Yòb 17:1-16
17 “Mi spiritu ta kibrá;* mi dianan ta kabando;santana ta warda mi.+
2 Hasidó di bofon ta rondoná mi;+mi wowonan ta haña nan obligá di mira nan komportashon rebelde.
3 O mi Dios, aseptá mi garantia, por fabor; ward’é bon.*Ken otro lo sera un akuerdo ku mi* i para bòrg pa mi?+
4 Mi Señor a sera mente di e hendenan ku ta hasi bofon di mi pa nan no tin perspikasia.+Bo no ta halsa nan.
5 Nan ta ofresé pa kompartí loke nan tin ku nan amigunan,miéntras ku nan propio yunan ta pasa* hamber.
6 Dios a hasi mi kos di hasi chèrchi di dje* entre e pueblonan;+e hendenan ta skupi mi den mi kara.+
7 Sufrimentu ta pone mi bista bai atras;+mi brasanan i mi pianan a bira flaku flaku.
8 Hende rekto ta keda boka habrí ora nan mira mi;hende inosente ta kunsumí pa motibu di hende sin rèspèt pa Dios.*
9 Un persona hustu ta sigui hasi loke ta hustu;+hende inosente* ta bira mas i mas fuerte.+
10 Boso por sigui ataká mi numa ku boso argumentonan,pasobra, te ku awor, niun di boso no a bisa nada sabí.+
11 Mi dianan ta yegando nan fin;+mi plannan, e deseonan di mi kurason, a keda aplastá.+
12 Boso ta blo kohe anochi hasi di dia,bisando: ‘Di dia mester ta serka di habri,’ pero ta skuridat so ami ta mira.
13 Mi ta warda un poko mas, i Graf* lo bira mi kas;+lo mi habri mi kama den skuridat.+
14 Lo mi bisa graf:*+ ‘Abo ta mi tata!’Lo mi bisa bichi: ‘Abo ta mi mama i abo ta mi ruman muhé!’
15 Unda mi speransa a keda?+Ken ta kere ku tin speransa pa mi?
16 Mi speransa lo baha den Graf,* ku tin su portanan tranká ku balki,i ami tambe lo baha* huntu kuné.”+
