Job 12:1-25
12 Job ọ tẹ kpahe ẹme nọ:
2 “Whai họ ahwo nọ a mae riẹ eware,*Yọ areghẹ o ti lele owhai whu!
3 Rekọ mẹ omamẹ me wo otoriẹ* re.
Orọnikọ wha riẹ* vi omẹ hẹ.
Ono ọ riẹ eware nana ha?
4 Me zihe ruọ ohwo nọ erivẹ mẹ a be rọ ta atahwẹ no,+Ọnọ o bi bo se Ọghẹnẹ re o yo kẹe.+
Ohwo nọ o kiẹrẹe jẹ kare afuẹwẹ a be rọ ta atahwẹ na.
5 Ohwo nọ ọ be reakpọ ọ rẹ gwọlọ uye vievie he,O re roro nọ oyena o rrọ kẹ ahwo nọ awọ rai ọ dọmu otọ họ* ọvo.
6 Udhedhẹ o rrọ iwou-udhu igbulegbu,+Yọ enọ i bi ru eva dha Ọghẹnẹ a wo omofọwẹ,+Enọ emedhọ rai e rrọ obọ rai.
7 Rekọ, ivie, nọ erao na, a ti wuhrẹ owhẹ;Gbe evra obọ ehru* na, a te vuẹ owhẹ.
8 Hayo nabi rri* otọakpọ na, o ti wuhrẹ owhẹ;Yọ iyei obọ abade na a te vuẹ owhẹ.
9 Ọvẹ evaọ usu enana kpobi ọ riẹ hẹInọ obọ Jihova u ru eware nana?
10 Obọ riẹ uzuazọ* oware kpobi nọ o be rria uzuazọ o rrọGbe ẹzi* ohwo-akpọ* kpobi.+
11 Kọ ogbẹrọnọ ozọ o rẹ dawo ẹmeWọhọ epanọ ẹrọo* ọ rẹ dawo emu na?+
12 Kọ ogbẹrọnọ ahwo nọ a kpako no a re wo areghẹ,+Kọ ahwo nọ a rria akpọ kri no a re wo otoriẹ?
13 Ọye họ ọnọ o wo areghẹ gbe ogaga;+O wo ẹjiroro* gbe otoriẹ.+
14 Nọ o te kporo oware jọ fihọ otọ, a rẹ sae wariẹ bọe he;+Oware nọ ọ kare, ohwo ọvo ọ rẹ sai rovie iei hi.
15 O gbe siobọno ame he, oware kpobi o rẹ ya fia;+O te siobọnoi ze, o ve ruru otọakpọ na.+
16 Ọye họ ọnọ o wo ẹgba gbe uvi areghẹ;+Ọye o wo ọnọ ọ be nyathọ gbe ọnọ o bi su ohwo thọ;
17 O ru ekohrẹ be nya awọ gheghe,*O ru ibruoziẹ fihọ gheghẹ.+
18 Ọ fere ifi nọ ivie e rọ gba ahwo no,+Ọ tẹ rọ umueku mu eku rai.
19 O ru izerẹ nya awọ gheghe,+Yọ o si enọ e dowọ muotọ kothi evaọ isuẹsu no esuo rai;+
20 O ru nọ ekiroro nọ a fievahọ a gbẹ be ruẹ ẹme ta haYọ o mi ekpọkuezae* areghẹ;
21 O kpomovuọ họ ikpahwo oma,+O te je ru egba fihọ eyẹlẹ;*
22 O bi dhesẹ eware ididi nọ e rrọ eva ebi via,+Yọ o bi ru elo lo fihọ okpa ebi;
23 O bi ru erẹwho rro re ọ ruẹse raha ae no;O bi ru ẹkwotọ erẹwho kẹre, re o su ai kpohọ igbo.
24 O mi isu ahwo na areghẹ*Je ru ai bi ghoro evaọ etọ nọ e raha no nọ idhere e rrọ họ.+
25 A be rọ abọ rara evaọ ebi,+ oria nọ elo ọvo ọ rrọ họ;O ru rai bi ghoro kpenẹ avọ enẹ wọhọ ezae nọ e da idi bẹ.+
Eme-Obotọ
^ Evaọ Hibru, “Whai họ ahwo na.”
^ Hayo “woma.”
^ Evaọ Hibru, “udu.”
^ Hayo “otọ o be whra.”
^ Hayo “idhiwu.”
^ Hayo o sae jọ nọ, “ta ẹme kẹ.”
^ Evaọ Hibru, “uwo-oma ohwo-akpọ.”
^ Hayo “ẹwẹ.”
^ Evaọ Hibru, “ehru obeva unu.”
^ Hayo “ohrẹ.”
^ Hayo “Ọ ba eware kpobi no ekohrẹ oma.”
^ Hayo “ekpako na.”
^ Evaọ Hibru, “Ọ fere umueku egba.”
^ Hayo “otoriẹ.” Evaọ Hibru, “udu.”
