Itẹ 20:1-30
20 Enwaene ọ rẹ rọ ohwo zaharo,+ yọ udi ogaga o rẹ lẹliẹ ohwo ru ugberuo;+Ohwo kpobi nọ i su thọ o wo areghẹ hẹ.+
2 Idudu ovie* o wọhọ okpohrokpo* nọ ọ be go;+Ohwo kpobi nọ o ru eva dhae o fi uzuazọ riẹ họ ọza.+
3 U re bru ọghọ họ ohwo oma re ọ whaha ẹwhọ,*+Rekọ ohwo ogheghẹ kpobi ọ rẹ ruẹ e riẹ ghọghọ.+
4 Ọyẹlẹ o re kporo udhu hu evaọ ezi ekpahe,O ve ti mu eware họ ẹyare evaọ oke ivuẹvu keme o wo oware ovo ho.*+
5 Iroro nọ e rrọ* udu ohwo e wọhọ ame odidi,Rekọ ohwo nọ o wo orimuo o re si ai lahwe.
6 Ahwo buobu a rẹ ta nọ a wo uyoyou nọ o rẹ hiẹ hẹ,Rekọ ono ọ rẹ sae ruẹ ohwo nọ a re fievahọ?
7 Ohwo okiẹrẹe na ọ be nya evaọ ẹgbakiete.+
Jọ eva e were emọ* riẹ nọ e be tha.+
8 Nọ ovie na ọ tẹ keria agbara-uvie riẹ re o bruoziẹ,+Ọ rẹ rọ ibiaro riẹ vuhu oware uyoma kpobi.*+
9 Ono ọ rẹ sae ta nọ: “Me ru udu mẹ fo no;+Mẹ fo no uzioraha mẹ no”?+
10 Ewawọ-eware ewhariọ gbe ewawọ-eware eviẹhọ,*Ivẹ na e rẹ tọtọ Jihova oma.+
11 Makọ ọmaha* dede, a rẹ rọ eware nọ o bi ru rọ riẹe,Sọ uruemu riẹ o rrọ ziezi* je kiehọ.+
12 Ozọ nọ a re ro yo ẹme gbe ubiẹro nọ a rẹ rọ ruẹ udeJihova họ ọnọ ọ ma ivẹ na.+
13 Jọ owezẹ o were owhẹ ga hrọ họ, o gbẹ rrọ ere he uvuhu u ve ti te owhẹ oma.+
Rovie aro ra, kẹsena whọ vẹ te re ebrẹdi nọ e rẹ vọ owhẹ eva.+
14 Ohwo nọ ọ be dẹ oware ọ ta nọ: “U woma ha, u woma ha!”Kẹsena ọ vẹ nyavrẹ o ve mu oma họ ẹya.+
15 Igoru e riẹ, gbe ikoral* buobu,Rekọ igbenu nọ e rẹ ta eme eriariẹ e rrọ ghaghae.+
16 Mi ohwo ewu riẹ otẹrọnọ o dikihẹ esalobọ kẹ ọrara;+Gboro oware nọ o ro viowa mi ei otẹrọnọ o dikihẹ esalobọ kẹ aye orẹwho ọfa.*+
17 Ebrẹdi nọ a rọ eviẹhọ wo ọ rẹ were ohwo unu,Rekọ ukuhọ riẹ unu riẹ o vẹ vọ avọ ibitho.+
18 Omaa u re rugba* nọ a tẹ be nọ* mi amọfa,+Yọ ẹkwoma emamọ ohrẹ* whọ sai ro fi ẹmo ra.+
19 Ohwo ọtaraha ọ rẹ nya kpenẹ avọ enẹ vaha eme nọ a rẹ ko dhere;+Who lele ohwo nọ iguẹgu e rẹ were* nya usu hu.
20 Ohwo kpobi nọ ọ la ọsẹ riẹ avọ oni riẹ eka,Ukpẹ riẹ u re fu nọ ebi ọ tẹ ze.+
21 Ukuoriọ nọ a rọ uvou-uthei wo evaọ emuhọO rẹ jọ oghale he evaọ ukuhọ riẹ.+
22 Who du ta ha inọ: “Mẹ te hwosa emuemu zihe!”+
Fi ẹruore ra họ Jihova,+ o ve ti siwi owhẹ.+
23 Ewawọ-eware ewhariọ* e rẹ tọtọ Jihova oma,Yọ iskeli eviẹhọ i woma ha.
24 Jihova họ ọnọ ọ be kpọ ithihi ohwo-akpọ;+Kọ ẹvẹ ohwo-akpọ ọ sai ro wo otoriẹ edhere obọriẹ?*
25 Agbefẹ o rrọ re ohwo ọ rọ okpakpa bo nọ, “Ọrẹri!”+
Kẹsena o ve te ti roro kpahe oware nọ ọ ya eyaa riẹ na.+
26 Ovie owareghẹ ọ rẹ yẹyẹ irumuomu na via+Ọ vẹ rọ oware nọ a re ro si ibi no igbe ekakọ nọ u wo etẹ dhẹ ehru rai vrẹ.+
27 Eme nọ i bi no unu ohwo ze* e wọhọ ukpẹ Jihova,I re rovie eware ididi obeva riẹ via.
28 Uyoyou nọ o rẹ hiẹ hẹ gbe ọtẹruo e rẹ thọ ovie;+O te wo uyoyou nọ o rẹ hiẹ hẹ, agbara-uvie riẹ ọ rẹ tọ.+
29 Ẹgba uzoge emezae họ orro rai,+Yọ eza-uzou ekpọkuezae họ erru rai.+
30 Oma nọ u horie gbe emela e rẹ wozẹ* eyoma no,+Yọ ukpe nọ a re kpe ohwo u re ru ei fo evaọ obeva.
Eme-Obotọ
^ Hayo “Ozọ ovie nọ u re mu ahwo.”
^ Hayo “okpohrokpo nọ ọ rrọ whẹvu.”
^ Hayo “avro; ikẹ-isio.”
^ Hayo o sae jọ nọ, “O re rri evaọ oke ivuẹvu rekọ ọ rẹ ruẹ oware ovo ho.”
^ Hayo “Eware nọ ohwo ọ gwọlọ ru nọ e rrọ.” Evaọ Hibru, “Ohrẹ nọ o rrọ.”
^ Evaọ Hibru, “emezae.”
^ Hayo “yẹyẹ oware uyoma kpobi via.”
^ Hayo “Itho owawọ ivẹ nọ i wo ohẹriẹ gbe ewawọ-eware ivẹ nọ i wo ohẹriẹ.”
^ Hayo “ọmọzae.”
^ Hayo “o rrọ fuafo.”
^ Hayo “kẹ ohwo orẹwho ọfa.”
^ Hayo “dikihẹ; o rẹ ga.”
^ Hayo “gwọlọ ohrẹ.”
^ Hayo “ohrẹ areghẹ.”
^ Hayo “ọnọ ọ rẹ rọ igbenu riẹ lẹliẹ ahwo.”
^ Hayo “Itho owawọ ivẹ nọ i wo ohẹriẹ.”
^ Hayo “ọ sae rọ riẹ edhere nọ ọ rẹ nya?”
^ Evaọ Hibru, “Ẹwẹ-okuo ohwo.”
^ Hayo “fọrọ.”
