Barua ya Yakobo 5:1-20
5 Sasa, musikilize ninyi matajiri, mulie na kulalamika juu ya taabu zenye zinakuja juu yenu.+
2 Utajiri wenu umeoza, na nguo zenu zimekuliwa na nondo.*+
3 Zahabu na feza zenu zimekuliwa na kutu, na kutu yake itakuwa ushahidi juu yenu na itakula miili yenu. Vitu vyenye mumerundika vitakuwa kama moto katika siku za mwisho.+
4 Muangalie! Malipo yenye mulikataa kulipa wafanyakazi wenye walivuna mashamba yenu yanaendelea kulia kwa sauti kubwa, na vilio vya kuomba musaada vya wavunaji vimefika kwenye masikio ya Yehova* wa majeshi.+
5 Ninyi mumeishi maisha ya raha na kwa ajili ya kutimiza tamaa zenu katika dunia. Mumenonesha mioyo yenu katika siku ya machinjo.+
6 Mumehukumu; mumemuua mwenye haki. Je, yeye hawapinge ninyi?
7 Basi, mukuwe na uvumilivu, ndugu, mupaka kuwapo kwa Bwana.+ Muangalie! Mulimaji anaendelea kungojea matunda yenye samani ya inchi, anayavumilia mupaka wakati mvua ya kwanza-kwanza na mvua ya mwisho-mwisho itanyesha.+
8 Ninyi pia mukuwe na uvumilivu;+ mufanye mioyo yenu kuwa imara, kwa sababu kuwapo kwa Bwana kumekaribia.+
9 Musinungunikiane,* ndugu, ili musihukumiwe.+ Muangalie! Muamuzi amesimama mbele ya milango.
10 Ndugu, kuhusu kuvumilia uovu+ na kuwa wavumilivu,+ mufuate mufano wa wale manabii wenye walisema katika jina la Yehova.*+
11 Muangalie! Tunaona wale wenye wamevumilia kuwa wenye furaha.*+ Mumesikia juu ya uvumilivu wa Yobu+ na mumeona matokeo yenye Yehova* alileta,+ kwamba Yehova* ni mwenye upendo mwingi sana* na mwenye rehema.+
12 Zaidi ya yote, ndugu zangu, muache kuapa, ikuwe kwa mbingu ao kwa dunia ao kwa kiapo kingine chochote. Lakini “Ndiyo” yenu imaanishe ndiyo, na “Hapana” yenu imaanishe hapana,+ ili musistahili hukumu.
13 Je, kuko mutu yeyote kati yenu mwenye kuteseka? Aendelee kusali.+ Je, kuko mutu yeyote mwenye roho yenye kuchangamuka? Aimbe zaburi.+
14 Je, kuko mutu yeyote mwenye kuwa mugonjwa kati yenu? Aite wazee+ wa kutaniko, na wasali kwa ajili yake, wakimupakaa mafuta+ katika jina la Yehova.*
15 Na sala ya imani itaponyesha ule mugonjwa,* na Yehova* atamuinua. Pia, kama amefanya zambi, atasamehewa.
16 Kwa hiyo, muungame waziwazi zambi zenu+ kwa mutu na mwenzake na kusali kwa ajili ya mutu na mwenzake, ili muponyeshwe. Sala ya kumulilia Mungu* ya mwenye haki iko na nguvu nyingi.*+
17 Eliya alikuwa mutu mwenye hisia kama zetu, lakini wakati alisali kwa bidii ili mvua isinyeshe, haikunyesha juu ya inchi kwa miaka tatu (3) na miezi sita (6).+
18 Kisha akasali tena, na mbingu ikatoa mvua na inchi ikazaa matunda.+
19 Ndugu zangu, kama mutu yeyote kati yenu anapotoshwa kutoka katika kweli na mwingine anamurudisha,
20 mujue kwamba mutu yeyote mwenye anamurudisha mutenda-zambi kutoka kwenye kosa+ la njia yake atamuokoa* kutoka kwenye kifo na atafunika zambi nyingi.+
Maelezo ya Chini
^ Nondo ni kidudu fulani cha kuruka chenye kinakula nguo.
^ Angalia Nyongeza A5.
^ Ao “Musilalamike juu ya mumoja na mwingine.” Tnn., “Musiugue sana katika moyo mumoja kuelekea mwingine.”
^ Angalia Nyongeza A5.
^ Ao “ni mwenye huruma sana; mwenye kujaa upendo mwororo.”
^ Angalia Nyongeza A5.
^ Angalia Nyongeza A5.
^ Ao “wenye kubarikiwa.”
^ Angalia Nyongeza A5.
^ Ao pengine, “mwenye kuchoka.”
^ Angalia Nyongeza A5.
^ Ao “Dua.”
^ Tnn., “iko na nguvu nyingi wakati inafanya kazi.”
^ Ao “ataokoa nafsi yake.”
