Itẹ 1:1-33
1 Itẹ Solomọn+ ọmọzae Devidi,+ ovie Izrẹl:+
2 Re e kẹ ohwo* areghẹ+ gbe uthubro;Re ohwo o wo otoriẹ eme areghẹ;
3 Re e kẹ uthubro*+ nọ o rẹ lẹliẹ ohwo wo otoriẹ udidi,O ve je kiẹrẹe,+ bru emamọ oziẹ,*+ je ru oware nọ u kiete;*
4 Re i ru ogbori rri otọ mu;*+Re e kẹ uzoge eriariẹ je fiobọhọ kẹe hai roro oware te ziezi.*+
5 Ohwo nọ o wo areghẹ ọ rẹ gaviezọ re ọ gbẹ riẹ viere;+Ohwo nọ o wo otoriẹ ọ rẹ gaviezọ kẹ emamọ ohrẹ*+
6 Re ọ ruẹsi wo otoriẹ itẹ gbe eme ididi,*Eme ahwo nọ a wo areghẹ gbe oze rai.+
7 Ozodhẹ* Jihova họ emuhọ eriariẹ.+
Igheghẹ ọvo e rẹ daezọ ohrẹ areghẹ gbe ọwhọkuo ho.+
8 Gaviezọ, ọmọzae mẹ, rọkẹ uthubro* ọsẹ ra,+Who gbabọkẹ ohrẹ* oni ra ha.+
9 Enana yọ emamọ idodo nọ a zuo gheghelie rọkẹ uzou ra+Gbe emamọ ufiare* rọkẹ uriohọ ra.+
10 Ọmọzae mẹ, otẹrọnọ erahaizi a be bẹbẹ owhẹ họ, whọ rọwo kẹ ae he.+
11 A tẹ ta nọ: “Lele omai.
Joma dhere hẹrẹ ahwo nọ ma re kpe.
Ma ti dhere hẹrẹ enọ i ru oware ovuovo ho nọ ma ti kpe.
12 Ma te lọ ae no ọkpokpọ wọhọ Uki,*Oma rai soso, wọhọ enọ e be ruọ eva ọgọdọ.
13 Joma rọ ogaga mi ai ekwakwa-aghae rai kpobi;Ma te kwa eware rai rehọ vọ iwou mai.
14 Kuomagbe omai,*Mai kpobi ma te ghale eware nọ ma tho ẹrẹrẹe.”*
15 Ọmọzae mẹ, who lele ai hi.
Kẹnoma kẹ edhere rai,+
16 Keme awọ rai ọ rẹ dhẹ nyai ru umuomu;A re bruoma nyai kpe azẹ.+
17 Ababọ avro, uye-oruẹ kufiẹ gheghe o rrọ re a kpahe ẹta* fihọ oria nọ ọvra ọ rẹ jọ ruẹ e riẹ vevẹ.
18 Oyejabọ nọ ahwo nana a re ro dhere hẹrẹ enọ a re kpe na;A re dhere re a kpe ahwo.*
19 Enana họ idhere ahwo nọ a be gwọlọ erere ewhariọ,Yọ oye u ti mi enọ i wo rie te obọ uzuazọ* rai.+
20 Uvi areghẹ+ o bi bo gaga evaọ iyẹrẹ na.+
Ọ be kpare urru riẹ kpehru ẹsikpobi evaọ iko-ore na.+
21 Ọ be jọ akotọ* iyẹrẹ nọ i bi zurie na bo via.
Ọ be jọ inuethẹ okpẹwho na ta nọ:+
22 “Ẹvẹ whai igbori wha re you ogbori nọ wha rrọ na kri te?
Ẹvẹ ẹkoko-ose ọ rẹ were owhai isẹkoko kri te?
Yọ ẹvẹ whai igheghẹ wha re mukpahe eriariẹ kri te?+
23 Ru lele ọkpọvio* mẹ.*+
Kẹsena me ve ti ku ẹzi mẹ kẹ owhẹ;Me ti fiobọhọ kẹ owhẹ riẹ eme mẹ.+
24 Fikinọ me bo via, rekọ wha jẹ rọwo gaviezọ họ,Mẹ rriẹ obọ mẹ rekọ ohwo ọvo ọ jẹ daezọ họ,+
25 Wha je gbolaro kẹ ehrẹ mẹ kpobiJẹ siọ ọkpọvio* mẹ,
26 Mẹ omamẹ mẹ te hwẹ nọ okpẹtu o te kie tehe owhai;Mẹ te rọ owhai jijehwẹ nọ oware nọ wha rẹ dhozọ riẹ o tẹ ze.+
27 Nọ oware nọ wha rẹ dhozọ riẹ u te bru owhai ze no wọhọ ofou ọwhibo,Nọ okpẹtu o te bru owhai ze wọhọ ofou ọwhibo,Nọ idhọvẹ gbe uye i te te owhai oma.
28 Evaọ oke yena a ve ti mu omẹ họ ese, rekọ me ti yo ho;A te rọ ọwhọ gwọlọ omẹ, rekọ a te ruẹ omẹ hẹ,+
29 Keme a mukpahe eriariẹ,+Yọ a rọwo* nọ a rẹ dhozọ Jihova ha.+
30 A siọ ohrẹ mẹ;A rri ekpọvio* mẹ kpobi vo.
31 Fikiere a te ruẹ uye nọ u ti no edhere rai ze,*+Yọ a te ruẹ uye kpobi nọ u no iroro nọ a jẹ* ze.
32 Keme ugberuo igbori na u ti kpe ai,Yọ ababọ ezọ-edawọ ahwo ogheghẹ na o te raha ae no.
33 Rekọ ọnọ ọ be gaviezọ kẹ omẹ o ti wo* omofọwẹ+Yọ ọ te dhozọ okpẹtu hu.”+
Eme-Obotọ
^ Hayo “Re a wuhrẹ.” Evaọ Hibru, “Re a riẹ.”
^ Hayo “ọwhọkuo; uwuhrẹ.”
^ Hayo “uvioziẹ.”
^ Hayo “oware nọ u fo.”
^ Hayo “Re e kẹ ogbori areghẹ.”
^ Hayo “fiobọhọ kẹe wo iroro.”
^ Hayo “ohrẹ areghẹ.”
^ Hayo “ohare.”
^ Hayo “Adhẹẹ kẹ.”
^ Hayo “ọwhọkuo.”
^ Hayo “uzi.”
^ Hayo “oware urru uwowoma.”
^ Hayo “Ma ti wo ẹkpa (ẹkpa-ugho) ọvo.”
^ Hayo “Nyaze ma fi edhọ kugbe.”
^ Hayo “ẹriri.”
^ Evaọ Hibru, “uzou.”
^ Hayo “ọwhọkuo.”
^ Hayo “Kuomarẹriẹ nọ mẹ tẹ whọku owhẹ.”
^ Hayo “ọwhọkuo.”
^ Hayo “salọ.”
^ Hayo “ewhọkuo.”
^ Evaọ Hibru, “a te re ubi edhere rai.”
^ Hayo “egwae iyoma nọ a gba; omaa rai.”
^ Hayo “ọ te rria avọ.”
