Itẹ 22:1-29

  • Emamọ odẹ o woma vi efe obuobu (1)

  • Uwuhrẹ nọ a kẹ ọmọ evaọ emaha u re fiobọhọ kẹe rite ọkpako (6)

  • Ọyẹlẹ ọ rẹ dhozọ okpohrokpo obọ otafe (13)

  • Ọwhọkuo o re si ugheghẹ no (15)

  • Oruiruo nọ o wo onaa o re ru iruo kẹ ivie (29)

22  U fo re a salọ emamọ odẹ* viukpọ efe obuobu;+Re a kẹ ohwo adhẹẹ* u woma vi isiliva gbe igoru.   Ọdafe avọ oyogbe epọvo na a rrọ evaọ onana:* Jihova họ ọnọ ọ ma aimava na.+   Ohwo nọ o wo areghẹ* ọ rẹ ruẹ oware enwoma, o ve siomano,Rekọ ogbori ọ rẹ nyaruọ ẹe, ọ vẹ reoja oware* nọ u re noi ze.   Oware nọ u re no omaurokpotọ gbe ozodhẹ Jihova ze họEfe gbe oruaro gbe uzuazọ.+   Idhigbo gbe eta e rrọ edhere ohwo eviẹhọ na,Rekọ ohwo kpobi nọ o rri uzuazọ* riẹ ghaghae ọ rẹ kẹnoma thabọ kẹ ae.+   Wuhrẹ ọmọ* edhere nọ u fo nọ ọ rẹ nya;+Makọ okenọ ọ kpako no dede o re noi hi.+   Ọdafe o re su oyogbe,Yọ ohwo nọ o momo, ọrigbo ọ rrọ kẹ ọnọ o momo mi.+   Ohwo kpobi nọ ọ be kọ emuemu o ti vu okpẹtu,+Yọ a te raha ọkpọ ofu riẹ na no.+   Ohwo nọ o re ru ọghọ* o ti wo eghale,Keme ọ rẹ jọ emu nọ o wo kẹ iyogbe.+ 10  Le ohwo nọ ọ rẹ rọ ahwo jijehwẹ na vrẹ,Ẹwhọ ọ gbẹ te jariẹ hẹ;Avro* gbe ekela i ve ti kuhọ. 11  Ohwo nọ o re rri udu ofuafo ghaghae nọ ọ rẹ ta eme iwowouỌ te jọ ogbẹnyusu ovie.+ 12  Jihova ọ be sẹro ọnọ o wo eriariẹ na,*Rekọ ọ rẹ raha ẹme ahwo ẹghẹ na.+ 13  Ọyẹlẹ ọ rẹ ta nọ “Okpohrokpo ọ rrọ obọ otafe! O ti kpe omẹ no evaọ udevie oko-ore na!”+ 14  Unu aye nọ o wo ekpehre ẹro* yọ ọgọdọ odidi.+ Ọnọ Jihova o brukpe o ti kie fihọ eva riẹ. 15  Ugheghẹ o vọ udu ọmaha,*+Rekọ ọkpọ ọwhọkuo* o re si ei no oma riẹ thethabọ.+ 16  Ohwo nọ o re fi iyogbe na iwhayo re efe riẹ ọ ruẹsi bu+Gbe ohwo nọ ọ rẹ kẹ edafe ekẹUvuhu u ti kpe ai. 17  Fi ezọ ra hotọ re whọ gaviezọ kẹ eme ohwo owareghẹ,+Re whọ ruẹsi wo eriariẹ mẹ evaọ udu ra,+ 18  Keme u woma gaga re who fi ai họ obeva ra kokodo,+Re aikpobi e ruẹse jọ igbenu ra kẹse kẹse.+ 19  Re whọ ruẹsi fievahọ Jihova,Mẹ be kẹ owhẹ eriariẹ nẹnẹ na. 20  Kọ me gbe ri kere se owhẹ,Re mẹ kẹ owhẹ ohrẹ gbe eriariẹ, 21  Re me wuhrẹ owhẹ eme uzẹme nọ a re fievahọ,Re whọ sae wha iyẹrẹ egbagba zihe se ọnọ o vi owhẹ? 22  Whọ gba oyogbe mi eware riẹ hẹ fikinọ o yogbe,+Yọ who kienyẹ oruori na ha evaọ unuẹthẹ okpẹwho na,+ 23  Keme Jihova ọ te thothọ rai+Yọ ọ te rehọ uzuazọ* enọ i fi rai iwhayo. 24  Who lele ohwo nọ o wo ofu ọkpakpata nya usu huHayo kuomagbe ohwo nọ ọ rẹ kaki mu ofu hu, 25  Re who gbe wuhrẹ uruemu riẹ vievie heNọ u re ru owhẹ* kie ruọ agbefẹ.+ 26  Whọ jọ usu enọ e rẹ suọ ahwo obọ rọ ya eyaa ha,Enọ e rẹ rọ eware viowa kẹ ugho nọ a momo.+ 27  Otẹrọnọ who wo oware ovo nọ whọ rẹ rọ hwa ha,A te wọ ehwa ra nọ who kiẹzẹ na mi owhẹ! 28  Who fowo oka uwhru nọ a fihọ anwọ anwae heOnọ esẹ-esẹ rai a fihọ.+ 29  Kọ whọ ruẹ ohwo nọ o wo onaa iruo ziezi no ẹdẹ jọ? Aro ivie o re dikihẹ;+O re dikihẹ aro ahwo gheghe he.

Eme-Obotọ

Evaọ Hibru, “salọ odẹ.”
Evaọ Hibru, “Aruoriwo.”
Evaọ Hibru, “a zere ohwohwo.”
Hayo “Ohwo nọ ọ rẹ kaki rri otọ mu.”
Hayo “uye.”
Evaọ Hibru, “nifẹsh.” Rri oria Otofa Eme.
Hayo “ọmọzae; uzoge.”
Evaọ Hibru, “Ọnọ o wo emamọ ẹro.”
Hayo “Edhọ nọ a re tu ahwo.”
Evaọ Hibru, “o bi rou eriariẹ.”
Evaọ Hibru, “aye ọrara.” Rri Itẹ 2:16.
Hayo “ọmọzae; uzoge.”
Hayo “uthubro.”
Evaọ Hibru, “nifẹsh.” Rri oria Otofa Eme.
Evaọ Hibru, “ru nifẹsh ra.” Rri oria Otofa Eme.