ame o re no eva abade,Yọ ethẹ o re su kpọ ọ vẹ ya muotọ.
12 Epọvo na re, nọ ohwo o te kiẹzẹ otọ no, ọ rẹ kpama ha.+
Bẹsenọ odhiwu ọ rẹ vrẹ no, ọ rẹ rọwo ze he,Yọ a rẹ sae rọwo iẹe no owezẹ riẹ ze he.+
13 O dodokọ who re si omẹ no họ obọ Uki,*+Re who si omẹ no bẹsenọ ofu ra ọ rẹ vrẹ,Re who fi oke jọ họ kẹ omẹ jẹ kareghẹhọ omẹ!+
14 Ohwo o te whu, kọ ọ sae wariẹ rria uzuazọ?+
Mẹ te hẹrẹ evaọ edẹ iruo ọgbahọ mẹ kpobiRi bọo oke obusino mẹ.+
15 Who ti se, me ve ti yo kẹ owhẹ.+
Iruo abọ ra i ti si owhẹ urru.*
16 Rekọ enẹna, who bi kele ithihi awọ mẹ kpobi;Yọ izieraha mẹ ọvo who bi rri.
17 Who fi izieraha mẹ họ ẹkpa, whọ tẹ gbae di,Whọ rehọ egọmu gba iruthọ mẹ di.
18 Wọhọ epanọ igbehru i re kie guọghọ kufiẹ naNọ itho i re no eria rai na,
19 Wọhọ epanọ ame ọ rẹ fa itho no na,Nọ ẹkẹre ame ọ rẹ fa ẹkpẹ vrẹ na,Ere whọ raha ẹruore ohwo-akpọ no.
20 Whọ be ga obọ vi ei bẹsenọ o re whu no;+Who nwene oghẹrẹ nọ ọ rrọ, who te vi ei vrẹ.
21 A kẹ emezae riẹ orro, rekọ ọ riẹ hẹ;A zihe ruọ enọ i fioka ha, rekọ o vuhu i rie mu hu.+
22 Nọ ọ gbẹ rrọ uzuazọ na ọvo oware o rẹ rọ dae;Nọ ọ* gbẹ rrọ uzuazọ na ọvo o re ro weri.”
