Itẹ 31:1-31
31 Eme Lemuẹl Ovie na, eme nọ i wuzou gaga nọ oni riẹ ọ ta rọ kẹe ohrẹ:+
2 Eme mẹ rẹ ta kẹ owhẹ, O ọmọzae mẹ,Eme mẹ rẹ ta, O ọmọzae edhede mẹ,Eme mẹ rẹ ta, O ọmọzae eyaa mẹ?+
3 Whọ rọ ogaga ra kẹ eyae he,+Hayo ru eware nọ e rẹ raha ivie he.+
4 U fo kẹ ivie he, O Lemuẹl,U fo kẹ ivie re a da enwaene heYọ u fo ho re isu e ta nọ, “Udi mẹ o rrọ?”+
5 Re a gbẹ da no a vẹ kpairoro vrẹ oware nọ uzi o ta haJẹ vẹ ẹdhọ iruori na tu.
6 Rọ udi ogaga kẹ enọ i bi whu+Jẹ rọ enwaene kẹ enọ idhọvẹ egaga e rrọ oma.*+
7 Jọ a da re a kpairoro vrẹ uvuhu rai;Re a gbẹ kareghẹhọ uye rai ofa ha.
8 Mi enọ e be sae ta ẹme he unu gu;Thothọ enọ i bi whu kpobi.+
9 Ta ẹme no unu ze re who bru uvioziẹ;Thothọ* iruori na gbe iyogbe na.+
א [Alẹf]
10 Ono ọ rẹ sai duku emamọ* aye?+
Aghare riẹ o vi orọ ikoral* thethabọ.
ב [Bet]
11 Ọzae riẹ o fi eva riẹ kpobi họ iẹe,Yọ oware oghaghae ovuovo o kare riẹ* hẹ.
ג [Gimẹl]
12 Ọ* rẹ rọ ewoma hwosa kẹe, orọnikọ eyoma ha,Evaọ edẹ uzuazọ riẹ* kpobi.
ד [Dalẹt]
13 Ọ rẹ nyae gwọlọ iwhulu gbe ehọ-elọlọhọ;O rẹ were iẹe re ọ rọ abọ riẹ ru iruo.+
ה [He]
14 Ọ wọhọ ekọ ilogbo ọgba-ọhreki,+Ọ rẹ rehọ emu riẹ no ugbothabọ ze.
ו [Whọọ]
15 Ọ rẹ jẹ kpama nọ oke u ri rie muotọ họ,Ọ vẹ ruẹrẹ emu họ kẹ uviuwou riẹJẹ ghale eware kẹ idibo-emetẹ riẹ.+
ז [Zayin]
16 Ọ rẹ gwọlọ otọ jọ ọ vẹ dẹe;Ọ rẹ rọ ugbobọ riẹ* kọ ọgbọ evaene.
ח [Hẹt]
17 Ọ rẹ ruẹrẹ oma kpahe kẹ iruo egaga,*+Yọ o re kru ugbobọ riẹ ga.
ט [Tet]
18 Ọ rẹ daoma ru re ekiọthuọ riẹ ọ wha erere ze;Ukpẹ riẹ u re fu evaọ aso ho.
י [Yod]
19 Ọ rẹ tọlọ ọkpọ-ivovo,Yọ abọ riẹ o re kru ọkpọ-olulu na.*+
כ [Kaf]
20 O re fiobọhọ kẹ* iruori na,Yọ o re rovie abọ riẹ kẹ iyogbe na.+
ל [Lamẹd]
21 Ọ rẹ ruawa kpahe uviuwou riẹ hẹ fiki ekpalekpa-ame nọ i bi kie,Keme uviuwou riẹ soso u ku iwu egbẹgbẹdẹ* họ oma.
מ [Mẹm]
22 Ọye ọvo o re ru ehọ ehwa riẹ.
Ohọ-olọlọhọ gbe iwhulu ogorurẹ a ro ru iwu riẹ.
נ [Nun]
23 A riẹ ọzae riẹ ziezi evaọ inuethẹ okpẹwho na,+Oria nọ ọ rẹ keria kugbe ekpako ẹkwotọ na.
ס [Samẹk]
24 O re ru iwu ehọ-elọlọhọ* nọ ọ rẹ zẹJẹ zẹ imueku kẹ egba-ihreki na.
ע [Ayin]
25 Ọ rehọ ẹgba gbe ọghọ* gọ ẹgọ,Yọ o re bru udu kpahe oghẹrẹ nọ obaro o te jọ họ.*
פ [Pe]
26 O re rovie unu riẹ avọ areghẹ;+Ọ rẹ rọ ẹrọo riẹ ta eme iwowou.*
צ [Sade]
27 O re muẹrohọ iruẹru uwou riẹ,Yọ ọ rẹ re ebrẹdi oyẹlẹ hẹ.+
ק [Kof]
28 Emọ riẹ e rẹ kpama a ve sei ọnọ o wo evawere;Ọzae riẹ ọ rẹ kpama o ve jiri ei.
ר [Resh]
29 Emamọ* eyae e riẹ buobu,Rekọ whẹ, who woma vi ai kpobi.
ש [Shin]
30 Ohawha* o rẹ sae viẹ ohwo họ, yọ erru ọ rẹ sae hiẹ,*+Rekọ aye nọ ọ rẹ dhozọ Jihova a ti jiri ei.+
ת [Tọọ]
31 Hwosa eware nọ o bi ru kẹe,*+Jọ iruo abọ riẹ i jiri ei evaọ inuethẹ okpẹwho na.+
Eme-Obotọ
^ Hayo “Dikihẹ kẹ; Lẹ kẹ.”
^ Hayo “uvi.”
^ Koyehọ, ọzae na.
^ Koyehọ, aye na.
^ Koyehọ, aye na.
^ Hayo “ugho obọriẹ.” Evaọ Hibru, “ibi abọ riẹ.”
^ Evaọ Hibru, “Ọ rẹ rọ ẹgba mu eku riẹ ga.”
^ Ọkpọ-ivovo gbe ọkpọ-olulu na yọ imire nọ a jẹ hae rọ thahe ilulu hayo whaliẹ olulu fihọ ukulu.
^ Hayo “Ọ rẹ rriẹ evabọ riẹ kẹ.”
^ Evaọ Hibru, “ivivẹ.”
^ Hayo “iwu otọ-oma.”
^ Hayo “oruaro.”
^ Hayo “ọ rẹ hwẹ ẹdẹ nọ ọ be tha.”
^ Hayo “Uzi uwowou (Uthubro uyoyou; Uzi uyoyou nọ o rẹ hiẹ hẹ) o rrọ ẹrọo riẹ.”
^ Hayo “Uvi.”
^ Hayo “Oware nọ u re siuru.”
^ Hayo “jọ ofofe.”
^ Evaọ Hibru, “Jọ evaọ usu ibi nọ abọ riẹ ọ mọ kẹe.”
