Yòb 36:1-33
-
Eliú ta resaltá grandesa di Dios, ku ta inigualabel (1-33)
36 Eliú a sigui bisa:
2 “Tene un poko pasenshi mas ku mi miéntras ku mi ta splika algun kos;ainda mi tin algun kos di bisa na nòmber di Dios.
3 Mi ta bai bisa tur loke mi sapa proba ku mi Kreador ta hustu.+
4 Mi ta papia loke ta kuadra ku bèrdat;loke mi ta papia ta bini di e Persona* ku ta perfekto den konosementu.+
5 Dios ta poderoso,+ i e no ta rechasá niun hende;e tin hopi konosementu.*
6 Lo e no protehá bida di hende malbado,+pero lo e sòru pa hende ku ta sufri haña hustisia.+
7 Su bista ta riba hende hustu;+e ta pone nan sinta riba trono manera rei,*+ i nan ta keda den e puesto di onor ei pa semper.
8 Sinembargo, si nan ser mará na kadenai nan haña nan den gara di e kabuyanan di sufrimentu,
9 Dios lo mustra nan loke nan a hasi robes;lo e mustra nan e pikánan ku nan a kometé debí ku nan a laga orguyo dominá nan.
10 E ta hala nan atenshon i korigí nan,i e ta yuda nan kita for di mal kaminda.+
11 Si nan ta obedesé Dios i sirbié,pa restu di nan bida, nan lo biba den prosperidat;nan lo biba dushi.+
12 Pero si nan no ta obedes’é, nan lo muri pa medio di spada;*+nan lo muri sin atkerí konosementu.
13 Hende sin rèspèt pa Dios* ta keda karga renkor;asta ora Dios kastigá nan, nan no ta sklama pa yudansa.
14 Nan* ta muri yòn;+nan ta pasa nan bida* entre e hòmbernan ku ta praktiká prostitushon na onor di dios falsu.*+
15 Ora hende ta sufri, Dios ta yuda nan trata ku nan situashon;e ta papia ku hende ku ta ser oprimí, i e ta guia nan.
16 Pues, Dios lo libra bo for di gara di aflikshon,+i lo e hiba bo na un lugá trankil, liber di angustia;+na bo mesa, lo bo haña kuminda ekskisito komo konsuelo.+
17 Lo bo keda satisfecho ora ku dikta sentensia kontra hende malbado,+sí, ora ku dikta sentensia i hustisia prevalesé.
18 Sinembargo, tene kuidou pa rabia no pone bo aktua ku renkor;*+no laga un suma grandi di plaka* korumpí bo.*
19 Si esei sosodé, no kere ku bo gritunan pa ousilioòf bo esfuersonan lo libra bo di angustia.+
20 No anhelá pa anochi sera,ora hende ta disparsé diripiente.
21 Tene kuidou pa bo no kuminsá hasi maldat;soportá sufrimentu en bes di skohe pa hasi maldat.+
22 E poder ku Dios tin ta hasi Dios mas grandi ku tur otro persona.Kua maestro ta manera e?
23 Ken por bisa Dios loke e tin ku hasi?*+Ken por bis’é: ‘Loke bo ta hasi ta robes’?+
24 Kòrda alabá Dios pa tur loke e ta hasi,+sí, pa loke hende ta kanta tokante dje.+
25 Tur hende na mundu a mira e obranan di Dios;nan ta para mira nan djaleu.
26 Dios ta grandi; hende no tin niun idea kon grandi Dios ta;+su kantidat di aña ta inkontabel.*+
27 Dios ta evaporá gota di awa hiba ariba;+e gotanan di awa ta kondensá i bira nubia ku ta kontené awa.
28 E nubianan, na nan turno, ta laga awa basha,+i asina, áwaseru ta yobe riba tera.
29 Tin un hende ku por komprondé kon e nubianan ta move banda di otro den grupo?Hende ta komprondé kon bini bos* ta resoná for di Dios su lugá di biba?*+
30 Dios ta laga welek kòrta*+ den e nubianan,i Dios ta kubri fondo* di laman ku awa.
31 Asina, Dios ta kuida* e pueblonan;e ta duna e hendenan kuminda na abundansia.+
32 Dios ta kohe welek tene den su man,i tir’é riba e blankonan ku e skohe.+
33 Bos ta resoná pa anunsiá presensia di Dios;asta e bestianan ta anunsiá ken* ta biniendo.”
Nota
^ Òf: “di Dios.”
^ Òf: “no tin nada ku e no ta komprondé.”
^ Òf posiblemente: “e ta pone rei riba trono.”
^ Òf: “un arma; un proyektil.”
^ Òf: “Hende apóstata; Hende sin Dios.”
^ Òf: “Nan alma.”
^ Òf posiblemente: “nan ta kaba ku nan bida.”
^ Lit.: “prostitushon di tèmpel.”
^ Òf: “pone bo desviá; pone bo hasi loke ta robes.”
^ Lit.: “bati man,” pa mustra menospresio òf pa hasi bofon.
^ Òf: “no laga soborno.”
^ Òf posiblemente: “Ken a yega di kritiká su trabou?; Ken a yega di pidié kuenta i rason pa loke el a hasi?”
^ Òf: “ta algu ku nos no por komprondé.”
^ Òf: “dònder; strena.”
^ Lit.: “su kasita.”
^ Lit.: “ta plama su lus.”
^ Lit.: “rais.”
^ Òf posiblemente: “ta pleita kaso di.”
^ Òf posiblemente: “kiko.”
