Natën para se të jepte jetën, Jezui u dha udhëzime dishepujve besnikë që të kujtonin flijimin e tij. Duke u dhënë bukë pa maja dhe verë të kuqe, ai themeloi atë që është quajtur Darka e Fundit ose Darka e Zotërisë dhe i urdhëroi: «Vazhdoni ta bëni këtë në kujtimin tim.»—Luka 22:19.

Çdo vit, Dëshmitarët e Jehovait anembanë botës mblidhen për të kujtuar vdekjen e Jezuit në datën e caktuar. Në 2014-n, Përkujtimi bie të hënën më 14 prill, pas perëndimit të diellit.

Të ftojmë përzemërsisht në këtë mbledhje, gjatë së cilës do të jepen informacione të mëtejshme për domethënien e vdekjes flijuese të Jezuit. Pjesëmarrja në këtë rast është falas. Nuk do të mblidhen para. Personi që të dha këtë revistë mund të të thotë kohën dhe vendin ku do të mbahet Përkujtimi në zonën tënde ose mund të shohësh në sitin tonë, jw.org/sq. Të lutemi mos e harro këtë rast, ku shpresojmë të mos mungosh.