Itẹ 28:1-28
28 Ahwo omuomu a rẹ dhẹ nọ ohwo ọvo o bi le ai hi,Rekọ udu o rẹ jọ ikiẹrẹe na awọ wọhọ okpohrokpo.*+
2 Ahwo a tẹ be raha izi* evaọ orẹwho, a re dhe osu* enwenwene,+Rekọ ẹkwoma obufihọ ohwo orimuo avọ eriariẹ, osu ọ rẹ tọ ziezi.+
3 Oyogbe nọ o bi fi iruori iwhayo+Ọ wọhọ ame oso nọ o re su emuore kpobi kufiẹ.
4 Enọ i bi gbabọkẹ uzi na a re jiri ahwo omuomuRekọ enọ i bi koko uzi na a rẹ dha eva kẹ ae.+
5 Ahwo omuomu a rẹ sai wo otoriẹ uvioziẹ hẹ,Rekọ enọ e be gwọlọ Jihova a rẹ sai wo otoriẹ oware kpobi.+
6 Oyogbe nọ ọ be nya evaọ ẹgbakieteO woma vi ọdafe nọ idhere riẹ e liọ họ.+
7 Ọmọ* nọ o wo otoriẹ o re koko uzi,Rekọ ọnọ ọ be nya usu kugbe egba-ore o re ru oma vuọ ọsẹ riẹ.+
8 Ọnọ ọ be rọ isuo gbe erere obuobu ru efe riẹ bu+O bi koko iei họ kẹ ọnọ o bi fiobọhọ kẹ iyogbe.+
9 Ọnọ ọ rẹ rọwo koko* uzi na ha,Makọ olẹ riẹ dede u re tuoma.+
10 Ọnọ o bi su ohwo nọ o kiete thọ nyai ru oware umuomu o ti kie fihọ ọgọdọ obọriẹ,+Rekọ ọnọ ọ kare afuẹwẹ ọ te rọ oware uwoma reuku.+
11 Ọdafe o re rri omariẹ nọ o wo areghẹ gaga,+Rekọ oyogbe nọ o wo orimuo ọ rẹ sae ruẹ e riẹ lafi.+
12 Nọ ohwo okiẹrẹe ọ tẹ kparobọ, ahwo a re wo orro ulogbo,Rekọ ohwo omuomu ọ tẹ ruọ esuo, ahwo a rẹ dhẹ dhere.+
13 Ọnọ ọ be ko izieraha riẹ dhere ọ te kparobọ họ,+Rekọ ọnọ ọ feva je siobọno ai a te re iẹe ohrọ.+
14 Jọ eva e were ohwo nọ ọ be sẹro omariẹ* ẹsikpobi,*Rekọ ohwo kpobi nọ o ru udu riẹ gaga o ti kie ruọ uye.+
15 Wọhọ okpohrokpo nọ ọ be go gbe adaka nọ ọ be họrọ zeEre osu omuomu ọ rrọ kẹ iruori na.+
16 Osu nọ o wo orimuo ho ọ rẹ rọ ogaga riẹ ru ugberuo,+Rekọ ọnọ o mukpahe erere ewhariọ o ti ru uzuazọ riẹ theri.+
17 Ohwo nọ udu u bi brukpe fiki azẹ nọ o kpe fihọ uzou, ọ te ruabọhọ ẹdhẹ bẹsenọ ọ rẹ ruọ eva uki.*+
Jọ ohwo ọvo o fiobọhọ kẹe he.
18 A ti siwi ohwo nọ ọ kare oruthọ,+Rekọ ọnọ idhere riẹ e rrọ gẹgẹle o ti kie idudhe.+
19 Ohwo nọ ọ rẹ kọ eware fihọ otọ riẹ o ti wo emu buobu,Rekọ ohwo nọ o bi le eware nọ i fioka ha, uvuhu u ti kpei gaga.+
20 Ohwo ọtẹruo o ti wo eghale buobu,+Rekọ ọnọ o bi le efe kiti kiti ọ te siọ oware uyoma ba eru hu.*+
21 U woma ha re a dhesẹ ọriẹwẹ;+Rekọ ohwo ọ rẹ sai ru thọ fiki ẹwẹ ebrẹdi.
22 Ọre-ihri* ọ rẹ gwọlọ oghẹrẹ kpobi nọ o re ro fe,Ọ riẹ hẹ inọ uvuhu u ti tei oma.
23 Ohwo kpobi nọ ọ whọku ohwo+ ọ te were ahwo uwhremu na+Vi ọnọ ọ rẹ rọ ẹrọo riẹ jiri ujiro igbenu.
24 Ohwo kpobi nọ o tho oware ọsẹ gbe oni riẹ ọ jẹ ta nọ, “O thọ họ,”+
Yọ ọrivẹ ohwo nọ ọ rẹ wha ọraha ze.+
25 Ohwo nọ o wo uvou-uthethei* ọ rẹ wha ikẹ-isio ze,Rekọ ohwo kpobi nọ ọ rẹroso Jihova eware i ti woma kẹe.*+
26 Ohwo kpobi nọ o fievahọ omobọ riẹ ọ rrọ gheghẹ,+Rekọ ọnọ o bi ru oware areghẹ ọ te vabọ.+
27 Ohwo kpobi nọ ọ rẹ kẹ iyogbe oware, oware ovo o te kare iẹe he,+Rekọ ọnọ o ku ovao kufiẹ kẹ ae a te bọwo iẹe ehao buobu.
28 Nọ ahwo omuomu a tẹ ruọ esuo, ohwo ọ rẹ ko omariẹ dhere,Rekọ a te whu no, ahwo okiẹrẹe a re bu.+
Eme-Obotọ
^ Hayo “okpohrokpo ọgaga.”
^ Hayo “kpareso.”
^ Hayo “okpohwo-esuo.”
^ Evaọ Hibru, “Ọmọzae.”
^ Hayo “gaviezọ kẹ.”
^ Hayo “ọnọ ọ rẹ dhozọ ẹsikpobi.”
^ Hayo “nọ o bi rou.”
^ Hayo “ọgọdọ.”
^ Hayo “ọ te kare abe he.”
^ Hayo “Ohwo nọ o wo uvou-uthethei.”
^ Hayo o sae jọ nọ, “Ohwo nọ o re ru oma oruoro.”
^ Evaọ Hibru, “a ti ru ei fu.”
