Itẹ 19:1-29
19 O mai woma re ohwo o yogbe jẹ nya evaọ ẹgbakiete+Viukpenọ ọ rẹ jọ gheghẹ jẹ be ta erue.+
2 Ohwo* nọ o wo eriariẹ hẹ o woma ha,+Yọ ohwo nọ ọ rẹ rọ okpakpa ru eware* ọ be raha uzi.
3 Ugheghẹ obọ ohwo họ oware nọ u re su ei thọ,Ọ vẹ jọ udu riẹ mu ofu kẹ Jihova.
4 Efe o re si egbẹnyusu buobu,Rekọ ahwo a rẹ dhẹ siọ oyogbe ba makọ ogbẹnyusu riẹ dede.+
5 A rẹ siọ osisẹri ọrue uye ba ẹkẹ hẹ,+Yọ ohwo nọ ọ rẹ ta ọrue ẹsikpobi* ọ te vabọ họ.+
6 Ahwo buobu a rẹ gwọlọ mu ogbẹnyusu kugbe okpohwo,*Yọ ohwo kpobi ọ rẹ jọ ogbẹnyusu ọnọ ọ rẹ kẹ ahwo ekẹ.
7 Inievo oyogbe kpobi a mukpahe iẹe;+Kọ ẹvẹ egbẹnyusu riẹ a re mukpahe iẹe te!+
Ọ rẹ dhẹ lele ai re a fiobọhọ kẹe, rekọ ọvuọvo ọ be daezọ riẹ hẹ.
8 Ohwo kpobi nọ o wo emamọ areghẹ* o you omobọ* riẹ.+
Ohwo kpobi nọ orimuo ọ rẹ were, eware i ti woma kẹe.*+
9 A rẹ siọ osisẹri ọrue uye ba ẹkẹ hẹ,Yọ ohwo nọ ọ rẹ ta ọrue ẹsikpobi* o ti whu.+
10 U fo ho re ohwo ogheghẹ o yeri uzuazọ akpọriọ;Yọ o tubẹ mai yoma re odibo o su emezae-ivie!+
11 Otoriẹ udidi nọ ohwo o wo u re hrẹ ofu riẹ kpotọ,+Yọ erru o rrọ kẹe re ọ kpairoro vrẹ* oware nọ a ru rie thọ.+
12 Ovie nọ ofu o bi mu ọ wọhọ okpohrokpo* nọ ọ be go,+Rekọ eva ohwo e tẹ be were iẹe o rẹ wọhọ igrigri nọ i kie fihọ ẹbe.
13 Ọmọ ogheghẹ o re si okpẹtu se ọsẹ riẹ,+Yọ aye nọ ọ rẹ whọ ẹwhọ gaga* ọ wọhọ idhe uwou nọ i bi fi ọvo.+
14 Uwou avọ efe yọ ukuoriọ nọ u re no obọ esẹ ze,Rekọ obọ Jihova aye nọ o wo areghẹ o re no ze.+
15 Oyẹlẹ u re fou ohwo họ owezẹ udidi,Yọ ohwo* nọ o re kpo simẹ simẹ ohọo u re kpei.+
16 Ohwo nọ o bi koko ujaje na o bi siwi uzuazọ* riẹ;+Ohwo nọ o re mu ru o ti whu.+
17 Ohwo nọ o bi fiobọhọ kẹ oruori o bi momo kẹ Jihova,+Yọ Ọ te hwa oware nọ o ru zihe kẹe.*+
18 Whọku ọmọ* ra okenọ ẹruore ọ gbẹ riẹ,+Yọ whọ jọ ọnọ o re si uwhu kpei hi.*+
19 Ohwo nọ o wo ofu ọkpakpata ọ rẹ ruẹ uye riẹ;Whọ tẹ be gwọlọ thọe, kiyọ who ti dhe onana erueruo.+
20 Gaviezọ kẹ ohrẹ re whọ jẹ uthubro* rehọ,+Re whọ ruẹsi wo areghẹ evaọ obaro.+
21 Ohwo ọ rẹ ma omaa buobu evaọ udu riẹ,Rekọ ẹme* Jihova oye u re rugba.+
22 Oware uwoma nọ o rrọ oma ohwo họ uyoyou nọ o rẹ hiẹ hẹ;+Yọ u woma re a jọ oyogbe viukpọ ọtọrue.
23 Ozodhẹ Jihova u re su kpohọ uzuazọ;+Ọnọ o wo rie o re wo emamọ eriosehọ, enwoma evuevo i re tei hi.+
24 Ọyẹlẹ o re duwu ẹkuobọ soso họ udo emu,*Rekọ ọ rẹ tubẹ daezọ si ei noi ze fihọ unu riẹ hẹ.+
25 Tehe* osẹkoko+ na re ogbori na ọ ruẹsi rri otọ mu,+Whọku ohwo nọ o wo otoriẹ re eriariẹ riẹ i vihọ.+
26 Ọnọ o bi gboja kẹ ọsẹ riẹ je le oni riẹ kufiẹYọ ọmọ nọ ọ be wha omovuọ gbe ekela ze.+
27 Ọmọ mẹ, whọ tẹ siọ ezọ ba ẹgaviẹ kẹ uthubro,Who ti ghoro siọ eme eriariẹ ba.
28 Osisẹri nọ o fioka ha ọ rẹ jẹ uvioziẹ fiẹ,+Yọ unu orumuomu u re si oware uyoma lọ.+
29 Ẹdhoguo ọ be hẹrẹ isẹkoko,+Yọ ukpe o be hẹrẹ uke igheghẹ.+
Eme-Obotọ
^ Hayo “o re roro oware te re o te ru hu.” Evaọ Hibru, “nọ o re siawọ vẹrẹ vẹrẹ.”
^ Hayo “nọ ọ rẹ rọ ẹwẹ-okuo kpobi ta ọrue.”
^ Hayo “oruọghọ.”
^ Evaọ Hibru, “o ti duku ewoma.”
^ Evaọ Hibru, “o wo ubiudu.”
^ Hayo “nọ ọ rẹ rọ ẹwẹ-okuo kpobi ta ọrue.”
^ Evaọ Hibru, “nyavrẹ.”
^ Hayo “okpohrokpo nọ ọ rrọ whẹvu.”
^ Hayo “nọ o re si ivri; nọ o re si ikẹ.”
^ Hayo “kẹe osohwa oware nọ o ru.”
^ Evaọ Hibru, “ọmọzae.”
^ Hayo “who wo isiuru kpahe uwhu riẹ hẹ.”
^ Hayo “ọwhọkuo.”
^ Hayo “ẹjiroro.”
^ Hayo “omodhe emu okokodo.”
^ Hayo “Fa.”
