Itẹ 17:1-28
17 Ẹwẹ ebrẹdi nọ ọ ya fia no evaọ oria nọ udhedhẹ o rrọ* o woma+Vi uwou nọ a bi jo ru ehaa emuọriọ* nọ ẹwhọ ọ rrọ.+
2 Odibo nọ o wo otoriẹ udidi o re su ọmọzae uwou na nọ o re ru oware omovuọ;A rẹ ghale uku tei wọhọ ẹsenọ ọ rrọ omọvo inievo riẹ.
3 A rẹ rọ ẹbẹro* ghra isiliva nọ a te bi ru ei fo, igoru kọ eva umuwou-erae,+Rekọ Jihova họ ọnọ ọ rẹ kiẹ idu riwi.+
4 Orumuomu ọ rẹ kezọ kẹ eme edada,Yọ ohwo eviẹhọ ọ rẹ gaviezọ kẹ ẹrọo ọtaraha.+
5 Ohwo kpobi nọ ọ hwẹ oyogbe ọ la Ọnọ ọ ma riẹ eka,+Yọ ohwo kpobi nọ ọ be ghọghọ fiki uye nọ u te omọfa, a te se iẹe uye ba ẹkẹ hẹ.+
6 Emọ-iruọmọ-emezae* yọ etu-uvie kẹ ahwo nọ a kpako no,Yọ esẹ* họ orro emezae* rai.
7 Eme nọ i kiete* i fo ohwo ogheghẹ hẹ.+
O tubẹ mai yoma re osu* ọ ta ọrue.+
8 Okẹ nọ a kẹ ohwo o rẹ wọhọ utho oghaghae* kẹe;+Oria kpobi nọ ọ nya, o rẹ wha erere sei.+
9 Ohwo kpobi nọ ọ rẹ rọ oruthọ rọvrẹ* ọ gwọlọ uyoyou,+Rekọ ọnọ o re dhe oware ọvona ẹtẹta ọ rẹ hẹriẹ egbẹnyusu ekpekpe.+
10 A te doku ohwo nọ o wo otoriẹ, u re duobọtei+Vi ohwo ogheghẹ nọ a tehe isia udhusoi.+
11 Ọkparesuọ ọvo ekpehre ohwo ọ rẹ gwọlọ,Rekọ ọnyukọ ọgeva a ti vi sei re ọ kẹe uye.+
12 O mai woma re ohwo ọ nyaku adaka nọ a kpe emọ riẹ noViukpenọ whọ rẹ nyaku ohwo ogheghẹ nọ o bi dhesẹ ugheghẹ riẹ.+
13 Otẹrọnọ ohwo ọ rehọ eyoma hwosa ewomaEyoma o re no uwou riẹ hẹ.+
14 Ohọre nọ a re muhọ o wọhọ unuẹthẹ ame nọ a bi rovie;*Taure ẹwhọ o te ti du lahwe, nyavrẹ.+
15 Ohwo kpobi nọ o bruoziẹ kẹ orumuomu gbe ohwo kpobi nọ o brukpe ohwo okiẹrẹe+Aimava a rẹ tọtọ Jihova oma.
16 Erere vẹ ọ riẹ nọ ohwo ogheghẹ o te wo uvẹ nọ o re ro wo areghẹYọ o wo iroro* nọ o re ro woi hi?*+
17 Emamọ ogbẹnyusu o re dhesẹ uyoyou ẹsikpobi+Ọ tẹ jẹ rrọ oniọvo nọ a yẹ fiki oke idhọvẹ.+
18 Ohwo nọ ọ kare areghẹ* ọ rẹ suọ omọfa obọJẹ rọwo evaọ iraro ọrivẹ riẹ inọ o re dikihẹ esalobọ.*+
19 Ọnọ ẹwhọ ọ rẹ were yọ oruthọ ọ be were iẹe na.+
Ohwo kpobi nọ o ru unuwou riẹ kpekpehru ọ be gwọlọ ekie ọgaga.+
20 Ohwo nọ o wo udu eviẹhọ, eware i ti woma kẹe he,*+Yọ ọnọ ọ rẹ ta eme eviẹhọ o ti kie whu.
21 Ọsẹ ọmọ ogheghẹ o ti weri;Yọ ọsẹ ọmọ nọ o wo areghẹ hẹ o re wo evawere he.+
22 Udu nọ oghọghọ o rrọ yọ emamọ umu,*+Rekọ uweri u re mi ohwo ẹgba.*+
23 Ohwo omuomu ọ rẹ lẹlẹ re udi*Re ọ vẹ ẹdhọ tu.+
24 Areghẹ ọ rẹriẹ ovao ku ohwo nọ o wo orimuo,Rekọ ibiaro ohwo ogheghẹ i re reghe kpohọ oka avọ oka otọakpọ na.+
25 Ọmọ ogheghẹ ọ rẹ wha uweri se ọsẹ riẹJẹ wha edada* se ọnọ o yẹ riẹ.+
26 U woma ha re a kẹ ohwo okiẹrẹe uye,*Yọ u kiehọ họ re a fa ahwo nọ a wo ọghọ.
27 Ohwo nọ o wo eriariẹ o re mu ẹme ta ha,+Yọ ohwo nọ o wo orimuo ọ rẹ fọ rirẹ.*+
28 Ohwo ogheghẹ dede ọ tẹ fọ tou a re rri rie wọhọ ohwo nọ o wo areghẹ,Yọ a re rri ohwo nọ ọ fare unu riẹ wọhọ ọnọ o wo orimuo.
Eme-Obotọ
^ Evaọ Hibru, “dhe idhe buobu.”
^ Hayo “nọ o rrọ dhedhẹ.”
^ Hayo “ẹbẹro nọ a rẹ rọ ghra oware re a ru ei fo.”
^ Hayo “Emọ-iruọmọ.”
^ Hayo “esẹgbini.”
^ Hayo “emọ.”
^ Hayo “Emamọ eme.”
^ Hayo “okpohwo.”
^ Hayo “utho nọ o rẹ wha aruoriwo ze.”
^ Evaọ Hibru, “nọ o ruru oruthọ.”
^ Hayo “o wọhọ ugbẹhẹ nọ a ma kpehru fihọ akotọ ethẹ nọ a zurie.” Evaọ Hibru, “ame obuobu nọ a siobọno.”
^ Evaọ Hibru, “udu.”
^ Hayo “Nọ ọ tẹ kare areghẹ?”
^ Evaọ Hibru, “ọ kare ubiudu.”
^ Hayo “ọ rẹ rọ oware viowa.”
^ Evaọ Hibru, “ọ te ruẹ ewoma ha.”
^ Hayo “emamọ usiwo.”
^ Hayo “o rẹ lẹliẹ igbenwa na ya fia.”
^ Evaọ Hibru, “rehọ udi-oriọ nọ u no igbama ze.”
^ Evaọ Hibru, “ẹyayare.”
^ Hayo “re a ho ohwo okiẹrẹe.”
^ Evaọ Hibru, “o wo ẹzi odhedhẹ.”
