Itẹ 21:1-31
21 Udu ovie o wọhọ iko-ame evaọ obọ Jihova.+
Ọ rẹ kpọe kpohọ oria kpobi nọ o were riẹ.+
2 Idhere ohwo-akpọ kpobi i re kiehọ evaọ aro riẹ,+Rekọ Jihova ọ rẹ kiẹ idu ahwo* riwi.+
3 Re a ru oware nọ o gba je kiehọO rẹ were Jihova vi idheidhe.+
4 Ibiaro oheri* gbe udu omorroUkpẹ nọ irumuomu a be rọ ruẹ ude họ uzioraha.+
5 Omaa ohwo nọ o re kru obọ ga, o rẹ riẹ nya* hrọ,+Rekọ ahwo nọ a re bru okpakpa kpobi, a ti kie ruọ uvuhu hrọ.+
6 Efe nọ a rẹ rọ ẹrọo ọrue woO wọhọ igrigri nọ i re kri ẹhiẹ no ho, agbefẹ uwhu.*+
7 Ozighi nọ ahwo omuomu a bi ru na u ti hwere ai fiẹ,+Keme a rọwo nọ a re ru oware nọ u kiete he.*
8 Edhere ohwo nọ ọ reabe ọ rẹ jọ gẹgẹle,Rekọ ohwo nọ ọ fo o re ru eware nọ i kiete.+
9 O mai woma re ohwo ọ rria ubiozọ ehru uwouViukpenọ ọ rẹ rria uwou ovona kugbe aye nọ ọ rẹ whọ ẹwhọ gaga.*+
10 Ohwo* omuomu o re wo isiuru egaga kẹ oware uyoma;+Ọ rẹ re ohrọ ọrivẹ riẹ hẹ.+
11 Nọ a tẹ kẹ osẹkoko uye, ogbori o re wo areghẹ vi epanọ ọ jọ,Nọ ohwo owareghẹ o te wo otoriẹ oware kokodo, u re fiba eriariẹ riẹ.*+
12 Ọnọ O Kiẹrẹe na o bi muẹrohọ uwou ohwo omuomu;O re gele ahwo omuomu kie re ọraha o te ai.+
13 Ohwo kpobi nọ ọ tehe ezọ riẹ di kẹ oviẹ oruori naỌyomariẹ o ti bo, yọ a ti yo kẹe he.+
14 Okẹ nọ a lẹlẹ kẹ ohwo u re hrẹ ofu,+Yọ udi nọ a lẹlẹ jẹ kẹ ohwo,* u re hrẹ ofu ọgaga kpotọ.
15 O rrọ oware oghọghọ kẹ ohwo okiẹrẹe re o ru oware nọ u kiete,*+Rekọ onana yọ oware uyoma gaga kẹ enọ i bi ru umuomu.
16 Ohwo nọ o ghoro no edhere areghẹ*O ti kuomagbe enọ i whu no nọ i wo ogaga ovo ho serihọ.+
17 Ohwo nọ akpọriọ* ọ rẹ were gaga, uvuhu u ti kpei;+Ohwo nọ enwaene avọ ewhri e rẹ were gaga, o re fe he.
18 Ohwo omuomu yọ ẹtanigbo rọkẹ ohwo okiẹrẹe,Yọ a te rọ ohwo ẹghẹ nwene uzou ohwo nọ o kiete.+
19 O mai woma re ohwo ọ rria obọ udhudeViukpenọ ọ rẹ rria kugbe aye nọ ọ rẹ whọ ẹwhọ gaga* nọ oware u re kri eva ẹdha ha.+
20 A rẹ jọ uwou iwareghẹ ruẹ ekwakwa-aghae gbe ewhri,+Rekọ ohwo ogheghẹ ọ rẹ re* eware nọ o wo kpobi kufiẹ.+
21 Ohwo kpobi nọ ọ be nya edhere* ẹrẹreokie je dhesẹ uyoyou nọ o rẹ hiẹ hẹO ti duku uzuazọ, ẹrẹreokie, gbe oruaro.+
22 Ohwo owareghẹ ọ rẹ sae gadiẹ ruọ eva okpẹwho egba*Ọ vẹ raha ogaga rai nọ a rẹroso na no.+
23 Ohwo nọ ọ be kpọ ẹmeunu* riẹ gbe ẹrọo riẹỌ be thọ omariẹ* no ẹbẹbẹ.+
24 Ohwo omorro avọ oheri nọ o re seha, ere a re seOhwo nọ o re ru eware nọ a kẹ riẹ udu riẹ hẹ, nọ ọ rẹ daezọ họ.+
25 Oware nọ u bi si ọyẹlẹ urru oye u ti kpei,Keme ọ rẹ rọwo rọ abọ riẹ ru iruo ho.+
26 O re wo isiuru oriobọ ẹsikpobi,*Rekọ okiẹrẹe na ọ rẹ kẹ okẹ, o re si oware ovo no ho.+
27 Idhe ohwo omuomu i re tuoma.+
Kọ ẹvẹ i re yoma te nọ ọ tẹ rọ eva iyoma* dhe idhe na!
28 Osisẹri ọrue o ti whu kufiẹ,+Rekọ ohwo nọ ọ rẹ gaviezọ o re se emamọ isẹri.*
29 Ohwo omuomu o re ru oware ududu,+Rekọ ọnọ o kiete họ ọnọ eware e te riẹ nya kẹ.*+
30 Areghẹ, hayo orimuo, hayo ohrẹ* ovuovo o riẹ hẹ nọ o rẹ wọso Jihova.+
31 A ruẹrẹ anyenya họ kẹ ẹdẹ ẹmo,+Rekọ obọ Jihova esiwo o re no ze.+
Eme-Obotọ
^ Hayo “ẹjiroro nọ ohwo o bi ro ru oware.”
^ Hayo “omoya.”
^ Hayo “u re woma kẹe.”
^ Hayo o sae jọ nọ, “rọkẹ enọ e be gwọlọ uwhu.”
^ Hayo “ru oware uvioziẹ hẹ.”
^ Hayo “nọ o re si ivri; nọ o re si ikẹ.”
^ Hayo “ọ rẹ riẹ oware nọ o re ru.”
^ Evaọ Hibru, “udi-oriọ igbama.”
^ Hayo “oware uvioziẹ.”
^ Hayo “otoriẹ udidi.”
^ Hayo “omaweromẹ.”
^ Hayo “nọ o re si ivri; nọ o re si ikẹ.”
^ Hayo “raha.” Evaọ Hibru, “lọ.”
^ Hayo “o bi le.”
^ Hayo “ọ rẹ sai fi okpẹwho egba na kparobọ.”
^ Hayo “nọ o bi rou unu.”
^ Hayo “evaọ okpẹdoke na soso.”
^ Hayo “uruemu omovuọ.”
^ Evaọ Hibru, “ọ te ta ẹme bẹdẹ bẹdẹ.”
^ Hayo “họ ọnọ o re ru edhere riẹ muẹro.”
^ Hayo “omaa; ẹjiroro.”
