Yòb 39:1-30
39 “Bo sa ki ora kabritu di seru ta wèrp?+Bo a yega di mira un biná nase?+
2 Bo sa kuantu luna un kabritu di seru òf un biná ta karga un yu den su barika?Bo sa ki ora nan ta wèrp?
3 Nan ta sak abou ora nan ta bai wèrp;nan ta wèrp i doló di parto ta pasa.
4 Nan yunan ta krese den mondi i bira fuerte;un dia, e yunan ta bai, sin bolbe mas.
5 Ken a duna buriku di mondi* libertat?+Ken a lòs e kabuyanan di buriku di mondi?
6 Mi a hasi sabana seku nan kas;mi a hasi teritorio tur na salpeter nan lugá di biba.
7 Nan ta keda leu for di* stat, kaminda tin bochincha;no tin niun hende ta grita nan i pone nan traha.
8 Nan ta rondia tereno di yerba den e serunan;nan ta buska kualke mata bèrdè.
9 Bo ta kere ku toro salbahe ke sirbi bo?+Lo e pasa anochi den bo stal?*
10 Bo por mara un toro salbahe ku kabuya i pon’é plug pa bo?Lo e kana bini vaye bo tras i plug?*
11 Lo bo konfi’é pasobra e tin hopi forsa?Lo bo lag’é hasi trabou pisá pa bo?
12 Bo por stèns ku e ta bini bèk for di kunuku i trese bo kosecha*na bo plenchi di bati kosecha?
13 Abestrus ta bati su alanan kontentu di dje;anto bo no por kompará su alanan ku ala di oyevar.+
14 Abestrus ta pone* su webunan riba suela,i e ta tene nan kayente den santu.
15 Pero e ta lubidá ku hende por kana pasa plècha nanòf ku bestia salbahe por trapa nan.
16 Abestrus ta trata su yunan brutu, komo si fuera nan no ta di dje;+no ta import’é ku su trabou lo por tabata pòrnada.
17 Bon mirá, Dios no a dun’é* sabiduria;Dios no a dun’é komprondementu tampoko.
18 Sinembargo, ora un abestrus bati su alanan i sali na kareda,e ta hari kabai i e kabai su koredó.
19 Ta abo a duna kabai su forsa?+Ta abo a dòrna su nèk ku kabei ku ta waya den bientu?
20 Bo por pone un kabai bula manera dalakochi?Un kabai ta snùif na un manera spantoso.+
21 Su patanan ta bati riba suela di vaye, i e ta broma ku su forsa;+e ta ranka sali bai den bataya.*+
22 E ta hasi bofon di miedu, i e no ta spanta pa nada;+e no ta hala atras pa spada.
23 Ora ku e ta kore, saku di flecha ta bati kontra su kurpa;ora lus bria riba dje, sper i lansa ta lombra.
24 Kabai ta purá pa ranka sali;*ora e tende zonido di kachu, e ta kla pa ranka sali.*
25 Ora hende supla kachu, e ta bisa: ‘Ahá!’Djaleu, e ta hole bataya.Djaleu, e ta tende gritu di e komandantenan i gritu di bataya.+
26 Ta abo a siña e falkinan bula?Ta abo a siña nan span nan alanan i bula bai zùit?
27 Ta abo a ordená águila pa bula bai laira+i traha nèshi te ariba ayá?+
28 E ta pasa anochi riba klep;*e ta biba den su fòrti riba punta* di baranka.
29 For di su lugá di biba, un águila ta wak si tin kuminda;+su wowonan por mira masha leu mes.
30 Su yunan ta bebe sanger;kaminda tin kadaver, ei nan ta.”+
Nota
^ Na hulandes, onager.
^ Lit.: “ta despresiá.”
^ Òf: “pasa anochi banda di bo baki di kuminda?”
^ Òf: “i bòltu tera di vaye?”
^ Lit.: “simia.”
^ Lit.: “laga.”
^ Lit.: “Dios a pone ku e ta lubidá.”
^ Lit.: “e ta sali pa enfrentá arma.”
^ Lit.: “ta habraká suela (tera).”
^ Òf posiblemente: “e no por kere esei.”
^ Òf: “baranka steil.”
^ Lit.: “djente.”
