Masese 28:1-28
28 Bato mabe bakimaka atako moto moko te azali kolanda bango,Kasi bato ya sembo bazali lokola nkɔsi* oyo ezali kobanga eloko te.+
2 Ntango bato ya mboka moko bazali kobuka mibeko, bankumu oyo bazali kokitana bazalaka ebele,+Kasi na lisalisi ya moto ya bososoli mpe ya boyebi, nkumu* akoumela ntango molai.+
3 Mobola oyo abubaka moto mpamba+Azali lokola mbula oyo ememaka biloko nyonsoya kolya.
4 Baoyo basundolaka mobeko bakumisaka moto mabe,Kasi baoyo batosaka mobeko basilikelaka bango.+
5 Bato mabe bakangaka ntina ya bosembo te,Kasi baoyo balukaka Yehova bakangaka ntina ya likambo nyonso.+
6 Mobola oyo azali kotambola na bosembo na ye azali malamuKoleka mozwi oyo banzela na ye ezali sembo te.+
7 Mwana ya mayele atosaka mobeko,Kasi moninga ya bato oyo balyaka na lokoso ayokisaka tata na ye nsɔni.+
8 Moto oyo azali kobakisa bomɛngo na ye na nzela ya matabisi+ mpe benefisi ya lokosoAndukaka yango mpo na moto oyo amoniselaka babola boboto.+
9 Moto oyo aboyi koyoka mobekoAta libondeli na ye eyinami.+
10 Moto oyo azali kobungisa bato ya sembo nzela mpo bákɔta na nzela ya mabe akokwea na libulu na ye moko,+Kasi bato oyo bazangi mbeba bakozwa oyo ezali malamu.+
11 Mozwi amimonaka ete azali na bwanya,+Kasi mobola, na bososoli na ye, ayebaka soki azali mpenza nani.+
12 Ntango bato ya sembo balongi, esengo makasi* ezalaka,Kasi ntango bato mabe bazwi bokonzi, bato babombanaka.+
13 Moto oyo azali kobomba makambo na ye oyo ebuki mibeko akolonga te,+Kasi moto oyo ayamboli mpe atiki yango, bakoyokela ye mawa.+
14 Esengo na moto oyo abangaka Nzambentango nyonso,*Kasi moto oyo akómisi motema na ye makasi akozwa mpasi.+
15 Lokola nkɔsi oyo ezali konguluma mpe urse oyo ezali koya mbangu mpo na kobundaMoto mabe oyo azali koyangela bato oyo bazangá libateli azalimpe bongo.+
16 Mokambi oyo azangi bososoli asalelaka nguya na ye na ndenge ya mabe,+Kasi moto oyo ayinaka litomba oyo ezwami na ndenge ya mabe akokómisa bomoi na ye molai.+
17 Moto oyo abomi moto mosusu akokoba kokima tii akokende na nkunda.*+
Moto moko te asalisa ye.
18 Moto oyo azali kotambola kozanga mbeba akobika,+Kasi moto oyo banzela na ye ezali ya bokosi akokwea na mbalakaka.+
19 Moto oyo alonaka na mabele na ye akozala na mampa ebele,Kasi moto oyoalandaka makamboya mpambampamba akotonda na bobola.+
20 Moto ya sembo akozwa mapamboli mingi,+Kasi moto oyo azali kowela kozwa bomɛngo akozanga te kozwa likambo.+
21 Koponapona ezalimalamu te;+Kasi ekoki kosalema ete moto asala mabe mpo na mwa eteni ya limpa.
22 Moto ya bilulela* awelaka kozwa bomɛngo,Kasi ayebi te ete bobola nde ekoyela ye.
23 Moto oyo azali kopamela moto mosusu,+ na nsuka bakosepela na ye mingi+Koleka moto oyo azali koloba maloba sukali na lolemo na ye.
24 Moto oyo azali koyiba tata na ye ná mama na ye mpe alobi: “Ezali mabe te,”+
Azali moninga ya moto oyo abebisaka.+
25 Moto ya lokoso* abimisaka kowelana,Kasi moto nyonso oyo atyelaka Yehova motema akolonga.*+
26 Moto oyo andimelaka motema na ye mokoazali zoba,+Kasi moto oyo atambolaka na bwanya akobika.+
27 Moto oyo akabelaka babola akozanga eloko te,+Kasi moto oyo akangeli bango miso na ye akozwa bilakeli mabe mingi.
28 Ntango bato mabe bazwi bokonzi, bato bamibombaka,Kasi ntango bakufi, bato ya sembo bakómaka ebele.+
Maloba na nse
^ To, “mwana-nkɔsi.”
^ Lil., “ye.”
^ To, “nkembo.”
^ To, “oyo azali na nsɔmɔ ntango nyonso.”
^ To, “libulu.”
^ To, “lokoso.”
^ To mbala mosusu, “Molimo ya lofundo.”
^ Lil., “akokóma mafutamafuta.”
