Neb wʋsg komsa raoodo, neb nins b sẽn teegã sẽn pa maand b sẽn da segd n maanã yĩnga. Neb wʋsg pa le kɩs neb kẽer sɩda, wala makre: . . .

•   politikã taoor dãmb sẽn get b mens yell n yɩɩd nin-buiidã yellã.

•   kiba-kɩtbã sẽn pa le togsd kibay sẽn yaa sɩdã.

•   siãnsã bãngdbã sẽn pa le maand bũmb nins sẽn na n naf nebã n tɩ yɩɩdã.

•   tũudum taoor dãmb sẽn bas tʋʋmd ning Wẽnnaam sẽn kõ-bã n teend politikã taoor dãmbã.

 Nebã sẽn gũusd b mens n pa rat n kɩs neb kẽer sɩdã, b bee bʋʋm. Sɩd me, Biiblã keoogd-d lame yaa:

•   “Ra teeg-y nanambse, wall ninsaalb sẽn pa tõe n wa ne fãagrã ye.”—Yɩɩn-sõamyã 146:3.

Ned y sẽn tõe n teege

  Biiblã wilgda sẽn yaa ned ning la y segd n teege: Yaa a Zeezi Kirist. A pa yɩ nin-sõng sẽn vɩɩmd woto tẽngã zug bal na maan yʋʋm kobs sẽn loog ye. Wẽnnaam yãka a Zeezi t’a ‘na n yɩ Rĩma. . . , la yẽ Rĩungã pa na n tol n tall tɛk ye.’ (Luk 1:32, 33) A Zeezi yaa Wẽnnaam Rĩungã sẽn yaa goosneema sẽn be saasẽ wã rĩma. A rɩta naam masã menga.—Matiye 6:10.

•   Y sã n dat n bãng bũmb ning sẽn kɩt tɩ y tõe n teeg a Zeezi wã bɩ y karem sõss nins gom-zut sẽn yaa: “Ãnda la Wẽnnaam Rĩungã Rĩmã?” la “Bõe la Wẽnnaam Rĩungã na n maane?”