Itẹ 6:1-35
6 Ọmọzae mẹ, otẹrọnọ who dikihẹ esalobọ* kẹ ọrivẹ ra no,+Otẹrọnọ whọ suọ ọrara obọ no,*+
2 Otẹrọnọ whọ rọ ifi gba omara no fiki eyaa nọ whọ ya,Otẹrọnọ ẹmeunu ra o fi owhẹ họ ẹta no,+
3 Ru onana, ọmọzae mẹ, re whọ rra ifi no omara,Keme who kie ruọ obọ ọrivẹ ra no:
Nya re who hrẹ omara kpotọ kẹe, re whọ lẹ ọrivẹ ra kpata kpata.+
4 Whọ rọ owezẹ te ẹro ho,Whọ fare ibiaro ra ha.
5 Rra ifi no omara wọhọ ugbosu nọ ọ dhẹ vabọ no obọ ozuẹ,Wọhọ ọvra nọ ọ rra no obọ omuemevra.
6 Nyabru amara, whẹ ọyẹlẹ;+Nyai rri oghẹrẹ nọ o re ru re who wo areghẹ.
7 Dede nọ o wo oletu, ọga, hayo osu hu,
8 Ọ rẹ ruẹrẹ emu riẹ kpahe evaọ ezi ivo,+Je koko emu riẹ họ evaọ oke ivuẹvu.
9 Ẹvẹ who re kiẹzẹ etẹe kri te, whẹ ọyẹlẹ?
Oke vẹ whọ te rọ kpama no owezẹ?
10 Umutho owezẹ, umutho ekiẹzẹ,Umutho abọ nọ a re ro muoma re a serihọ,+
11 Uvuhu ra o vẹ te ze wọhọ otu ugbarugba,Eware e vẹ te kare owhẹ wọhọ ogbulegbu nọ ọ wọ ze.+
12 Ohwo omuomu nọ o fioka ha ọ rẹ nya kpenẹ avọ enẹ avọ eme eviẹhọ nọ ọ be ta;+
13 Ọ rẹ mahe ẹro,+ nuhu awọ je nuhu iziabọ riẹ rọ ta ẹme.
14 O wo udu eviẹhọ,Ẹsikpobi ọ rẹ ma omaa umuomu+ jẹ wha ẹwhọ fihọ oria.+
15 Fikiere, ọraha riẹ ọ te tha idudhe;Ẹsiẹvo na, a ve ti wiri ei te epanọ a gbẹ sai ro siwi ei hi.+
16 U wo eware ezeza nọ Jihova o mukpahe;Ẹhẹ, eware ihrẹ e rẹ tọtọ iẹe* oma:
17 Ibiaro oheri,+ ẹrọo ọrue,+ abọ nọ o re kpe azẹ ekueku,+
18 Udu nọ o rẹ ma omaa umuomu,+ awọ nọ ọ rẹ dhẹ vẹrẹ vẹrẹ nyai ru umuomu,
19 Osisẹri ọrue nọ ọ rẹ ta ọrue ẹsikpobi,*+Gbe ohwo kpobi nọ o re fi ẹwhọ họ udevie inievo.+
20 Ọmọzae mẹ, koko uzi ọsẹ ra,Yọ who gbabọkẹ ohrẹ* oni ra ha.+
21 Gba ae fihọ udu ra ẹsikpobi;Thuru ai fihọ uriohọ ra.
22 Oria kpobi nọ whọ be nya, i ti su owhẹ;Nọ who te kiẹzẹ, i ti dikihẹ rou owhẹ;Nọ whọ tẹ rọwo ze, e te ta ẹme kẹ owhẹ.*
23 Keme ujaje na yọ ukpẹ,+Uzi na yọ elo,+Ithubro nọ a rọ kpọ ohwo vi yọ edhere uzuazọ.+
24 E te thọ owhẹ no obọ ekpehre aye,+No obọ ogberẹ aye* nọ ọ rẹ rọ ẹrọo riẹ lẹliẹ ezae.+
25 Jọ erru riẹ o si owhẹ urru evaọ udu ra ha+Yọ whọ kuvẹ re ọ dhẹ ruọ owhẹ oma fiki ibiaro iwowoma* riẹ hẹ,
26 Keme fiki ogberẹ aye, oware nọ u re kiọkọ ọzae obọ kpobi họ ukulu ebrẹdi ọvo,+Rekọ aye ọzae ọfa ọ rẹ gwọlọ mi ohwo uzuazọ* oghaghae riẹ.
27 Kọ ohwo ọ rẹ whẹ iwowo-erae fihọ udu riẹ nọ iwu riẹ e gbẹ to ho?+
28 Hayo kọ ohwo ọ rẹ nya ehru iwowo-erae nọ ọ gbẹ mahe awọ riẹ hẹ?
29 Ere o rẹ jọ kẹ ohwo kpobi nọ o bi lele aye ọrivẹ riẹ wezẹ;Ohwo kpobi nọ ọ rọ obọ tei, a rẹ se iẹe uye ba ẹkẹ hẹ.+
30 Ahwo a re wo ohrọ kẹ ojiOtẹrọnọ fiki ohọo nọ u je kpei o ro kpohọ uji re ọ ruẹ oware nọ ọ rẹ rọ kuọ omariẹ.*
31 Dede na, a te kru rie, ọ rẹ hwa eware na zihe isiahrẹ;O re siobọno eware eghaghae nọ e rrọ uwou riẹ kpobi.+
32 Ohwo kpobi nọ o bi lele aye bruẹnwae ọ kare areghẹ;*Ohwo kpobi nọ o ru rie ọ be raha uzuazọ* riẹ.+
33 Omonwa gbe omovuọ ọvo u re tei,+Yọ ọ rẹ sae wozẹ omovuọ riẹ no oma ha.+
34 Keme ihri-eriọ e rẹ lẹliẹ ọzae mu ofu;O re wo ọdawẹ vievie he nọ o bi ti ru kele.+
35 U wo oware ovuovo nọ a rẹ hwa kẹe nọ o re mi hi;*A rẹ sai kie ofu riẹ hẹ, ghelọ epanọ who ru okẹ na rro te kẹhẹ.
