Yòb 29:1-25
29 Yòb a sigui ku su spich:
2 “Mare kos tabata manera ántes,tempu ku Dios tabata protehá mi,
3 tempu ku e tabata laga su lampi bria riba mi kabes,tempu ku Dios tabata lusa mi kaminda den skuridat,+
4 tempu ku mi tabata hóben i fuerte,tempu ku Dios tabata mi bon amigu di kas,*+
5 tempu ku Dios Todopoderoso tabata ku mi,tempu ku tur mi yunan* tabata na bida,
6 tempu ku mi tabata laba mi pianan den manteka,tempu ku zeta di oleifi tabata kore na abundansia for di e barankanan pa mi,+
7 tempu ku mi tabata bai porta di stat+pa tuma mi asiento riba plenchi públiko.+
8 E tempu ei, manera e hóbennan mira mi, nan tabata hala pa mi pasa;*asta e hòmbernan di edat tabata lanta para pa mi.+
9 E kabesantenan tabata keda ketu ketu;nan tabata tapa nan boka ku nan man.
10 E hendenan prominente no tabata bisa nada;nan no tabata papia ni un pia di palabra.
11 Tur hende ku a tende mi papia tabata papia bon di mi;hende ku a mira mi tabata duna bon testimonio di mi,
12 pasobra mi tabata yuda hende pober ku tabata sklama pa yudansa,+i mi tabata yuda yu sin tata. Mi tabata yuda tur hende ku no tabatin niun hende pa yuda nan.+
13 Hende ku tabata sufri* tabata bendishoná mi,+i mi tabata laga kurason di e biudanan kanta di alegria.+
14 Mi tabata bisti rektitut meskos ku mi tabata bisti paña;hustisia tabata manera mi mantel* i tulband.
15 Mi tabata wowo pa hende siegui pia pa hende koho.
16 Mi tabata manera un tata pa hende pober;+mi tabata yuda hende ku mi no tabata konosé haña un huisio hustu.+
17 Mi tabata kibra kakumbein di malechor+i ranka nan víktimanan saka for di meimei di nan djentenan.
18 Mi tabata bisa: ‘Mi dianan lo ta hopi manera santu di laman,i lo mi muri trankilamente den mi propio kas.*+
19 Lo mi ta manera un palu ku su raisnan ta yega awai ku serena ta muha su takinan henter anochi.
20 Hende lo sigui onra mi,i lo mi sigui tira flecha ku mi bog.’
21 Hende tabata skucha mi ku atenshon;den silensio, nan tabata warda riba mi konsehonan.+
22 Despues ku mi a kaba di papia, niun hende no tabatin nada mas pa añadí;mi palabranan tabata zona agradabel* den nan orea.
23 Nan tabata warda riba mi manera ora hende ta warda riba áwaseru, riba áwaseru di lènte;*+nan tabata ansioso pa skucha mi palabranan.
24 Ora mi tabata hari ku nan, nan tabata sinti nan bon;brio di mi kara tabata trankilisá nan.*
25 Mi tabata nan kabesante, i mi tabata guia nan;mi tabata biba manera un rei rondoná pa trupa di sòldá;+mi tabata konsolá hende ku tabata yora.”+
