Yòb 4:1-21
4 Élifaz+ di Teman* a kontest’é:
2 “Si un hende tribi di papia ku bo, lo bo skuch’é ku pasenshi?Ken lo por keda ketu?
3 Bo mes a yega di korigí hopi hende,i bo tabata fortalesé e hendenan débil.
4 Bo palabranan tabata lanta hende ku a trompeká;bo tabata fortalesé e rudianan ku tabata tembla.
5 Awor ku bo a haña bo ku kalamidat, bo ta tur aribabou;*kalamidat a afektá bo, i bo ta tur desanimá.
6 Bo tin rèspèt profundo pa Dios. Pues, unda bo konfiansa den Dios a keda?Bo ta un hòmber íntegro.+ Esei no ta duna bo speransa?
7 Pensa un ratu, por fabor: Akaso hende inosente ta muri?Bo a yega di mira hende hustu ser destruí?
8 Loke ami ta mira ta ku hende ku ta plug kunuku di maldat*i hende ku ta sembra problema ta kosechá loke nan ta sembra.
9 Rosea di Dios ta kaba ku nan;Dios ta rabia i supla nan benta leu, i nan ta yega na nan fin.
10 Maske leon ta grita i leon yòn ta gruña,asta djente di leon fuerte* ta ser kibrá.
11 Un leon ta muri pa falta di proi,i e yunan di un leon ta ser plamá.
12 Un persona a bin papia ku mi den sekreto;el a bisa mi algu kuchikuchi den mi orea.
13 Anochi, ora hende sa bai soño profundo,mi a haña algun vishon ku a molestiá mi mente.
14 Mi a kuminsá tembla pisá;sustu a poderá di tur mi wesunan.
15 Un spiritu a pasa mi dilanti;mi kurpa a kohe rel.
16 El a para mi dilanti,pero mi no tabata sa ta ken òf ta kiko;tabatin manera un sombra mi dilanti.Tabata reina un silensio; despues, mi a tende un stèm bisa:
17 ‘Un simpel hende por ta mas hustu ku Dios?Un hende por ta mas santu ku su Kreador?’
18 Tende! Dios no ta konfia su sirbidónan;p’e, asta su angelnan* ta faya.
19 Kiko ta para di hende formá di klei,ku no ta nada otro ku stòf?*+Kiko ta para di hende ku ta ser plèchá fásilmente meskos ku ta plècha insekto?*
20 Di mainta pa anochi, nan ta ser aplastá kompletamente;nan ta disparsé pa semper, i niun hende no ta wòri.
21 Hende ta manera tènt ku ta basha abou, pasobra ta kòrta nan kabuyanan.Hende ta muri sin buska pa haña sabiduria.”
