Yòb 38:1-41
38 E ora ei, Yehova a kontestá Yòb for di un tormenta,+ bisando:
2 “Kon bini bo ta tribi di kuestioná mi*i papia sin konosementu?+
3 Por fabor, prepará bo, i sea un hòmber fuerte.Mi ta bai hasi bo algun pregunta, i abo lo kontestá mi.
4 Unda bo tabata dia ku mi a basha fundeshi di tera?+Kontestá mi si bo sa kon esei a sosodé.
5 Ken a stipulá e midínan di tera? Bo sa esei?Ken a span liña pa midi tera?
6 Riba kiko e pilánan di tera ta ankrá?Ken a pone tera su promé piedra di skina?+
7 Tempu ku esei a tuma lugá, e streanan di mainta+ a grita di alegria;tur e yu hòmbernan di Dios*+ tabata grita di alegria.
8 Ken a pone barikada* pa laman?+Ken a pone límite pa laman ora laman a nase?*
9 Unda bo tabata ora ku mi a tapa* laman ku nubia?Unda bo tabata ora mi a lora laman den nubia skur?
10 Unda bo tabata ora ku mi a fiha límite pa laman,ora ku mi a pone laman su portanan i sera su portanan ku balki?*+
11 Unda bo tabata ora mi a bisa laman: ‘Te aki bo por yega, no mas leu’?Unda bo tabata ora mi a bisa laman: ‘Te aki bo olanan impreshonante* tin ku yega’?+
12 Bo a yega di* duna mainta òrdu pa e habri?Bo a yega di laga ourora sa na unda e mester aparesé?+
13 Ta abo a bisa ourora pa kohe tera tene na su puntanani pa sagudí tera kita hende malbado for di riba dje?+
14 Segun ku di dia ta habri, tera ta ser transformá manera klei ku seyo ta transformá,i e karakterístikanan di tera ta keda resaltá meskos ku adorno di un paña.
15 Sinembargo, hende malbado ta keda sin lus,i nan lo no por sigui hasi hende daño.*
16 Bo a yega di baha bai abou den fondo* di laman?Bo a yega di bai eksplorá den profundidat di laman ganchu?+
17 Bo a yega di mira porta di tera di e mortonan?+Bo a yega di mira e portanan di skuridat profundo?*+
18 Bo tin un idea kon grandi tera ta?+Kontestá mi, si bo sa.
19 Bo sa kon pa yega kaminda lus ta biba?+Bo sa unda skuridat ta biba?
20 Bo por hiba lus i skuridat kaminda nan ta biba?Bo sa kon pa yega nan kas?
21 Bo a nase ora e kosnan akí a bini na eksistensia?Bo tin hopi aña* na mundu?
22 Bo a yega di drenta e depósitonan di sneu?+Bo a yega di mira e depósitonan di hagel?*+
23 Mi tin nan* reservá pa usa den tempu di angustia,*pa usa riba dia di bataya i guera.+
24 Bo sa for di ki direkshon lus* ta plama?Bo sa for di unda bientu di ost ta kuminsá supla riba tera?+
25 Ta ken a habri e kanalnan di shelu pa áwaseru pisá kai?Ken a determiná ki rumbo nubia skur, kompañá pa dònder, mester kohe?+
26 Ken ta sòru pa áwaseru kai kaminda niun hende no ta biba?Ken ta sòru pa áwaseru kai den desierto* kaminda no tin niun ser humano?+
27 Ken ta laga awa kai riba* tera seku i desolápa asina yerba por sprùit?+
28 Áwaseru tin tata?+Ken a engendrá serena?+
29 Ken ta mama di eis?Ken ta pone neblina kai for di shelu i fris?+
30 Ken ta pone superfisie di awa bira duru manera piedra?Sí, ken ta pone superfisie di e awanan fris?+
31 Ta abo a mara kabuya di e streanan na otro den shelu pa forma konstelashon Kima?*Bo por lòs e kabuyanan ku ta tene e streanan di konstelashon Kesil*+ huntu?
32 Bo por laga un konstelashon* sa den ki temporada e mester aparesé?Ta abo ta dirigí konstelashon Ash* i su yunan?
33 Bo konosé e leinan ku ta goberná e kuerponan selestial?*+Bo por laga e leinan ei* goberná tera?
34 Bo por hisa bo bos i duna e nubianan òrdupa laga awa kai duru i muha bo?+
35 Bo por duna welek òrdu pa kòrta?Akaso welek ta kana bini serka bo i bisa bo: ‘Mi ta na bo òrdu!’?
36 Ken a duna nubia* sabiduria?+Ken a duna e fenómenonan selestial* konosementu?+
37 Ken ta asina sabí ku e por konta tur e nubianan?Ken por bòltu e poronnan di awa ku tin den shelu?+
38 Kon bini tera ta bira lodo?Kon bini klòmpi di tera ta pega na otro?
39 Bo por yag pa leon?Bo por sasia hamber di nan yunan chikitu?+
40 Nan ta skonde warda pa ataká nan proi;nan ta drumi warda den nan kueba pa ataká.
41 Ken ta proveé kuminda pa e rafnan+ora ku nan yunan ta sklama na Dios pa yudansa?Nan yunan ta bai p’aki i p’aya pasobra nan no tin nada di kome.”
Nota
^ Òf: “mi konsehonan; mi desishonnan.”
^ Òf: “e angelnan.”
^ Òf: “límite.”
^ Òf: “ora laman a sali for di matris?; ora laman a bini na eksistensia?”
^ Lit.: “bisti.”
^ Òf: “i su balkinan pa tranka porta?”
^ Òf: “bo olanan orguyoso.”
^ Lit.: “Durante bo dianan, bo a yega di.”
^ Òf: “i lo kibra nan brasa hisá.”
^ Òf: “baha bai te na e fuentenan ku tin den fondo.”
^ Òf: “e portanan di sombra di morto?”
^ Lit.: “dia.”
^ Òf: “di piedra di eis?”
^ Òf: “sneu i hagel.”
^ Òf: “pa usa ora di kalamidat.”
^ Òf posiblemente: “welek.”
^ Òf: “ta sasia set di.”
^ Posiblemente, konstelashon Orion.
^ Posiblemente, e grupo di strea ku yama Pleyades den konstelashon Tauro.
^ Lit.: “Mazaròt.” Na 2Re 23:5, e forma plural di e palabra akí ta referí na e konstelashonnan di zodiak, òf e signonan di zodiak.
^ Posiblemente, konstelashon Oso Mayor (Ursa Mayor).
^ Lit.: “goberná shelu?”
^ Òf posiblemente: “e leinan di Dios.”
^ Òf posiblemente: “hende.”
^ Òf posiblemente: “duna mente.”
