Itẹ 23:1-35
23 Nọ whọ tẹ keria re who lele ovie re emu,Rri otọ mu ziezi kpahe oware nọ o rrọ aro ra na;
2 Fi amagha họ uvou ra*Otẹrọnọ who wo isiuru emu gaga.*
3 Who du wo isiuru kẹ obọdẹ emu riẹ hẹ,Keme onana yọ emu eviẹhọ.
4 Who kpe omara no ho fikinọ whọ gwọlọ fe.+
Fọ re who wo otoriẹ oware na ziezi.*
5 Nọ whọ tẹ kpare aro ra rri rie, o te jọ etẹe he,+Keme o te ta ibekpe wọhọ ugo hrọ, ọ vẹ te rra vrẹ kpobọ ehru.+
6 Whọ re emu ohwo nọ ọ rẹ gboke he;*Who du wo isiuru kẹ obọdẹ emu riẹ hẹ,
7 Keme ọ wọhọ ohwo nọ o bi kere eware na kpobi fihọ otọ.*
Ọ rẹ ta kẹ owhẹ nọ, “re jẹ da,” rekọ u no rie eva ze he.*
8 Whọ te kpa emu nọ whọ re kpobi zeUjiro nọ whọ kẹ no kpobi o vẹ te jọ uvrẹvru.
9 Whọ ta ẹme kẹ ohwo ogheghẹ hẹ,*+Keme o ti rri eme areghẹ ra vo.+
10 Who fowo oka uwhru nọ a fihọ anwọ anwae he+Hayo ru ruọ otọ emọ nọ i wo esẹ hẹ hẹ.
11 Keme Ọthothọ* rai ọ rrọ gaga;Ọ te họre owhẹ fiki rai.+
12 Rovie udu ra kẹ uthubro*Je rovie ezọ ra kẹ eme eriariẹ.
13 Whọ siọ ọmọ* ba ẹwhọkuo ho.+
Whọ tẹ rọ oviaviẹ* fae, o ti whu hu.
14 Whọ rẹ rọ oviaviẹ fae,Re whọ ruẹse thọe* no Uki.*
15 Ọmọzae mẹ, who te wo areghẹ evaọ udu ra,Udu mẹ o te ghọghọ.+
16 Oghọghọ o te jọ edidi obeva* mẹNọ igbenu ra e tẹ be ta eme nọ i kiehọ.
17 Whọ jọ udu ra re erahaizi ihri hi,+Rekọ hae dhozọ Jihova ẹsikpobi,*+
18 Kẹsena who ve ti yeri emamọ uzuazọ evaọ obaro+Yọ ẹruore ra ọ te jọ ofofe he.
19 Ọmọzae mẹ, gaviezọ re who wo areghẹ,Re whọ nya* emamọ edhere.
20 Whọ jọ usu enọ e rẹ da udi* bu hrọ họ,+Enọ e rẹ re arao vrẹta,+
21 Keme ọgba-udi avọ ọgba-ore a ti kie ruọ uvuhu,+Yọ owezẹ o rẹ rọ inwrehọ zuo ohwo.
22 Gaviezọ kẹ ọsẹ ra nọ o yẹ owhẹ,Yọ who du rri oni ra vo ho fikinọ ọ kpako no.+
23 Dẹ* uzẹme, whọ zẹe vievie he,+Te areghẹ gbe uthubro* gbe otoriẹ.+
24 Ọsẹ ọmọ nọ o kiẹrẹe ọ rẹ seba ẹghọghọ họ;Ohwo kpobi nọ o yẹ ọmọ* nọ o wo areghẹ ọ rẹ wereva fiki riẹ.
25 Ọsẹ ra avọ oni ra a te ghọghọ,Yọ oni nọ o yẹ owhẹ ọ te wereva.
26 Ọmọzae mẹ, rọ udu ra kpobi gaviezọ kẹ omẹ,Jọ idhere mẹ e were owhẹ.*+
27 Keme ogberẹ yọ ọgọdọ odidi,Ogberẹ aye* yọ oza ohwahwa.+
28 O re dhere hẹrẹ wọhọ oji;*+O bi ru nọ ezae nọ a re fievahọ họ* i bi ro bu.
29 Ono uye o rrọ oma? Ono oma o be riẹ ru hu?
Ono ọ rẹ whọ ẹwhọ? Ono o re gu kpenẹ avọ enẹ?
Ono emela e rrọ oma gheghe gheghe? Ono aro riẹ ọ be ware?*
30 Enọ i re no akotọ udi hi;*+Enọ e rẹ gwọlọ* enwaene nọ a gua.
31 Who rri ekọlọ ọwawae enwaene heNọ o bi lo evaọ egho na je su malẹ kpobọ eva na,
32 Keme evaọ ukuhọ riẹ o rẹ rowo wọhọ araomuomu,Je wo obi wọhọ ọriwhẹ.
33 Ibiaro ra e te ruẹ eware nọ i fioka ha,Whọ vẹ te jọ udu ra ta ogbẹta.+
34 Whọ vẹ te jọ wọhọ ohwo nọ o kiẹzẹ udevie abade,Wọhọ ohwo nọ o kiẹzẹ obehru ọkpọ nọ ọ rrọ udevie okọ ulogbo.
35 Whọ vẹ te ta nọ: “A tehe omẹ, rekọ mẹ riẹ hẹ.*
A kpe omẹ, rekọ mẹ riẹ hẹ.
Oke vẹ mẹ te rọwo ze?+
Mẹ gwọlọ udi ọfa.”*
Eme-Obotọ
^ Hayo “Nyẹ oma ra.”
^ Hayo o sae jọ nọ, “Whọ rẹroso otoriẹ omobọ ra ha.”
^ Hayo “ohwo kpobi nọ o wo ẹro omuomu hu.”
^ Evaọ Hibru, “udu riẹ o rrọ kugbe owhẹ hẹ.”
^ Hayo “nọ ohwo ogheghẹ ọ rẹ rọ ezọ riẹ yo ho.”
^ Evaọ Hibru, “Ọnọ Ọ Ta.”
^ Hayo “ọwhọkuo.”
^ Hayo “ọmọzae; uzoge.”
^ Hayo “ọkpọ.”
^ Evaọ Hibru, “ibieku.”
^ Hayo “evaọ okpẹdoke na soso.”
^ Evaọ Hibru, “kpọ udu ra evaọ.”
^ Hayo “enwaene.”
^ Hayo “Daoma wo.”
^ Hayo “ọwhọkuo.”
^ Evaọ Hibru, “ọmọzae.”
^ Hayo “e were ibiaro ra.”
^ Hayo “ogbulegbu.”
^ Hayo “ezae nọ e be nyasiọ Ọghẹnẹ ba; ezae nọ e be nyasiọ eyae rai ba.”
^ Hayo “ibiaro riẹ i dhe no.”
^ Hayo “enwaene he.”
^ Hayo “Enọ i re kokohọ re a dawo.”
^ Hayo “o da omẹ hẹ.”
^ Hayo “Mẹ te wariẹ gwọlọ iẹe.”
