Itẹ 24:1-34
24 Who du re ahwo omuomu ihri hi,Jọ usu rai u si owhẹ urru hu,+
2 Keme a rẹ jọ udu rai roro didi kpahe ozighi,Jẹ rọ igbenu rai ta eme nọ a rẹ rọ gwọlọ ẹme.
3 Areghẹ a rẹ rọ bọ uwou* ga,+Yọ orimuo a re ro ru ei dikihẹ kothi.
4 Ẹkwoma eriariẹ a rọ rehọOghoghẹrẹ eware iwowoma kpobi nọ e rrọ ghaghae vọ ibrikpẹ riẹ.+
5 Ohwo owareghẹ o wo ẹgba,+Yọ ẹkwoma eriariẹ, ohwo o re ro ru ogaga riẹ vihọ.
6 Ẹkwoma emamọ ohrẹ* who ti ro fi ẹmo ra,+Yọ ẹkwoma ekohrẹ* ibuobu a re ro wo obokparọ.*+
7 Ohwo ogheghẹ ọ rẹ sai wo uvi areghẹ vievie he;+O wo oware ovo nọ ọ rẹ ta evaọ unuẹthẹ okpẹwho na ha.
8 Ohwo kpobi nọ ọ rẹ ma omaa umuomuA ti sei olori ẹgwae omuomu.+
9 Omaa ugheghẹ* yọ uzioraha,Yọ osẹkoko o re tu ahwo oma.+
10 Udu u te whrehe owhẹ evaọ ẹdẹ okpẹtu,*Ẹgba ra o re gbe tulo ho.
11 Thọ enọ a be rehọ vrẹ nyai kpe,Re who siwi enọ e be nya geli geli kpohọ obonọ a ti jo kpe ai.+
12 Whọ tẹ ta nọ, “Rekọ ma riẹ kpahe onana ha,”
Kọ Ọnọ ọ rẹ kiẹ idu ahwo* riwi na o gbe ti vuhu iei mu?+
Ẹhẹ, Ọnọ o bi muẹrohọ owhẹ* na ọ te riẹYọ ọ te hwosa kẹ omomọvo wọhọ epanọ iruo riẹ e rrọ.+
13 Ọmọzae mẹ, lalọ ọnyọ, keme o rrọ wowoma;Ọnyọ nọ o no othuzou-ọnyọ ze ọ rẹ were unu.
14 U te no ere no, riẹ nọ areghẹ o woma kẹ owhẹ.*+
Who te duku ei, who ti yeri emamọ uzuazọ evaọ obaroYọ ẹruore ra ọ te jọ ofofe he.+
15 Whọ rọ eva egaga dhere hẹrẹ ohwo okiẹrẹe evaọ akotọ uwou riẹ hẹ;Whọ raha oria eriosehọ riẹ no ho.
16 Keme ohwo okiẹrẹe ọ sai kie isiahrẹ, ọ vẹ wariẹ kpama,+Rekọ okpẹtu o ti gele orumuomu na kie.+
17 Nọ ọwegrẹ ra o te kie, who du ghọghọ họ,Nọ o te zoruẹ, whọ ghọghọ evaọ udu ra ha;+
18 O gbẹ rrọ ere he, Jihova ọ te ruẹ onana eva e vẹ te dhae,Ọ vẹ te rẹriẹ ofu riẹ no ohwo yena.*+
19 Whọ dha eva* fiki ahwo omuomu hu;Whọ re irumuomu ihri hi,
20 Keme orumuomu ọvuọvo nọ o wo ẹruore ọ rrọ họ;+Ukpẹ ohwo omuomu u ti fu no.+
21 Ọmọzae mẹ, dhozọ Jihova gbe ovie na.+
Yọ whọ nya usu kugbe ahwo nọ a re si ikẹ hẹ,*+
22 Keme okpẹtu rai o ti kie ze idudhe.+
Kọ ono ọ riẹ ọraha nọ aimava* a te wha se ai?+
23 Iwareghẹ na a rẹ ta ẹme nana re, inọ:
U woma ha re a dhesẹ ọriẹwẹ evaọ ẹdhoguo.+
24 Ohwo kpobi nọ ọ ta kẹ orumuomu nọ, “Who kiẹrẹe,”+
Ahwo a te bọwo iẹe ehao, yọ erẹwho na a ti brukpei.
25 Rekọ eware e te riẹ nya kẹ enọ e be whọku ei;+A te rọ emamọ eware ghale ae.+
26 Ahwo a te viọlọ igbenu ohwo nọ ọ rẹ kẹ uyo uzẹme.*+
27 Ruẹrẹ iruo obọ otafe ra họ, re whọ ruẹrẹ eware kpobi kpahe evaọ obọ ẹwọ;Kẹsena whọ vẹ bọ uwou* ra.
28 Who se isẹri kpe ọrivẹ ra gheghe gheghe he.+
Whọ rọ igbenu ra viẹ ahwo họ họ.+
29 Whọ ta ha inọ: “Me ti ru ei epanọ o ru omẹ na;Mẹ te rọ oware nọ o ru na hwosa zihe kẹe.”*+
30 Mẹ nya akotọ udhu ọyẹlẹ vrẹ,+Akotọ ọgbọ evaene ohwo nọ ọ kare areghẹ.*
31 Mẹ tẹ ruẹ nọ ẹbe o di vọe;Ẹbe osokpọ o di vọ udhu na kpobi,Yọ ugbẹhẹ* riẹ u kporo kuotọ no.+
32 Mẹ ruẹ onana mẹ tẹ jọ udu mẹ roro kpahe iẹe;Mẹ ruẹ e riẹ, je wuhrẹ oware nana noi ze, inọ:*
33 Umutho owezẹ, umutho ekiẹzẹ,Umutho abọ nọ a re ro muoma re a serihọ,
34 Uvuhu ra o vẹ te ze wọhọ otu ugbarugba,Eware e vẹ te kare owhẹ wọhọ ogbulegbu nọ ọ wọ ze.+
Eme-Obotọ
^ Hayo “uviuwou.”
^ Hayo “ohrẹ areghẹ.”
^ Hayo “ekiroro.”
^ Hayo “eware e rẹ rọ riẹ nya; a re ro wo esiwo.”
^ Hayo “Omaa ohwo ogheghẹ.”
^ Hayo “evaọ oke uye.”
^ Hayo “ẹjiroro nọ ohwo o bi ro ru oware.”
^ Koyehọ, ọwegrẹ na.
^ Hayo “Jọ oma o rrorro owhẹ.”
^ Hayo “enọ e gwọlọ enwene he.”
^ Koyehọ, Jihova gbe ovie na.
^ Hayo o sae jọ nọ, “Uyo nọ a rẹ kẹ ovavo o wọhọ unu nọ a viọlọ ohwo.”
^ Hayo “uviuwou.”
^ Hayo “Me ti ru ei kele.”
^ Evaọ Hibru, “ọ kare ubiudu.”
^ Hayo “ugbẹhẹ itho.”
^ Evaọ Hibru, “Mẹ rehọ uthubro na.”
