Itẹ 30:1-33
30 Eme nọ i wuzou gaga nọ e rrọ usu eme nọ Egọ ọmọzae Jekẹ ọ ta, enọ ọ ta kẹ Itiẹl, rọkẹ Itiẹl avọ Ukal.
2 Mẹ họ ọnọ ọ mae rrọ ogbori vi ohwo kpobi,+Yọ me wo otoriẹ hẹ, onọ u fo nọ ohwo o re wo.
3 Me ri wuhrẹ areghẹ hẹ,Yọ me wo eriariẹ Ọnọ Ọ Rrọ Ọrẹri Erẹri na ha.
4 Ono o muvrẹ kpobọ odhiwu kẹsena o te zihe ze?+
Ono o koko ofou họ evabọ ivẹ riẹ no?
Ono ọ fare ame obuobu na fihọ ewu riẹ no?+
Ono ọ rehọ oka avọ oka otọakpọ na kpobi dikihẹ kothi?*+
Didi odẹ riẹ gbe odẹ ọmọzae riẹ, otẹrọnọ whọ riẹ?
5 Ẹme Ọghẹnẹ kpobi ọ rrọ fuafo.+
Ojese ọ rrọ rọkẹ enọ e dhẹ bru ei ze re a zọ.+
6 Who fi oware ovuovo ba eme riẹ hẹ,+O gbẹ rrọ ere he ọ te whọku owhẹ,Yọ a ti dhesẹ owhẹ fihọ ọtọrue.
7 Eware ivẹ mẹ yare mi owhẹ.
Whọ siọ ae ba eru kẹ omẹ hẹ taure me te ti whu.
8 Si eme eviẹhọ* gbe ọrue thabọ no omẹ.+
Whọ kẹ omẹ uvuhu hayo efe he.
Jomẹ re emu nọ o te omẹ ọvo,+
9 Re mẹ gbẹ re eva vọ no, kẹsena mẹ vẹ siọ owhẹ hẹ, re mẹ ta nọ, “Ono họ Jihova?”+
Yọ whọ jọ omẹ yogbe he re me tho uji re mẹ wha ekela se* odẹ Ọghẹnẹ mẹ.
10 Whọ ta odibo raha kẹ olori riẹ hẹ,O gbẹ rrọ ere he ọ sae bọwo owhẹ ehao, yọ a ti brukpe owhẹ.+
11 Oge jọ ọ riẹ nọ ọ rẹ bọwo ọsẹ riẹ ehaoYọ ọ rẹ lẹ ẹro eghale kẹ oni riẹ hẹ.+
12 Oge jọ ọ riẹ nọ ọ rrọ fuafo evaọ aro obọriẹ+Rekiyọ a ri ru ei fo no egbegbe* riẹ hẹ.
13 Oge jọ ọ riẹ nọ ibiaro riẹ e vọ avọ omorroNọ ibiaro riẹ e vọ avọ oheri!+
14 Oge jọ ọ riẹ nọ ibiakọ riẹ e wọhọ egbọdọNọ agba riẹ ọ wọhọ amagha nọ a rẹ rọ va erao;A rẹ va iruori nọ e rrọ otọakpọ na re noJẹ va iyogbe nọ e rrọ udevie ahwo-akpọ re.+
15 Ezozo i wo emetẹ ivẹ nọ i re bo nọ, “Kẹ omẹ! Kẹ omẹ!”
Eware esa jọ e riẹ nọ eva e rẹ vọ họ,Ene nọ e rẹ ta vievie he inọ, “U te no!”
16 Uki*+ gbe edhede ọga,Otọ nọ a kẹ ame he,Gbe erae nọ e rẹ ta vievie he inọ, “U te no!”
17 Ubiẹro nọ u re se ọsẹ riẹ ẹkoko je rri ẹmeoyo kẹ oni riẹ vo,+Ekọlọbe ukiekpotọ* na e te soro iẹe lahwe,Yọ igo esese na e te re iẹe no.+
18 Eware esa jọ e riẹ nọ mẹ sai wo otoriẹ rai hi,*Ene nọ me wo otoriẹ rai hi:
19 Oghẹrẹ nọ ugo ọ rẹ rra evaọ obọ ehru,Oghẹrẹ nọ araomuomu o re si evaọ ehru utho,Oghẹrẹ nọ okọ ulogbo u re ro bi evaọ abade ọraragha na,Gbe oghẹrẹ nọ usu ọzae avọ ọmọtẹ o rrọ.
20 Enẹ aye nọ o re bruẹnwae o re ru:
Ọ tẹ re emu no o ve ririe unu riẹ;Kẹsena ọ vẹ ta nọ, “Me ru oware ovo thọ họ.”+
21 Eware esa jọ e riẹ nọ i re ru otọakpọ na guegueGbe eware ene nọ ọ rẹ sai thihakọ rai hi:
22 Nọ ọrigbo ọ tẹ rrọ ovie nọ o bi su,+Nọ ohwo ogheghẹ ọ tẹ re emu buobu,
23 Nọ ohwo ọ tẹ rehọ aye nọ a mukpahe* fihọ uwou,Nọ odibo-ọmọtẹ ọ tẹ rehọ ẹta oni-uwou.*+
24 Eware ene jọ evaọ otọakpọ na e rrọ usu emama nọ e mae kawo,Rekọ a yẹ rai avọ areghẹ:*+
25 Emera na yọ emama nọ e goma ha,*Ghele na a rẹ ruẹrẹ emu rai họ evaọ ezi ivo.+
26 Ebaja nọ e rẹ rria eghogho-utho*+ yọ emama nọ e goma ha,*Ghele na a rẹ bọ uwou rai fihọ igbehru-itho.+
27 Ebaka-ẹkpẹ+ i wo ovie he,Ghele na aikpobi a rẹ nabe nya uhiuhie.*+
28 Ọhọruwou+ ọ rẹ ta awọ riẹ mu oria,Yọ ọ rẹ ruọ eva ighẹ ovie.
29 Eware esa jọ e riẹ nọ onya rai u re siuru,Ene nọ onya* rai o rẹ were oma:
30 Okpohrokpo, nọ ọ mai wo ẹgba evaọ usu erao na,Ọnọ o re kuomarẹriẹ dhẹ kẹ omama ọvo ho;+
31 Arakọ ibẹfi; okri;Gbe ovie nọ egbaẹmo riẹ e rrọ kugbei.
32 Otẹrọnọ whọ rehọ ugheghẹ kpare oma ra kpehru+Hayo whọ ma omaa inọ who ti ru ere,Rọ obọ ruru unu ra.+
33 Keme wọhọ epanọ a rẹ kiẹ ame-ivie o ve zihe ruọ ebọta naJẹ wọhọ epanọ a tẹ thahe unwe, azẹ o ve noi ze na,Ere ofu nọ a re mu ọ rẹ wha ẹwhọ ze.+
Eme-Obotọ
^ Evaọ Hibru, “kpare oka avọ oka akpọ na kpobi kpehru.”
^ Hayo “eme nọ e rrọ uzẹme he.”
^ Hayo “raha.”
^ Evaọ Hibru, “isọ.”
^ Hayo “uto.”
^ Hayo “nọ i gbe omẹ unu gaga.”
^ Hayo “nọ a you hu.”
^ Hayo “o te mi oni-uwou otọ.”
^ Hayo “a wo areghẹ thesiwa.”
^ Evaọ Hibru, “yọ ahwo nọ a goma ha.”
^ Evaọ Hibru, “ahwo nọ a goma ha.”
^ Oghẹrẹ arao jọ nọ ọ wọhọ ọruke nọ ọ rẹ rria eria nọ itho e rrọ.
^ Hayo “evaọ ẹkuẹko nọ a ghale omarai fihọ.”
^ Hayo “ohrẹ-odhẹ.”
