Yòb 10:1-22
10 “Mi ta odia* mi bida.+
Lo mi trese tur mi kehonan dilanti.Mi ke pa Dios sa kon malu mi ta sinti mi!*
2 Mi ta bai bisa Dios: ‘No deklará mi kulpabel, komo si fuera ta hasidó di maldat mi ta.Dikon mi Señor ta bringa mi?
3 Kiko mi Señor ta gana ku oprimí mi?Dikon bo ta despresiá obra di bo man?+Dikon bo ta skucha konseho di hende malbado?
4 Akaso bo tin wowo humano?*Bo ta mira kos manera hende ta mira kos?
5 Akaso bo dianan ta tiki manera e dianan di un ser humano?Akaso bo ta biba mesun kantidat di aña ku hende?+
6 Ta pa e motibu ei bo ta buska kos pa akusá mi di dje?Dikon bo ta sigui buska pa haña sa ki piká mi a kometé?+
7 Bo sa ku mi no ta un persona malbado;+anto niun hende no por libra mi for di bo man.+
8 Bo propio mannan a forma mi i traha mi.+Dikon bo ke destruí mi?
9 Por fabor, no lubidá ku mi Señor a forma mi for di stòf.*+Awor mi Señor ke hasi mi stòf atrobe?+
10 Mi Señor no a basha mi manera lechi den barika di mi mama?Bo no a laga mi kuaha manera ora hende ta traha keshi?
11 Bo a bisti mi ku kueru i karni;bo a pega mi na otro ku wesu i múskulo.*+
12 Bo a duna mi bida, i bo a trata mi bon.*Bo a protehá mi* i kuida mi.+
13 Sinembargo, den skondí, mi Señor tabatin intenshon di hasi mi daño.*Mi sa ku tur e kalamidatnan akí a bini di bo.
14 Bo ta sinta vigilá ki ora mi ta peka+pa bo kastigá mi.*
15 Si mi ta kulpabel, ai di mi!Asta si mi ta inosente, mi no por kana kara na laira,+pasobra mi tin masha bèrgwensa; i mi ta sufri.+
16 Asina ku mi hisa mi kabes na laira, bo ta yag riba mi manera leon;+lo bo bolbe usa bo poder pa hasi mi daño.
17 Bo ta bini ku testigu nobo kontra mi,i bo ta rabia mas i mas ku mi;mi ta haña mi ku difikultat tras di difikultat.
18 Pakiko bo a laga mi sali for di barika di mi mama?+Mihó mi a muri promé ku wowo di kualke hende a mira mi.
19 Si mi a muri, for di barika, lo mi a ser hibá stret graf;lo tabata komo si fuera nunka mi no a eksistí.’
20 No ta un par di dia so a sobra mi?+ Mare Dios por laga mi trankil.Mare e por kita su bista for di riba mi pa mi por haña un poko alivio*+
21 promé ku mi bai tera di skuridat di mas profundo*+—sin por bolbe mas—+
22 sí, promé ku mi bai tera di puru skuridat,tera di sombra profundo, kaminda tin káosi kaminda asta lus ta manera skuridat.”
Nota
^ Òf: “Mi alma ta detestá.”
^ Òf: “sa mi alma su amargura.”
^ Lit.: “wowo di karni.”
^ Lit.: “klei.”
^ Lit.: “kabuya di múskulo.”
^ Òf: “i bo a mustra amor leal na mi.”
^ Lit.: “Bo a skonde e kosnan akí den bo kurason.”
^ Òf: “ki ora mi ta peka, i lo bo no apsolvé mi di kulpa.”
^ Òf: “pa mi por tin un tiki alegria.”
^ Òf: “di skuridat i sombra di morto.”
