D WILG TƖ D YAA KIRIS-NEB HAKƖƖKA
Bõe n tar yõod ne maam n tɩ yɩɩda?
A Zakoob maoo ne malɛk sẽn na yɩl n paam bũmb sẽn tar yõod wʋsgo: A Zeova barkã. (Sɩng. 32:25-32; Ooze 12:4, 5) La tõnd yẽ? D na n modga ne d sũur fãa n sak a Zeova, n paam a barkã bɩ? Wala makre, d sã n segd n yãka d sã n na n tʋma lɛɛr a wãn n paas tʋʋmã sigb poore, wall d kẽng tigsga, bõe la d na n yãke? D sã n kẽesd d sẽkã, d pãngã la d paoongã a Zeova tʋʋmã pʋgẽ, a na n kɩtame tɩ ‘bark sig tõnd zugu, hal tɩ seke.’ (Mal. 3:10) A na n wilga tõnd sore, n kogl-do, la a ges d yelle.—Mat. 6:33; Ebre. 13:5.
GES-Y VIDEO WÃ: KET-Y N WƖNGD-Y NE TƲƲM NINS Y SẼN TƲMD A ZEOVA TŨUBÃ PƲGẼ WÃ, TƖ RẼ POOR BƖ Y LEOK SOGSGÃ:
-
Bõe la saam-bi-poakã ra nong-yã, tɩ wa lebg yell ne-a?
-
Wãn to la d nug-tʋʋmdã tõe n wa lebg yell ne-do?
-
Baa ne a Tɩmote sẽn da yaa kiris-ned tẽeb sẽn bɩ wã, bõe yĩng t’a ra tog n wɩngd ne tʋʋm nins a sẽn tʋmd a Zeova tũudmã pʋgẽ wã?—1 Tɩm. 4:16
-
Bõe n tar yõod n tɩ yɩɩd yãmb vɩɩmã pʋgẽ?
Bõe la d tõe n maan n wilg tʋʋmd ning sẽn tar yõod ne tõnd n tɩ yɩɩdã?
