Itẹ 16:1-33
16 Ohwo ọ sae ruẹrẹ iroro nọ e rrọ udu riẹ họ,*Rekọ uyo nọ ọ rẹ kẹ* obọ Jihova o re no ze.+
2 Idhere ohwo-akpọ kpobi i re kiehọ* evaọ aro riẹ,+Rekọ Jihova ọ rẹ kiẹ ẹjiroro nọ ohwo o bi ro ru oware* riwi.+
3 Rehọ oware kpobi nọ who bi ru họ obọ Jihova,*+Omaa ra kpobi u ve ti rugba.
4 Jihova o ru re oware kpobi o ruẹsi ru ẹjiroro riẹ gba,Makọ irumuomu na dede rọkẹ ẹdẹ okpẹtu na.+
5 Ohwo kpobi nọ omorro o rrọ udu riẹ ọ rẹ tọtọ Jihova oma.+
Jọ u mu owhẹ ẹro* inọ a te se iẹe uye ba ẹkẹ hẹ.
6 Uyoyou nọ o rẹ hiẹ hẹ gbe ọtẹruo u re ru nọ a re ro voro iruthọ no,+Yọ ozodhẹ Jihova u re ru nọ ohwo ọ rẹ rọ kẹnoma kẹ oware uyoma.+
7 Nọ idhere ohwo e tẹ were Jihova,O re ru nọ makọ ewegrẹ riẹ dede a re ro yeri dhedhẹ kugbei.+
8 Umutho eware nọ ohwo o wo avọ ẹrẹreokie+U woma vi erere obuobu nọ a rọ okienyẹ wo.+
9 Ohwo ọ sae ma omaa oware nọ ọ gwọlọ ru evaọ udu riẹ,Rekọ Jihova họ ọnọ ọ rẹ kpọ ithihi riẹ.+
10 U fo nọ ovie ọ rẹ rọ igbenu riẹ bru emamọ oziẹ;*+Ọ rẹ vẹ ẹdhọ tu vievie he.+
11 Owawọ-eware gbe iskeli egbagba obọ Jihova i no ze;Itho owawọ* nọ e rrọ ẹkpa na kpobi ọye o ru rai.+
12 Iruẹru imuomu e rẹ tọtọ ivie oma,+Keme ẹrẹreokie oye u ru agbara-uvie na dikihẹ.+
13 Ẹme nọ o kiete ọ rẹ were ivie.
A re you ohwo nọ ọ rẹ ta uzẹme.+
14 Ofu ovie ọ wọhọ ọnyukọ nọ a vi nyai kpe ohwo,+Rekọ ohwo owareghẹ o re kie ofu na.*+
15 Ovao ovie o tẹ ghariẹ u re ru uzuazọ woma;Aruoriwo riẹ ọ wọhọ ẹgho oso evaọ obọ ekuhọ okiewhru.+
16 Areghẹ nọ ohwo o re wo o woma vi igoru thethabọ!+
Re a wo otoriẹ yọ oware nọ ohwo ọ rẹ salọ viukpọ isiliva.+
17 Edhere ologbo nọ ahwo nọ a kiete a be nya u thabọ no oware uyoma.
Ohwo kpobi nọ ọ be sẹro oma* riẹ o re siwi uzuazọ* riẹ.+
18 Nọ ohwo o te wo omorro, ekie o re lele iei,Yọ ohwo ọ tẹ be wọ oma kpehru, ezoruẹ o re lele iei.+
19 O mai woma re a romakpotọ* kugbe ahwo nọ a be romakpotọ+Viukpọ egbo-ẹmo ahwo nọ a be wọ oma kpehru nọ a re lele ai ghale.
20 Ọnọ o re wo otoriẹ ẹme kokodo eware i re woma kẹe,*Yọ eva e rẹ were ọnọ o fievahọ Jihova.
21 Enọ i wo areghẹ evaọ udu rai a ti se ai enọ i wo otoriẹ,+Yọ ọnọ ọ rẹ ta eme iwowolẹ ọ rẹ daoma ta ẹme ruọ ohwo oma.*+
22 Otoriẹ udidi yọ eyeri-ame uzuazọ kẹ enọ i wo rie,Rekọ igheghẹ na, ugheghẹ obọrai o rẹ whọku ai.
23 Udu ohwo nọ o wo areghẹ o rẹ lẹliẹ unu riẹ ta ẹme avọ otoriẹ udidi+Yọ o rẹ lẹliẹe ta ẹme ruọ ohwo oma.*
24 Eme ewewere yọ othuzou-ọnyọ,E rẹ were oma* je siwi igbenwa.+
25 U wo edhere jọ nọ o wọhọ nọ u kiehọ evaọ aro ohwo,Rekọ evaọ ukuhọ riẹ u re su kpohọ uwhu.+
26 Oware nọ u bi si oruiruo urru* o rẹ lẹliẹe ru iruo gagaKeme ohọo nọ u bi kpei* u re ru ei kru obọ ga.+
27 Ohwo nọ o fioka ha o re vi oware uyoma no otọ ze;+Eme riẹ e wọhọ erae nọ e rẹ mahe oware.+
28 Ọgwọlọ-ẹme* ọ rẹ wha ikẹ-isio ze,+Yọ ohwo ọtaraha ọ rẹ hẹriẹ egbẹnyusu ekpekpe.+
29 Ohwo ozighi ọ rẹ lẹliẹ ọrivẹ riẹ họỌ vẹ lẹliẹe nyathọ.
30 Ọ rẹ mahe ẹro nọ ọ be ma omaa umuomu na.
O re si unu koko nọ o bi ru umuomu na.
31 Eza-uzou yọ etu-uvie nọ o rẹ whẹ erru họ ohwo*+Nọ a te woi evaọ edhere ẹrẹreokie.+
32 Ohwo nọ ọ rẹ kaki mu ofu hu+ o woma vi ọgba,Yọ ọnọ ọ be kpọ ofu riẹ* o woma vi ọnọ o bi fi okpẹwho kparobọ.+
33 Ikpekpawọ a re gbolo eware nọ a be rọ ma ẹta fihọ,+Rekọ oware nọ ẹta na ọ ta kpobi obọ Jihova u no ze.+
Eme-Obotọ
^ Hayo “uyo nọ u kiehọ.” Evaọ Hibru, “uyo ẹrọo na.”
^ Evaọ Hibru, “Ọruẹrẹhọ udu na ohwo o wo rie.”
^ Evaọ Hibru, “e rẹ jọ fuafo.”
^ Evaọ Hibru, “ọ rẹ kiẹ ẹzi.”
^ Evaọ Hibru, “Ghelie iruo ra kẹ Jihova.”
^ Evaọ Hibru, “Obọ te obọ.”
^ Hayo “oziẹ nọ u no obọ Ọghẹnẹ ze.”
^ Hayo “Emamọ itho owawọ.”
^ Hayo “ọ rẹ whaha iẹe.”
^ Hayo “o bi rou edhere.”
^ Evaọ Hibru, “wo ẹzi oruori.”
^ Evaọ Hibru, “ọ rẹ ruẹ ewoma.”
^ Hayo “Yọ a re ku ẹtẹzẹ kugbe eme nọ e rẹ were ohwo.” Evaọ Hibru, “Yọ awere igbenu a re fi ẹtẹzẹ bae.”
^ Hayo “ta ẹme avọ ẹtẹzẹ.”
^ Evaọ Hibru, “unu riẹ.”
^ Hayo “Ohwo nọ ọ rẹ ma omaa umuomu.”
^ Hayo “kẹ ohwo orro.”
^ Evaọ Hibru, “o bi su ẹzi riẹ.”
