Numbernan 34:1-29
34 Yehova a sigui bisa Moises:
2 “Duna e israelitanan e siguiente instrukshon: ‘Ora boso drenta Kánan,+ boso lo risibié komo herensia. Kánan lo tin e siguiente fronteranan:+
3 Boso frontera zùit lo kore for di desierto Zin, ku ta keda banda di Édòm. I na ost, boso frontera zùit lo kuminsá na e punta di mas zùit di Laman Salu.*+
4 Boso frontera lo lora pasa na banda zùit di subida Akrabim,+ sigui te Zin i kaba na zùit di Kádes-Barnea.+ Despues, lo e sigui kore te Házar-Adar+ i sigui bai Ásmòn.
5 E frontera lo lora na Ásmòn bai na vaye di Egipto i kaba na Laman Grandi.*+
6 Kosta di Laman Grandi ta boso frontera wèst, sí, esei lo bira boso frontera wèst.+
7 Awor, esaki lo ta boso frontera nort ku boso mester marka: E frontera lo ta for di Laman Grandi te na seru Hòr.*
8 Di seru Hòr, boso frontera lo kore te Lebo-Hámat*+ i kaba na Zedad.+
9 Anto e frontera lo sigui te Zífròn i kaba na Házar-Énan.+ Esei lo bira boso frontera nort.
10 Anto pa boso frontera ost, marka e frontera for di Házar-Énan te Sefam.
11 Di Sefam, e frontera lo kore te Ribla ku ta keda ost di Ain, i e frontera lo baha i krusa e seritunan ku ta keda ost di Laman di Kinerèt.*+
12 E frontera lo sigui kore te riu Yordan i kaba na Laman Salu.+ Esei lo bira boso pais+ i su fronteranan.’”
13 Pues, Moises a duna e israelitanan e siguiente instrukshon: “Esaki ta e pais ku boso lo tira lòt pa repartí entre boso.+ Sí, Yehova a bisa pa repartié entre e nuebe tribunan i mitar tribu di Mánases.
14 Esei ta pasobra e tribu di Ruben, e tribu di Gad i e otro mitar tribu di Mánases a risibí nan herensia kaba.+
15 E dos tribunan i mei ei a risibí nan herensia kaba na banda ost di riu Yordan, enfrente di Yériko, kaminda solo ta sali.”+
16 Yehova a sigui bisa Moises:
17 “Esaki ta nòmber di e hòmbernan ku lo repartí e pais ku boso lo risibí komo propiedat: Saserdote Eleazar+ i Hosue,+ yu di Nun.
18 Ademas, boso mester skohe un kabesante for di kada tribu pa yuda repartí e pais ku boso lo risibí komo herensia.+
19 Esaki ta e kabesantenan: di e tribu di Huda,+ Kálèb,+ yu hòmber di Yefune;
20 di e tribu di Símeòn,+ Sémuèl, yu hòmber di Amihud;
21 di e tribu di Bènyamin,+ Elidad, yu hòmber di Kíslòn;
22 di e tribu di Dan,+ Buki, yu hòmber di Yogli;
23 di e tribu di Mánases,+ yu di Yósef,+ Haniel, yu hòmber di Efòd;
24 di e tribu di Efraím,+ yu di Yósef, Kémuèl, yu hòmber di Síftan;
25 di e tribu di Zébulòn,+ Elísafan, yu hòmber di Parnak;
26 di e tribu di Ísakar,+ Paltiel, yu hòmber di Azan;
27 di e tribu di Áser,+ Ahihud, yu hòmber di Selomi;
28 di e tribu di Nèftali,+ Pedael, yu hòmber di Amihud.”
29 Eseinan tabata e hòmbernan ku Yehova a duna òrdu pa repartí Kánan+ entre e israelitanan.
