Itẹ 3:1-35

  • Wo areghẹ je fievahọ Jihova (1-12)

    • Rehọ eware eghaghae kẹ Jihova orro (9)

  • Areghẹ ọ rẹ wha evawere ze (13-18)

  • Areghẹ ọ rẹ thọ ohwo (19-26)

  • Oghẹrẹ nọ u fo nọ a ru amọfa (27-35)

    • Ru ewoma kẹ amọfa nọ o tẹ lọhọ (27)

3  Ọmọzae mẹ, whọ jọ uwuhrẹ* mẹ o thọrọ owhẹ ẹro ho,Rọ udu ra kpobi koko izi mẹ,   Keme i ti fi edẹ buobuGbe ikpe buobu ba uzuazọ ra, jẹ kẹ owhẹ udhedhẹ.+   Whọ kuvẹ re uyoyou nọ o rẹ hiẹ hẹ avọ ọtẹruo* i no owhẹ obọ họ.+ Thuru ai fihọ uriohọ ra;Kere ai fihọ ẹwẹ-akpala udu ra;+   Kẹsena whọ vẹ te jọ emamọ ohwo gbe ọnọ o wo otoriẹ udidiEvaọ aro Ọghẹnẹ gbe ahwo.+   Rehọ udu ra kpobi fievahọ Jihova,+Whọ rẹroso* otoriẹ obọra ha.+   Kareghẹhọ iẹe evaọ idhere ra kpobi,+O ve ti ru idhere ra liọ.+   Who rri omara nọ who wo areghẹ hrọ họ.+ Dhozọ Jihova re whọ kẹnoma kẹ eyoma.   O te jọ usiwo kẹ ugboma* raJe ru igbenwa ra kpokpọ.   Rehọ eware eghaghae ra kẹ Jihova orro,+Te ibi ọsosuọ* ivuẹvu ra* kpobi;+ 10  Kẹsena iwou nọ whọ rẹ jọ sẹro* eware e vẹ te vọ kpọhọhwẹ,+Enwaene ekpokpọ e vẹ te vọ egọdọ udi-uruo* ra kpọhọhwẹ. 11  Ọmọzae mẹ, whọ siọ ọwhọkuo Jihova ha,+Yọ whọ dha eva kẹ ọkpọvio riẹ hẹ,+ 12  Keme enọ Jihova o you ọ rẹ whọku,*+Nwane wọhọ epanọ ọsẹ o re ru ọmọ nọ ọ were riẹ na.+ 13  Jọ eva e were ohwo nọ o duku areghẹ+Gbe ohwo nọ o wo orimuo; 14  Re a woi u woma vi isiliva nọ a re wo,Yọ re a woi wọhọ erere u woma vi igoru nọ a re wo.+ 15  O ghare vi ikoral;*Oware ovuovo nọ u re si owhẹ urru nọ a rẹ rọ wawo iẹe o rrọ họ. 16  Uzuazọ uthethei o rrọ obọze riẹ;Efe gbe orro e rrọ ẹkpẹlobọ riẹ. 17  Idhere riẹ e rrọ wowoma,Yọ udhedhẹ o rrọ imidhere riẹ kpobi.+ 18  Ure uzuazọ o rrọ rọkẹ enọ i kru rie,Yọ a ti se enọ i kru rie gaga enọ i wo evawere.+ 19  Areghẹ Jihova o ro fi otọhotọ akpọ na họ.+ Yọ orimuo ọ rọ rehọ idhiwu na vi kothi.+ 20  Eriariẹ riẹ ọ rọ hẹriẹ ame odidi na abavaJe ru nọ ẹgho obọ ihru na ọ be rọ rehọ igrigri ze.+ 21  Ọmọzae mẹ, jọ e* thọrọ owhẹ ẹro ho.* Wo* uvi areghẹ re whọ jẹ riẹ epanọ a re roro oware te ziezi; 22  E te kẹ owhẹ* uzuazọJẹ jọ eware osẹ iwowoma rọkẹ uriohọ ra; 23  Kẹsena whọ vẹ te nya edhere ra avọ omofọwẹ,Yọ who ti zoruẹ vievie he.*+ 24  Nọ who te kiẹzẹ, ozọ oware ovo u ti mu owhẹ hẹ;+Who ti kiẹzẹ, whọ vẹ te wezẹ emamọ owezẹ.+ 25  Whọ te dhozọ oware iguegue ovuovo nọ o rẹ tha idudhe he+Hayo ofou ọwhibo nọ o bi bru irumuomu na ze.+ 26  Keme Jihova ọ te jọ ọnọ ọ be kẹ owhẹ udu;+Ọ te sẹro ra re ẹta o gbe mu owhẹ owọ họ.+ 27  Whọ siọ ewoma ba eru kẹ enọ u fo nọ who re ru ei kẹ hẹ*+Otẹrọnọ who wo ogaga* nọ whọ sai ro fiobọhọ.+ 28  Whọ ta kẹ ọrivẹ ra ha inọ, “Nyavrẹ tao; ẹsiẹfa who zihe ze! Odẹnotha mẹ te rehọ iẹe kẹ owhẹ,” Otẹrọnọ whọ sae rehọ iẹe kẹe obọnana. 29  Whọ gba ẹgwae omuomu kpahe ọrivẹ ra ha+Nọ ọ tẹ be rria kugbe owhẹ ababọ udubro. 30  Who lele ohwo whọ gheghe gheghe he+Otẹrọnọ o ru owhẹ oware uyoma ovo ho.+ 31  Whọ re ohwo ozighi ihri hi,+Whọ rọ aro kele iei evaọ edhere ọvuọvo gbe he, 32  Keme ohwo eviẹhọ ọ rẹ tọtọ Jihova oma,+Rekọ o wo usu okpekpe kugbe enọ i kiete.+ 33  Jihova ọ rẹ bọwo uwou orumuomu ehao,+Rekọ ọ rẹ ghale uwou ohwo okiẹrẹe.+ 34  Keme ọ rẹ rọ enọ i re se ẹkoko jijehwẹ,+Rekọ o re ru ewoma kẹ enọ e be romakpotọ.+ 35  Enọ i wo areghẹ a te rọ adhẹẹ reuku,Rekọ igheghẹ na a rẹ rọ omorro ru eware omovuọ.+

Eme-Obotọ

Hayo “uzi.”
Hayo “uzẹme.”
Evaọ Hibru, “Whọ rọ oma rẹrẹ.”
Evaọ Hibru, “uwowo.”
Hayo “Te eware nọ e mai woma kpaobọ evaọ.”
Hayo “Te ibi ọsosuọ eware nọ who wo no iruo ra ze.”
Hayo “rawo.”
Hayo “eku udi.”
Hayo “kpọ vi.”
Hayo “itho eghaghae nọ a rehọ no eva abade ze.” Rri oria Otofa Eme.
O wọhọ nọ onana o be ta kpahe eware wọhọ areghẹ gbe orimuo nọ Ọghẹnẹ o wo nọ a ta ẹme kpahe no vẹre na.
Hayo “who si ibiaro ra no ai hi.”
Hayo “Sẹro.”
Evaọ Hibru, “nifẹsh ra.” Rri oria Otofa Eme.
Hayo “kpawọ họ oware ovo ho.”
Hayo “enọ i wo ẹgwọlọ riẹ hẹ.”
Hayo “Otẹrọnọ obọ ra u te.”