Zokhudza screen reader

Sankhani chinenero

Pitani ku menyu yachiwiri

Pitani ku nkhani yake

Mboni za Yehova

Chichewa

Kodi Pali Vuto Ngati Munthu Atakhala Kuti Sali M’chipembedzo Chilichonse?

Kodi Pali Vuto Ngati Munthu Atakhala Kuti Sali M’chipembedzo Chilichonse?

Yankho la m’Baibulo

Inde pali vuto. Tikutero chifukwa Mulungu amafuna kuti anthu azimulambira monga gulu. N’chifukwa chake Baibulo limati: “Tiyeni tiganizirane kuti tilimbikitsane pa chikondi ndi ntchito zabwino. Tisaleke kusonkhana pamodzi.”Aheberi 10:24, 25.

Zimene Yesu ananena zinasonyezanso kuti otsatira ake ayenera kumalambira Mulungu monga gulu. Iye anawauza kuti: “Mwakutero, onse adzadziwa kuti ndinu ophunzira anga, ngati mukukondana.” (Yohane 13:35) Zimenezi zikanakhala zosatheka ngati akanakhala kuti aliyense amangochita zinthu yekha. Choncho nthawi zonse ankayenera kumasonkhana m’mipingo yosiyanasiyana kuti alambire Mulungu. (1 Akorinto 16:19) Ndiyeno mipingo imeneyi inkakhala ngati gulu limodzi la padziko lonse.1 Petulo 2:17.

Kungokhala m’chipembedzo chinachake si kokwanira

Monga taonera kale, Mulungu amafuna kuti tizimulambira monga gulu. Komabe, si kuti Mulungu angamasangalale nafe ngati titangokhala m’chipembedzo chinachake basi. Ngati timafuna kuti Mulungu azisangalala nafe, tiyenera kumachita zinthu mogwirizana ndi zimene timaphunzira. Pa nkhani imeneyi Baibulo limati: “Kupembedza koyera ndi kosaipitsidwa kwa Mulungu ndi Atate wathu ndi uku: Kusamalira ana amasiye ndi akazi amasiye m’masautso awo, ndi kukhala wopanda banga la dzikoli.”Yakobo 1:27.

Onaninso

N’chifukwa Chiyani Malo Anu Opempherera Mumawatchula Kuti Nyumba ya Ufumu?

Werengani nkhaniyi kuti mudziwe kumene mawu akuti “Nyumba ya Ufumu ya Mboni za Yehova” anachokera komanso chifukwa chake timawagwiritsa ntchito.

Kodi Tiyenera Kulambira Mafano?

Kodi Mulungu amasangalala tikamagwiritsa ntchito mafano pomulambira?

Kodi Pali Chipembedzo Chimene Mungachikhulupirire?

Kodi nthawi ina chipembedzo chinakukhumudwitsanipo? Ngati zimenezi zinakuchitikirani, mwina zingakuvuteni kukhulupirira chipembedzo chilichonse. Kodi kuphunzira Baibulo kungakuthandizeni bwanji pa nkhani imeneyi?