Yòb 30:1-31
30 Yòb a sigui bisa:
“Hòmber mas yòn ku mi ta hari mi.+Mi tabata nenga di laga nan tatananyuda mi kachónan kuida mi tounan di bestia.
2 Ku kiko e hòmbernan ei a yuda mi?Nan no tin forsa pa hasi nada.
3 Miseria i hamber ta laga nan keda morto kansá;nan ta kou loke tera seku,destruí i desolá ta produsí.
4 Nan ta kita blachi salu for di e matanani kome rais marga di palu di mondi.
5 Hende a kore ku nan for di komunidat;+hende ta grita nan manera ora ta kore ku ladron.
6 Nan ta biba riba baranka steil,*den buraku i den kueba.
7 Nan ta sklama for di entre e matanan di mondi,i nan ta krem huntu bou di e matanan di sumpiña.
8 Nan ta yu di hende bobo; nan ta hende ku no ta sirbi pa nada;a kore ku nan* for di nan tera.
9 Awor, nan ta hasi bofon di mi, asta den nan kantikanan;+mi a bira kos di hasi chèrchi di dje* pa nan.+
10 Nan ta odia mi, i nan ta keda leu for di mi;+nan no tin miedu di skupi den mi kara.+
11 Dios a kita tur poder for di mi* i humiá mi;p’esei, nan no tin niun tiki rèspèt mas pa mi.*
12 Nan a sera kabes, i for di man drechi, nan a bin ataká mi;nan ta persiguí mii blòkia mi kaminda pa kaba ku mi.
13 Nan ta destruí e kamindanan*i pone mi sufri mas;+anto no tin niun hende pa stòp nan.*
14 Ta komo si fuera nan ta drenta via un muraya kibrá i ataká mi;nan ta bula drenta pa hasi mi mas daño.
15 Mi ta sinti mi masha angustiá;hende no tin rèspèt mas pa mi;*e speransa ku mi tabatin di haña alivio a disparsé manera nubia.
16 Mi* no tin forsa mas;*+dia pa dia, mi ta sufri mas i mas.+
17 Anochi, mi wesunan ta morde sin fin;*+doló ta kaba ku mi.+
18 Mi paña* ta ser trosí ku forsa enorme;*mi paña ta choka mi, manera un krag pèrtá.
19 Dios a benta mi den lodo;mi a para bira stòf i shinishi.
20 O Dios, mi ta sklama na bo pa yudansa, pero bo no ta kontestá mi;+mi ta aserká* bo, pero bo ta keda wak mi duru den mi kara.
21 Bo a bira kontra mi na un manera kruel;+bo ta ataká mi ku tur bo forsa.*
22 Bo ta hisa mi na laira i laga bientu bai ku mi;tormenta ta benta mi p’aki i p’aya.*
23 Mi sa ku lo bo entregá mi den man di mortoi lag’é hiba mi na e kas kaminda tur hende bibu ta bai.
24 Niun hende no ta ataká un hòmber indefenso*+ku ta sklama pa yudansa den tempu di kalamidat.
25 Mi no tabata yora ku hende ku tabatin un bida duru?*Mi* no tabatin duele di hende pober?+
26 Mi a spera kos bon, pero mi a haña mi ku malu;mi a spera lus, pero mi a haña mi ku skuridat.
27 Dia aden dia afó, mi ta sufri;mi ta intrankil i masha preokupá.
28 Mi ta kana rònt tristu;+ no tin lus di solo;mi ta lanta para dilanti di e hendenan ku a ser reuní i sklama pa yudansa.
29 Mi a bira ruman di kachó di mondi*i amigu di abestrus.+
30 Mi kueru a bira pretu, i e ta kaska;+mi wesunan ta kima.*
31 Mi arpa ta toka músika di luto so,i mi flùit ta pa kompañá hende ku ta yora.”
Nota
^ Lit.: “a bati nan saka nan.”
^ Lit.: “mi ta un dicho; mi ta un refran.”
^ Òf: “nan no ta frena nan mes.”
^ Lit.: “a lòs kabuya di mi bog.” Òf: “a desarmá mi.”
^ Lit.: “mi kamindanan.”
^ Òf posiblemente: “anto nan no tabatin mester di ningun yudansa.”
^ Òf: “bientu a supla mi dignidat bai kuné.”
^ Òf: “Mi alma.”
^ Òf: “Mi ta muriendo.”
^ Òf: “Anochi, doló ta bora mi wesunan.”
^ Posiblemente, esaki tabata referí na Yòb su kueru.
^ Òf posiblemente: “Mi malesa ta asina grave ku e ta desfigurá mi.”
^ Òf: “mi ta lanta para pa hasi orashon na.”
^ Òf: “bo ta baha bo man riba mi ku tur bo forsa.”
^ Òf posiblemente: “bientu fuerte ku ta hasi hopi boroto ta kaba ku mi.”
^ Lit.: “un monton di ruina.”
^ Òf: “un dia pisá?”
^ Òf: “Mi alma.”
^ Òf posiblemente: “kima debí na keintura.”
