Yòb 31:1-40
31 Yòb a sigui bisa: “Mi a sera un pakto ku mi wowonan:+Nunka lo mi wak un otro hende muhé* ku deseo.+
2 Si mi hasi algu asina, kon Dios ku ta den shelu lo trata mi?Ki herensia lo mi haña for di Dios Todopoderoso?
3 Hende ku ta hasi malu lo haña nan ku desaster;kalamidat ta spera hende ku ta hasi maldat.+
4 Dios no sa kon mi a hiba mi bida?+Dios no ta mira tur paso ku mi ta dal?
5 Akaso mi a yega di papia mentira?*Mi a yega di gaña hende?+
6 Laga Dios pisa mi riba balansa eksakto;+lo e mira ku semper mi tabata leal na dje.*+
7 Si mi a desviá for di e kaminda korekto,+si mi kurason a deseá loke mi wowonan a mira+òf si mi a hasi kos robes,*
8 laga otro hende kome loke mi a sembra;+laga nan ranka loke mi a planta, ku rais ku tur.*
9 Si un muhé sedusí mi kurason+i mi bai drumi warda+ na porta di kas di mi próhimo,
10 laga mi esposa mula grano pa un otro hòmber;laga otro hòmber drumi kuné.+
11 Si mi hasi algu asina, esei lo ta un akto bergonsoso,un piká ku lo meresé kastigu di e huesnan.+
12 Un piká asina ta manera kandela ku ta destruí tur kos,+sí, manera kandela ku lo destruí tur loke mi tin.*
13 Si mi a stroba kualke un di mi sirbidónan, hòmber òf muhé, di haña un huisio faborabelora nan tabatin un ke otro keho* kontra mi,
14 kiko lo mi hasi ora Dios pidi mi kuenta i rason pa mi echonan?*Kiko mi por kontest’é ora e pidi mi kuenta i rason?+
15 No ta e Persona ku a forma mi den barika di mi mama a forma nan tambe?+No ta e a forma nos den barika di nos mama?+
16 Mi a yega di nenga hende pober loke nan tabata deseá?+Mi a yega di pone e biudanan yora amargamente?*+
17 Mi a yega di keda sin kompartí mi kuminda ku otro hende?Mi a yega di keda sin duna un huérfano algu di kome?+
18 (Al kontrario, for di mi hubentut, mi a trata tur huérfano ku a lanta serka mi komo yu; mi tabata manera un tata pa nan.For di infansia,* mi tabata yuda e biudanan.*)
19 Ora mi a mira un hende ku tabata muriendo di friu pa falta di pañaòf un hende pober sin nada pa tapa su kurpa kuné,+
20 nunka mi no a keda sin duna nan lana di mi karnénan pa nan por a tene nan kurpa kayente;nan tabata keda masha gradisidu na mi.+
21 Mi a yega di lanta mi moketa i menasá un huérfano+ku a bin buska yudansa na porta di stat?*+
22 Si mi tabata hasi e kosnan ei, kibra mi brasa den skouder;*kibra mi brasa den èlebog.*
23 Nunka mi no a yega di hasi niun di e kosnan ei, pasobra mi tabatin miedu di sufri kalamidat na man di Dios.Kon lo mi por a keda den su glorioso presensia?
24 Mi a yega di pone mi konfiansa den oroi bisa oro puru: ‘Abo ta mi siguridat!’?+
25 Akaso mi a kana gaba ora mi tabata un hòmber masha riku mes?+Mi tabata kana broma ku tur e kosnan ku mi tabatin?+
26 Solo* ta briai luna ta bria bunita.+
27 Sinembargo, nunka mi no a laga mi kurason gaña mi den sekretoi pone mi rindi adorashon na nan.*+
28 Si mi tabata hasi e kosnan ei, lo tabata un piká ku lo a meresé kastigu di e huesnan,pasobra esei lo a nifiká ku mi a bira lomba pa e Dios berdadero, ku ta den shelu.
29 Akaso mi ta alegrá ora mi enemigunan haña nan ku problema+òf ora kos malu pasa ku nan?
30 Nunka mi no a yega di maldishoná mi enemigunan ni pidi pa nan muri;+nunka mi a kometé un piká asina.
31 E hendenan di mi kas* tabata bisa:‘Tur hende ku tabata bini tènt di Yòb tabata kome nan barika yen* i keda satisfecho.’+
32 Niun hende straño* no tabatin ku pasa anochi pafó;+mi porta tabata habrí pa biahero.
33 Akaso mi a yega di purba di skonde mi pikánan, manera otro hende sa hasi?+Mi a yega di skonde mi erornan den saku di mi paña?
34 Akaso mi a yega di hasi esei pasobra mi tabatin miedu kon e hendenan lo a reakshoná?Akaso mi a keda ketu i sera mi kurpa den kaspasobra mi tabata spantá ku otro hende* lo a menospresiá mi?
35 Mare tabatin un persona pa skucha mi!+Lo mi a pone mi firma bou di loke mi a bisa.*Laga Dios Todopoderoso kontestá mi!+Mare e persona ku ta akusá mi por a skirbi su akusashonnan den un dokumento!
36 Lo mi a karga e dokumento ei riba mi skouder;lo mi a pone e dokumento ei manera un korona riba mi kabes.
37 Lo mi a duna Dios kuenta i rason di delaster un stap ku mi a dal;lo mi a aserk’é ku kara na laira, manera un prens.
38 Si mi propio suela tin keho kontra mii tur e kanalnan ku a koba den dje ta yora,
39 i si mi a kome fruta sin paga+òf si mi a pone kualke doño* di tereno bira desesperá,+
40 laga mata di sumpiña sprùit den mi kunuku na lugá di trigu,i laga yerba ku ta hole stinki krese na lugá di puspas.”Asina Yòb a terminá su spich.
Nota
^ Lit.: “un bírgen.”
^ Òf posiblemente: “Mi a yega di anda ku hende ku ta papia mentira?”
^ Òf: “ku mi ta un hòmber íntegro.”
^ Lit.: “si mi mannan a bira impuru.”
^ Òf: “laga nan destruí mi desendientenan.”
^ Òf: “sí, rankando tur loke mi tin ku rais ku tur.”
^ Òf: “kaso.”
^ Lit.: “ora Dios lanta para?”
^ Lit.: “pone wowo di e biudanan faya?”
^ Lit.: “For di den barika di mi mama.”
^ Òf: “mi tabata guia e biudanan.”
^ Òf posiblemente: “i menasá un huérfano ora mi a mira ku mi tabatin apoyo na porta di stat?”
^ Òf: “blat di skouder.”
^ Òf: “laga mi brasa sali for di su lugá.”
^ Lit.: “Lus.”
^ Òf: “i sunchi mi man komo un akto di adorashon na nan.”
^ Lit.: “tènt.”
^ Òf: “kome karni.”
^ Òf: “Niun habitante estranhero.”
^ Òf: “ku e otro famianan.”
^ Òf: “Ata mi firma akí.”
^ Òf: “alma di doño.”
