Itẹ 25:1-28
25 Enana yọ itẹ Solomọn re,+ enọ ahwo Hẹzikaya+ ovie Juda a wariẹ kere:*
2 O rẹ wha orro se Ọghẹnẹ re ọ ko ẹme dhere,+Yọ o rẹ wha orro se ivie re a kiẹ otọ ẹme via.
3 Wọhọ epanọ idhiwu na e rrọ kpekpehru na, gbe epanọ otọakpọ na o rrọ kokodo na,Ere a rẹ sae riẹ oware nọ o rrọ udu ivie he.
4 Si egbẹ no isiliva na,O vẹ te jọ onọ a ru fo no ziezi.+
5 Si ohwo omuomu na no aro ovie na,Agbara-uvie riẹ o ve ti dikihẹ kothi rọkẹ ẹrẹreokie.+
6 Whọ jọ iraro ovie duọ orro họ omobọ ra ha,+Yọ whọ nyae keria udevie ahwo ologbo ho,+
7 Keme o mai woma re ọ ta kẹ owhẹ nọ, “Kpama ziọ obehru obonẹ,”
Ukpenọ o re kpomovuọ họ owhẹ oma evaọ iraro okpohwo.+
8 Whọ rọ okpakpa tu ẹdhọ họ,Keme, eme who ti ru uwhremu na otẹrọnọ ọrivẹ ra o ru oma vuọ owhẹ?+
9 Whẹ avọ ọrivẹ ra wha ta ẹme nọ wha wo na,+Whọ ta ẹme nọ a lẹlẹ vuẹ owhẹ* via ha,+
10 Re ohwo nọ ọ be gaviezọ o gbe ru oma vuọ owhẹ hẹWhọ gbẹ jẹ vravra ekpehre iyẹrẹ hẹ,* onọ a rẹ sae rẹriẹ hẹ.
11 Wọhọ apo igoru nọ e rrọ eva ekwakwa isiliva*Ere ẹme nọ a ta evaọ oke nọ u fo o rrọ.+
12 Wọhọ ẹmẹro-ozọ igoru gbe oware osẹ nọ a rọ emamọ igoru ruEre ohwo owareghẹ nọ ọ kẹ ọkpọvio* ọ rrọ kẹ ozọ nọ u re yo ẹme.+
13 Wọhọ epaọ edhedhẹ ekpalekpa-ame evaọ ẹdẹ ivuẹvuEre ọnyukọ nọ a re fievahọ ọ rrọ kẹ enọ i vi rie uwou,Keme ọ rẹ sasa olori riẹ oma.*+
14 Wọhọ ẹgho gbe ofou nọ ọ rẹ wha oso hoEre ohwo nọ ọ rẹ rọ okẹ nọ ọ kẹ vievie he* seha ọ rrọ.+
15 Odiri a sai ro ru osu* ku iroro rẹriẹ,Yọ ẹrọo owowolẹ* ọ rẹ sai wiri ugbonwa.+
16 Who te duku ọnyọ, lalọ umutho nọ whọ gwọlọ ọvo,Keme whọ tẹ lalọ iẹe bu hrọ, whọ sai geli ei ze.+
17 Who dhe uwou ọrivẹ ra ẹnyẹnya ha,Re whọ gbẹ vẹso ẹe he re o mukpahe owhẹ.
18 Wọhọ ọkpọ* ẹmo gbe ọgbọdọ gbe ose nọ o rrọ piọpiọpiọEre ohwo nọ o re se isẹri ọrue kpahe ọrivẹ riẹ ọ rrọ.+
19 Wọhọ ubiakọ nọ o kpare rẹrẹ hayo owọ nọ o rrọ deghe degheEre ẹro nọ a rẹ rọ so ohwo nọ a rẹ sai fievahọ họ* o rrọ evaọ oke ebẹbẹ.
20 Wọhọ ohwo nọ ọ ba ewu no evaọ ẹdẹ ekpaheJẹ wọhọ iviniga nọ a kuhọ ogo*Ere ọnọ ọ be so ile kẹ ohwo nọ oware o be jọ udu kẹ uye ọ rrọ.+
21 Ohọo u te bi kpe ọwegrẹ ra,* kẹe emu re;Uruame u te bi kpei, kẹe ame da,+
22 Keme enẹ who ti ro koko iwowo-erae fihọ iẹe uzou,*+Yọ Jihova ọ te hwosa kẹ owhẹ.
23 Ofou ẹkpẹlobọ ovatha-ọre ọ rẹ wha oso ze,Yọ ẹrọo nọ o re gu iguẹgu ọ rẹ wha ovao-umuhọ ze.+
24 O mai woma re ohwo ọ rria ubiozọ ehru uwouViukpenọ ọ rẹ rria uwou ovona kugbe aye nọ ọ rẹ whọ ẹwhọ gaga.*+
25 Wọhọ ame odhedhẹ nọ a kẹ ohwo nọ oma o lọhọ noEre emamọ iyẹrẹ nọ i no ẹkwotọ ugbothabọ ze e rrọ.+
26 Wọhọ eyeri-ame nọ o gbuduku gbe oza nọ o raha noEre ohwo okiẹrẹe nọ o kie kẹ orumuomu* ọ rrọ.
27 U woma ha re a lalọ ọnyọ bu hrọ,+Yọ o rẹ wha orro se ohwo ho re ohwo ọvo ọ gwọlọ orro kẹ omobọ riẹ.+
28 Wọhọ okpẹwho nọ a vẹro nọ o wo igbẹhẹ hẹ,Ere ohwo nọ ọ rẹ sae kpọ ofu riẹ hẹ* ọ rrọ.+
Eme-Obotọ
^ Hayo “a wariẹ kere je kokohọ.”
^ Hayo “eme idhere amọfa.”
^ Hayo “eme atanọ nọ a rẹ rọ raha ohwo ho.”
^ Hayo “eware isiliva nọ a kare.”
^ Hayo “ọwhọkuo.”
^ Evaọ Hibru, “okẹ ọrue.”
^ Hayo “ọnọ o wuzou ogbaẹmo.”
^ Hayo “owowou.”
^ Hayo “ọkpọkọlọ.”
^ Hayo o sae jọ nọ, “ohwo ẹghẹ.”
^ Hayo “isoda; odha.”
^ Evaọ Hibru, “ọnọ o mukpahe owhẹ.”
^ Koyehọ, re u ru udu ohwo na lọhọ jẹ ghra eyoma riẹ no.
^ Hayo “nọ o re si ivri; nọ o re si ikẹ.”
^ Hayo “nọ ọ rọwo ru oware nọ orumuomu ọ gwọlọ.” Evaọ Hibru, “nọ o bi kpo geli geli evaọ aro orumuomu.”
^ Hayo “ohwo nọ ọ rẹ sae gba ẹzi riẹ hẹ.”
