Itẹ 11:1-31

  • Ohwo nọ ọ riẹ ọnyaba riẹ o wo areghẹ (2)

  • Ọnọ ọ siọ orọwọ na no ọ rẹ raha amọfa (9)

  • “Eware e rẹ riẹ nya nọ ekohrẹ i te bu” (14)

  • Ohwo nọ o re ru ọghọ, eware i ti woma kẹe (25)

  • Ọnọ o fievahọ efe riẹ o ti kie (28)

11  Iskeli ewhariọ* e rẹ tọtọ Jihova oma,Rekọ owawọ-oware ogbagba* o rẹ were iẹe.+   Nọ ohwo o te bi ru oware nọ a kẹ riẹ udu riẹ hẹ, o rẹ wha omovuọ ze,+Rekọ ohwo nọ ọ riẹ umuo nọ ọ rẹ nyaba o wo areghẹ.+   Oware nọ o be kpọ enọ i kiete họ ẹgbakiete rai,+Rekọ uruemu eviẹhọ orọ ahwo ẹghẹ na u ti kpe ai.+   Efe ọ te* wha erere ọvo ze he evaọ ẹdẹ ofu ọgaga,+Rekọ ẹrẹreokie họ oware nọ u re siwi ohwo no uwhu.+   Ẹrẹreokie ọnọ ọ kare afuẹwẹ o re ru edhere riẹ liọ,Rekọ orumuomu o ti kie fiki umuomu obọriẹ.+   Ẹrẹreokie ahwo nọ a kiete o te thọ ae,+Rekọ isiuru ahwo ẹghẹ họ ẹta nọ o ti mu ai.+   Nọ orumuomu o te whu no, yọ ẹruore riẹ ọ raha no;Ọ rẹ sai gbe wo eware nọ o je rẹro nọ ọ te rọ ogaga riẹ wo na ha.+   A re si okiẹrẹe no uye,Orumuomu ọ vẹ rehọ ẹta riẹ.+   Ọnọ ọ siọ orọwọ na no* ọ rẹ rọ unu raha ọrivẹ riẹ,Rekọ eriariẹ i re siwi okiẹrẹe na.+ 10  Ewoma ohwo okiẹrẹe o rẹ lẹliẹ okpẹwho ghọghọ,Yọ orumuomu o te whu, ahwo a re bo ubo oghọghọ.+ 11  Ọnọ o kiete ọ rẹ lẹ ẹro nọ o rẹ kpare okpẹwho kpehru,+Rekọ unu orumuomu o rẹ raha okpẹwho kuotọ.+ 12  Ohwo kpobi nọ ọ kare areghẹ* o re rri ọrivẹ riẹ vo,*Rekọ ohwo nọ o wo uvi orimuo ọ rẹ fọ tou.+ 13  Ohwo ọtaraha ọ rẹ nya kpenẹ avọ enẹ vaha eme nọ u fo nọ a rẹ ko dhere,+Rekọ ohwo nọ a re fievahọ* ọ rẹ ko ẹme dhere.* 14  Otẹrọnọ ọnọ ọ rẹ kẹ ahwo emamọ ohrẹ* ọ riẹ hẹ, ahwo a re kie,Rekọ eware e rẹ riẹ nya* nọ ekohrẹ* i te bu.+ 15  Ohwo kpobi nọ o dikihẹ esalobọ kẹ ọrara nọ o bi momo ugho* ọ rẹ siọ uye ba ẹruẹ hẹ,+Rekọ ohwo o re wo omofọwẹ nọ ọ tẹ whaha* obọ nọ ọ rẹ suọ ohwo rọ ya eyaa kẹe. 16  A rẹ kẹ emamọ aye* ọghọ,+Rekọ ezae egeva a rẹ rọ ogaga mi ahwo ekwakwa efe rai. 17  Ohwo owowou* ọ rẹ wha erere* se omariẹ,*+Rekọ ohwo ọgeva ọ rẹ wha uye* se omariẹ.+ 18  Orumuomu o re wo osohwa ufofe,*+Rekọ ohwo nọ o re ru eware nọ i kiẹrẹe o re wo uvi osohwa.+ 19  Ohwo nọ o dikihẹ ga kẹ oware nọ u kiẹrẹe o ti wo uzuazọ,+Rekọ ọnọ o bi ru umuomu o ti whu kufiẹ. 20  Enọ i wo udu eviẹhọ a rẹ tọtọ Jihova oma,+Rekọ enọ iruẹru rai e kare afuẹwẹ e rẹ were iẹe.+ 21  Jọ onana u mu owhẹ ẹro, inọ:* A rẹ siọ orumuomu uye ba ẹkẹ hẹ,+Rekọ emọ enọ i kiẹrẹe e te dhẹ vabọ. 22  Wọhọ ẹmẹro igoru nọ ọ rrọ igbinwe esiEre aye nọ o wo erru nọ ọ se areghẹ ọ rrọ re. 23  Isiuru ikiẹrẹe na e rẹ wha ewoma ze,+Rekọ oware nọ irumuomu na a bi rẹro riẹ o rẹ wha ofu ọgaga ze. 24  Ohwo jọ o re ru ọghọ* gaga, ukuhọ riẹ o te wo eware buobu;+Rekọ u wo omọfa nọ ọ rẹ rọwo ru ọghọ họ,* ukuhọ riẹ o te zihe ruọ oyogbe.+ 25  Ohwo* nọ o re ru ọghọ, eware i ti woma kẹe,*+Yọ ohwo kpobi nọ ọ rẹ sasa amọfa oma,* a te sasa iẹe oma re.+ 26  Ohwo nọ o re siobọno emu hu,* ahwo a rẹ bọwo iẹe ehao,Rekọ a te lẹ ẹro eghale kẹ ọnọ ọ rẹ zẹ emu. 27  Ohwo nọ ọ be romatotọ gwọlọ epanọ o re ro ru ewoma, ọ gwọlọ aruoriwo,+Rekọ ohwo nọ ọ be gwọlọ epanọ o re ro ru eyoma, eyoma o ti tei hrọ.+ 28  Ọnọ o fievahọ efe riẹ o ti kie,+Rekọ ikiẹrẹe na e te gbọ bọbọbọ wọhọ ẹbe ọrọrọ.+ 29  Ohwo kpobi nọ o re si uye* se ahwo uwou riẹ, o ti wo ukuoriọ ovo ho,*+Yọ ogheghẹ na ọ te jọ odibo kẹ ọnọ o wo areghẹ. 30  Ubi nọ ikiẹrẹe na a rẹ mọ yọ ure uzuazọ,+Yọ ohwo nọ ọ rẹ tẹzẹ amọfa* nwene o wo areghẹ.+ 31  Otẹrọnọ okiẹrẹe nọ ọ rrọ otọakpọ na o ti wo osohwa,Kiyọ orumuomu na avọ ọrahauzi a te siọ osohwa ba ewo ho!+

Eme-Obotọ

Hayo “iwhayo.”
Hayo “utho owawọ ogbagba.”
Hayo “Eware eghaghae e te.”
Hayo “Ohwo nọ ọ be gọ Ọghẹnẹ hẹ.”
Evaọ Hibru, “ọ kare ubiudu.”
Hayo “ọ rẹ jẹ ọrivẹ riẹ fiẹ.”
Evaọ Hibru, “Rekọ ọnọ o wo ẹzi ọtẹruo.”
Evaọ Hibru, “o re ruru ẹme.”
Hayo “ohrẹ areghẹ.”
Hayo “Rekọ esiwo ọ rẹ ze.”
Hayo “ekiroro.”
Hayo “nọ ọ rọ oware viowa fiki ọrara.”
Evaọ Hibru, “o te mukpahe.”
Hayo “aye nọ o wo erru.”
Hayo “Ọzae nọ o wo uyoyou nọ o rẹ hiẹ hẹ.”
Hayo “ewoma.”
Evaọ Hibru, “nifẹsh riẹ.” Rri oria Otofa Eme.
Hayo “omovuọ.”
Hayo “osohwa eviẹhọ.”
Evaọ Hibru, “Obọ te obọ.”
Evaọ Hibru, “ọ rẹ vaha.”
Hayo “rọwo siobọno oware nọ u fo nọ o re siobọno ho.”
Evaọ Hibru, “Nifẹsh.” Rri oria Otofa Eme.
Evaọ Hibru, “a ti ru ei fu.”
Evaọ Hibru, “o re ku ame ku odode.”
Hayo “ibi hi.”
Hayo “ọ rẹ wha omovuọ.”
Hayo “ọ te reuku ofou.”
Evaọ Hibru, “nifẹsh.” Rri oria Otofa Eme.