Itẹ 5:1-23

  • Unuovẹvẹ kpahe eyae nọ e rrọ igberẹ (1-14)

  • Wereva kugbe aye ra (15-23)

5  Ọmọzae mẹ, gaviezọ kẹ eme areghẹ mẹ. Kezọ ziezi* kẹ orimuo mẹ,+   Re whọ sae riẹ epanọ a re roro oware te ziezi*Jẹ rọ igbenu ra ta eme nọ i re dhesẹ eriariẹ ẹsikpobi.+   Keme igbenu aye nọ o wo ekpehre ẹro* e wọhọ othuzou-ọnyọ nọ ọnyọ o bi su no ze,+Unu riẹ o whra vi ewhri.+   Rekọ evaọ obọ ukuhọ riẹ ọ rẹ yare wọhọ ẹbe ọyayare+Jẹ jọ dada wọhọ ọgbọdọ akọava.+   Awọ riẹ ọ rrọ edhere uwhu. Ithihi riẹ i re su ohwo kpobọ Uki* ovavo.   Ọ rẹ daezọ edhere uzuazọ vievie he. O bi vru, ọ riẹ obonọ ọ be nya na ha.   Fikiere, emezae mẹ, wha gaviezọ kẹ omẹWha kiukeku ẹme nọ mẹ be ta na ha.   Kẹnoma kẹe lelele;Whọ nya kẹle edhere uwou riẹ hẹ,+   Re who gbe si ọghọ no oma ra ha*+Hayo vu oware uyoma evaọ ikpe nọ e be tha ha;+ 10  Re erara e gbẹ re owhẹ ko ho*+Re eware nọ whọ ruẹ uye wo no i gbe zihe ruọ erọ ohwo orẹwho ọfa ha. 11  O gbẹ rrọ ere he, who ti dimẹ evaọ obọ ekuhọ uzuazọ raOkenọ uwo-oma gbe ugboma ra o te raha kufiẹ+ 12  Whọ vẹ te ta nọ: “O da omẹ gaga inọ me mukpahe uthubro!* Udu mẹ o daezọ ọkpọvio ho! 13  Mẹ gaviezọ kẹ ohrẹ nọ ekohrẹ mẹ a kẹ omẹ hẹYọ mẹ kezọ kẹ iwuhrẹ mẹ hẹ. 14  Me te uwhu re noEvaọ udevie ukoko na soso.”*+ 15  Da ame nọ o no ọgọdọ-ame* ra ọvo zeGbe ame odhidhi* nọ o no oza ra ze.+ 16  Kọ u fo re iyeri-ame ra i su ruọ otafe,Re iko-ame ra i su ruọ oko-ore?+ 17  Jọ e jọ rọkẹ owhẹ ọvo,Orọnikọ te owhẹ te erara ha.+ 18  Jọ oghale u te eyeri-ame ra,*Jọ whọ wereva kugbe aye nọ whọ rehọ evaọ oke uzoge ra,+ 19  Orua aye nọ ọ rrọ yoyou, ẹwe igbehru* nọ o wo erru.+ Jọ ivie riẹ i ru eva were* owhẹ ẹsikpobi. Jọ ọ dhẹ ruọ owhẹ oma kẹse kẹse.+ 20  Fikiere, ọmọzae mẹ, emejabọ nọ aye nọ o wo ekpehre ẹro* ọ jẹ dhẹ ruọ owhẹ omaHayo nọ whọ jẹ gbalọ* ogberẹ aye?*+ 21  Keme Jihova ọ be rọ ibiaro riẹ ruẹ idhere ohwo-akpọ;Ọ be kiẹ idhere riẹ kpobi riwi.+ 22  Iruthọ obọ ohwo omuomu na họ ẹta nọ o ti mu ei,Yọ izieraha obọ riẹ họ ifi nọ e te gbae.+ 23  O ti whu fikinọ ọ siọ* ọwhọkuo*Yọ ọ te nyathọ fiki ugheghẹ ulogbo riẹ.

Eme-Obotọ

Evaọ Hibru, “Fi ozọ ra hotọ.”
Hayo “sae sẹro iroro ra.”
Evaọ Hibru, “aye ọrara.” Rri Itẹ 2:16.
Hayo “Sheol.” Rri oria Otofa Eme.
Hayo “si ọghọ no oma ra kẹ amọfa ha.”
Hayo “a gbe mi owhẹ ẹgba ra ha.”
Hayo “ọwhọkuo; uwuhrẹ.”
Evaọ Hibru, “Evaọ udevie ogbotu na gbe ukoko na.”
Koyehọ, ọgọdọ nọ a rẹ jọ sẹro ame.
Hayo “ame nọ o bi su.”
Hayo “eria nọ who re jo vo ame.”
Hayo “ẹwe ẹwọ.”
Hayo “i mu.”
Evaọ Hibru, “aye ọrara.” Rri Itẹ 2:16.
Hayo “gbalọ igbama.”
Evaọ Hibru, “aye orẹwho ọfa.” Rri Itẹ 2:16.
Hayo “fiki ababọ.”
Hayo “uthubro; uwuhrẹ.”