Itẹ 13:1-25

  • Enọ e rẹ gwọlọ ohrẹ mi amọfa a wo areghẹ (10)

  • Irẹro nọ i rugba evaọ ẹruoke he o rẹ lẹliẹ udu mọ (12)

  • Ọnyukọ nọ a re fievahọ ọ rẹ wha usiwo ze (17)

  • Ọnọ o bi lele iwareghẹ nya usu o re wo areghẹ (20)

  • Uyoyou o rẹ whae ze nọ a jẹ kẹ ohwo uthubro (24)

13  Ọmọ* nọ o wo areghẹ ọ rẹ jẹ uthubro* ọsẹ riẹ rehọ,+Rekọ osẹkoko ọ rẹ gaviezọ họ nọ a te doku ei.*+   Ubi nọ ẹmeunu* ohwo ọ mọ o rẹ lẹliẹe re emamọ oware,+Rekọ ozighi ọvo o re si ahwo ẹghẹ urru.*   Ohwo nọ ọ be kpọ ẹrọo* riẹ ọ rẹ thọ uzuazọ* riẹ,+Rekọ ọnọ o bi rovie igbenu riẹ kẹkẹe o ti kpohọ ọraha.+   Ọyẹlẹ o wo eware nọ i bi si ei urru, rekiyọ o* wo oware ovuovo ho,+Rekọ ọnọ* o kru obọ ga o ti wo eware buobu.*+   Ohwo okiẹrẹe o re mukpahe ọrue,+Rekọ iruẹru ohwo omuomu e rẹ wha omovuọ gbe ekela ze.   Ẹrẹreokie ọ rẹ thọ ọnọ o ru abọ riẹ fo,+Rekọ emuemu o re gele ọrahauzi kie.   Ohwo jọ ọ riẹ nọ ọ rẹ faki ru wọhọ ẹsenọ o fe, rekiyọ o wo oware ovuovo ho;+Omọfa jọ ọ riẹ nọ ọ rẹ faki ru wọhọ ẹsenọ ọ rrọ oyogbe, rekọ o fe gaga.   Efe nọ ohwo o wo ọ rẹ rọ hwosa kẹ uzuazọ* riẹ,+Rekọ ohwo ọvo o re guegue oyogbe he.*+   Elo ohwo okiẹrẹe o re lo ziezi,*+Rekọ ukpẹ ohwo omuomu u ti fu no.+ 10  Nọ ohwo o te bi ru oware nọ a kẹ riẹ udu riẹ hẹ, ẹwhọ ọvo o re noi ze,+Rekọ enọ e rẹ gwọlọ ohrẹ mi amọfa* a wo areghẹ.+ 11  Efe ẹdẹdẹ* o ti kie,+Rekọ efe nọ ohwo ọ rọ ẹmẹrera kokohọ* o ti vihọ. 12  Oware nọ ohwo o bi rẹro riẹ u gbe tei obọ* evaọ ẹruoke he, o rẹ lẹliẹ udu riẹ mọ,+Rekọ oware nọ u bi si ohwo urru u te tei obọ, o wọhọ ure uzuazọ.+ 13  Ohwo kpobi nọ ọ jẹ uthubro* fiẹ ọ rẹ reoja riẹ,+Rekọ ọnọ o koko ujaje na o re wo erere.+ 14  Uwuhrẹ* ohwo nọ o wo areghẹ o rẹ kẹ uzuazọ,*+U re si ohwo no agbefẹ uwhu. 15  Ohwo nọ o re dhesẹ otoriẹ udidi ọ rẹ were ahwo,Rekọ a re dhuaro kẹ ohwo nọ o re ru ẹghẹ.* 16  Ohwo nọ o re rri otọ mu ọ riẹ oware nọ o bi ru,+Rekọ ohwo ogheghẹ ọ rẹ bẹre ugheghẹ riẹ via.+ 17  Ọnyukọ omuomu o re kie ruọ ẹbẹbẹ,+Rekọ ọnyukọ nọ a re fievahọ ọ rẹ wha usiwo ze.+ 18  Ohwo kpobi nọ ọ rẹ jẹ uthubro* fiẹ ọ rẹ wha uvuhu gbe omovuọ se omariẹ,Rekọ ọnọ ọ jẹ ọkpọvio* rehọ o ti wo orro.+ 19  Nọ ohwo o te wo oware nọ u bi si ei urru te obọ, o rẹ were iẹe,*+Rekọ o rẹ were ohwo ogheghẹ vievie he re o siobọno oware uyoma.+ 20  Ọnọ o bi lele iwareghẹ nya usu o re wo areghẹ,+Rekọ ọnọ o ku usu gbe ahwo ogheghẹ o re kie ruọ ẹbẹbẹ.+ 21  Okpẹtu o re le erahaizi,+Rekọ eware i re woma kẹ ikiẹrẹe na.+ 22  Emamọ ohwo ọ rẹ nyasiọ ukuoriọ ba kẹ emọ-iruọmọ riẹ,Rekọ a te sẹro efe ọrahauzi hẹrẹ ohwo okiẹrẹe.+ 23  Udhu nọ oyogbe o kporo o re wou eware gaga,Rekọ okienyẹ o sae raha iẹe kpobi no.* 24  Ohwo kpobi nọ ọ rẹ tọlọ oviaviẹ* kẹ ọmọ riẹ hẹ,* o mukpahe iẹe,+Rekọ ọnọ o you rie ọ rẹ kẹe uthubro* ẹsikpobi.*+ 25  Ohwo okiẹrẹe ọ rẹ re eva vọ,*+Rekọ eva orumuomu e rẹ jọ ofofe.+

Eme-Obotọ

Evaọ Hibru, “Ọmọzae.”
Hayo “ọwhọkuo.”
Hayo “nọ a tẹ kpọe vi.”
Evaọ Hibru, “unu.”
Evaọ Hibru, “nifẹsh ohwo ẹghẹ ozighi ọvo ọ rẹ gwọlọ.” Rri oria Otofa Eme.
Hayo “yọrọ ẹmeunu.”
Evaọ Hibru, “nifẹsh.” Rri oria Otofa Eme.
Evaọ Hibru, “nifẹsh riẹ o.” Rri oria Otofa Eme.
Evaọ Hibru, “nifẹsh nọ.” Rri oria Otofa Eme.
Evaọ Hibru, “a ti ru ei fu.”
Evaọ Hibru, “nifẹsh.” Rri oria Otofa Eme.
Evaọ Hibru, “Oyogbe o re yo edoku hu.”
Evaọ Hibru, “o rẹ ghọghọ.”
Hayo “enọ i re si uzou koko jiroro.”
Hayo “Efe nọ a ruẹ uye fihọ họ.”
Evaọ Hibru, “ọ rọ obọ kokohọ.”
Hayo “Ẹruore o gbe te ohwo obọ.”
Hayo “ẹme na.”
Hayo “Uzi.”
Hayo “yọ ehri uzuazọ.”
Hayo “ohwo ẹghẹ o re ru eware nọ e rẹ wha ẹgaga ze.”
Hayo “ọwhọkuo.”
Hayo “ọwhọkuo.”
Evaọ Hibru, “nifẹsh riẹ.” Rri oria Otofa Eme.
Hayo “raha oyogbe na kufiẹ.”
Evaọ Hibru, “ọkpọ.”
Hayo “ọ rẹ whọku ọmọ họ; ọ rẹ kẹ ọmọ uye nọ o te ru thọ họ.”
Hayo “ọ rẹ whọku ei.”
Hayo o sae jọ nọ, “ẹsiẹsiẹ.”
Evaọ Hibru, “re emu nọ ọ rẹ vọ nifẹsh riẹ.” Rri oria Otofa Eme.