Itẹ 18:1-24
18 Ohwo kpobi nọ o bi si oma no ahwo ọ rẹ gwọlọ ru isiuru oriobọ riẹ gba;O re ru oware areghẹ vievie he.*
2 Ohwo ogheghẹ o wo isiuru evuevo kpahe otoriẹ nọ o re wo ho;Ukpoye oware nọ o rrọ udu riẹ ọvo ọ rẹ gwọlọ ta via.+
3 Orumuomu ọ tẹ nyaze, orivo ọ rẹ ze re,Yọ ọghọ nọ a re si no ohwo oma o rẹ wha omovuọ ze.+
4 Eme nọ e rrọ unu ohwo e wọhọ ame odidi.+
Oza areghẹ yọ ame nọ ọ be họrọ no otọ ze.
5 U woma ha re a jọ abọ* orumuomu+Hayo re a siọ uvioziẹ ba ebru kẹ ohwo okiẹrẹe.+
6 Ẹme ohwo ogheghẹ ọ rẹ wha ẹwhọ ze,+Yọ unu riẹ u re zizie ukpe.+
7 Unu ohwo ogheghẹ oye u re kpei,+Yọ igbenu riẹ họ agbefẹ kẹ uzuazọ* riẹ.
8 Eme ohwo ọtaraha e wọhọ emu ọwewere;*+A rẹ rọ ovovẹrẹ si rai lọ kpobọ eva.+
9 Ohwo kpobi nọ ọ be moyẹlẹ evaọ iruo riẹYọ oniọvo ọnọ ọ rẹ wha ekie ze.+
10 Odẹ Jihova yọ uwou ukpehru ogaga.+
Eva riẹ ohwo okiẹrẹe ọ rẹ dhẹ ro o ve wo ọthọwẹ.*+
11 Efe ọdafe họ okpẹwho riẹ nọ a di ogba wariẹ họ;*Evaọ iroro riẹ o wọhọ ugbẹhẹ nọ o rẹ thọ ohwo.+
12 Taure ohwo o te ti kie, omorro o rẹ jọ udu riẹ,+Yọ taure ohwo o te ti wo orro, o re wo omaurokpotọ.+
13 Ohwo ọ tẹ be kpahe fihọ ẹme taure o te ti yo oware nọ o ginẹ via,Yọ ugheghẹ gbe oware omovuọ.+
14 Ohwo ọ tẹ gudu, u re* fiobọhọ kẹe thihakọ ẹyao,+Rekọ ono ọ rẹ sai thihakọ udu nọ o rrọ ọkora?*+
15 Udu ohwo nọ o re wo otoriẹ oware o rẹ daoma wo eriariẹ,+Yọ ezọ ohwo owareghẹ e rẹ gwọlọ wo eriariẹ.
16 Okẹ nọ ohwo ọ kẹ u re rovie edhere kẹe;+O rẹ lẹliẹe nyate ahwo ologbo oma.
17 Ohwo nọ ọ kaki gu ẹdhọ o rẹ wọhọ nọ ọye ọ riẹ ru,+Bẹsenọ ohwo ọdekọ ọ rẹ nyaze ọ vẹ nọe enọ.*+
18 A rẹ ma ẹta ro ku avro họ+Je ku ẹwhọ ọgaga nọ imava a wo họ.*
19 Oniọvo nọ a ru thọ ọ rẹ kaki kie kẹ ohwo* ho, ọ ga vi okpẹwho nọ a di ogba wariẹ họ,*+Yọ ẹwhọ ahwo jọ ọ wọhọ ekpọ nọ a rọ kare unuẹthẹ oria adhẹzọ.+
20 Ubi nọ ẹmeunu* ohwo ọ mọ ọ rẹ vọe eva;+Oware nọ u no igbenu riẹ ze u re tei re.
21 Ẹrọo na o wo ogaga nọ ọ rẹ rọ wha uwhu gbe uzuazọ ze;+Enọ e gwọlọ rehọ iẹe ruiruo a rẹ re ubi riẹ.+
22 Ohwo nọ emamọ aye o te obọ o duku emamọ oware,+Yọ o re wo aruoriwo* Jihova.+
23 Oyogbe ọ rẹ rọ unu kpotọ lẹ nọ ọ tẹ be ta ẹme,Rekọ ọdafe ọ rẹ kpahe ẹme ọgaga.
24 U wo egbẹnyusu jọ nọ e ruẹrẹ oma kpahe inọ a rẹ guọghọ ohwohwo fihọ otọ,+Rekọ u wo ogbẹnyusu jọ nọ ọ rẹ kẹle ohwo vi oniọvo.+
Eme-Obotọ
^ Hayo “O re dhesẹ orivo kẹ uvi areghẹ kpobi; Ọ rẹ siọ uvi areghẹ kpobi.”
^ Hayo “dhesẹ ọriẹwẹ kẹ.”
^ Hayo “e wọhọ eware nọ a rẹ rọ ọwhọwhọ si lọ.”
^ Evaọ Hibru, “a vẹ kpare iẹe kpehru,” koyehọ, oria nọ obọ u re jo tei hi, oria omofọwẹ.
^ Hayo “o rẹ bẹ ẹvẹruọ.”
^ Hayo “nọ ẹruore ọ rrọ họ; ẹzi nọ ọ guọghọ no.”
^ Hayo “Ẹzi nọ ohwo o wo o re.”
^ Hayo “kiẹe riwi.”
^ Evaọ Hibru, “Je kru ahwo ọgaga.”
^ Hayo “kaki nwene iroro.”
^ Hayo “o rẹ bẹ ẹvẹruọ.”
^ Evaọ Hibru, “unu.”
^ Hayo “ọjẹrehọ.”
