Masese 21:1-31

  • Yehova abalusaka motema ya mokonzi (1)

  • Bosembo eleki mbeka (3)

  • Kosala mosala makasi ememaka litomba (5)

  • Moto oyo ayokaka moto mpamba te, ye mpe bakoyoka ye te (13)

  • Moto oyo atɛmɛlaka Yehova azangi bwanya (30)

21  Motema ya mokonzi ezali lokola mikɛli ya mai na lobɔkɔ ya Yehova.+ Abalusaka yango esika nyonso oyo alingi.+   Moto akanisaka ete nyonso oyo asalaka ezali malamu,+Kasi Yehova atalatalaka mitema.*+   Mpo na Yehova, kosala likambo oyo ezali malamu mpe semboEsepelisaka ye koleka mbeka.+   Miso ya lolendo ná motema ya lofundo:Mwinda oyo etambwisaka bato mabe ezali lisumu.+   Mikano ya moto oyo asalaka mosala makasi ememelaka ye litomba,+Kasi moto nyonso oyoasalaka makambo mbangumbangu akosuka mobola.+   Kozwa biloko ya motuyana lolemo ya lokutaEzali lokola londende oyo ezali kosila, motambo oyo ebomaka.*+   Mobulu ya bato mabe ekokɔmbɔla bango,+Mpo baboyi kosala na bosembo.   Nzela ya moto oyo azali na ngambo ezalaka ya kotɛngama,Kasi mosala ya moto ya pɛto ezalaka ya malamu.+   Kofanda na mwa esika moko boye likoló ya nsamba ezali malamuKoleka kofanda ndako moko na mwasi oyo aswanaka.*+ 10  Moto mabe azalaka* na mposa makasi ya kosala mabe;+Amoniselaka mozalani na ye boboto te.+ 11  Ntango bapesaka mosɛki etumbu, moto oyo azangi mayele akómaka na bwanya,Ntango moto ya bwanya azwaka bososoli, azwaka mpe boyebi.*+ 12  Nzambe ya sembo atalatalaka ndako ya moto mabe;Asalaka ete bato mabe bázwa mpasi.+ 13  Moto nyonso oyo akangi litoi na ye ntango moto mpamba azali kogangaYe mpe ntango akobelela akozwa eyano te.+ 14  Likabo oyo epesami na nkuku ekitisaka nkanda,+Mpe kanyaka oyo epesami na ndenge ya kobombana* ekitisaka nkanda ya makasi mpenza. 15  Mpo na moyengebene, ezali esengo kosala likambo ya sembo,+Kasi ezali likambo ya nsɔmɔ mpo na baoyo basalaka mabe. 16  Moto oyo atiki nzela ya mayele ya kososolaAkopema elongo na baoyo bazali na makasi te na kati ya liwa.+ 17  Moto oyo alingaka kosakanasakana* akokóma mobola;+Moto oyo alingaka vinyo mpe mafuta akokóma mozwi te. 18  Moto mabe azali lisiko mpo na moto ya sembo,Mpe mokosi akozwama na esika ya moto malamu.+ 19  Kofanda na esobe ezali malamu kolekaKofanda na mwasi oyo aswanaka* mpe asilikaka mpambampamba.+ 20  Eloko ya motuya mpe mafuta ezalaka na ndako ya moto ya bwanya,+Kasi zoba akosilisa* oyo azali na yango.+ 21  Moto oyo alandaka boyengebene mpebolingo ya semboAkozwa bomoi, boyengebene mpe nkembo.+ 22  Moto ya bwanya akoki komata mpe kokɔta na engumba ya bato ya nguyaMpe kobebisa bifelo ya makasi oyo batyelaka motema.+ 23  Moto oyo abatelaka monɔkɔ mpe lolemo na yeAmibatelaka na mpasi.+ 24  Moto ya lofundo, moto ya komikumisa oyo amitombolaka, bongo nde babengakaMoto oyo asalaka makambo na lofundo kozanga kokanisa makama oyo ekoki kobima.+ 25  Biloko oyo gɔigɔi azalaka na mposa ya kozwa ekoboma ye,Mpo mabɔkɔ na ye eboyaka kosala.+ 26  Mokolo mobimba gɔigɔi alulaka na mposa makasi,Kasi moto ya sembo apesaka mpe akangaka lobɔkɔ te.+ 27  Mbeka ya moto mabe ezali eloko oyo eyinamá.+ Ekozala boni ntango apesi yango na makanisi mabe!* 28  Motatoli ya lokuta akokufa,+Kasi moto oyo akotatola makambo oyo ayokaki akolonga.* 29  Moto mabe asalaka ete basusu bákanisa ete azali kobanga te,+Kasi moto oyo azangi mbeba atambolaka na nzela oyo ezali na likama te.+ 30  Bwanya moko te, bososoli moko te, mpe toli moko te ekoki kotɛmɛla mokano ya Yehova.+ 31  Mpunda ebongisami mpo na mokolo ya etumba,+Kasi Yehova nde abikisaka.+

Maloba na nse

To, “makanisi.”
To mbala mosusu, “mpo na baoyo bazali koluka liwa.”
To, “alobaka mabe ntango nyonso.”
To, “Molimo ya moto mabe ezalaka.”
To, “ayebaka likambo ya kosala.”
Lil., “kanyaka na ntolo.”
To, “alingaka bisengo.”
To, “alobaka mabe ntango nyonso.”
Lil., “akomɛla.”
To, “elongo na etamboli ya nsɔni.”
Lil., “akoloba mpo na libela.”