27 janvier 2023 wiye, ɛyaa sakɩyɛ kaɣ tɔzʋʋ ɛzɩma paakʋ ɛyaa Naazii mba alɩwaatʋ taa yɔ pɩ-yɔɔ ajɛɛ sakɩyɛ taa. Palabʋ ɛzaɣtʋ lakasɩ sɔsɔsɩ nzɩ yɔ, pɩcɛzɩɣ pɩnzɩ 75 yɔɔ; nɛ pɩtɩla siyeba nɛ ŋpɔzʋʋ ña-tɩ se ɛbɛ yɔɔ Ɛsɔ kaaha nʋmɔʋ nɛ pɩla mbʋ.

•   Pɩsa nɛ ŋna tɔm ndʋ Bibl yɔɔdʋʋ yɔ lɛ, kalɩ tɔm ñʋʋ «Pourquoi la Shoah a-t-elle eu lieu ? Pourquoi Dieu n’a-t-il rien fait?»

 Naazii mba alɩwaatʋ taa, Yuuda mba kaatɔɔ kʋñɔŋ siŋŋ. Paakʋ pa-taa miiliyɔɔwaa sakɩyɛ. Alɩwaatʋ ndʋ tɩ-taa, panazɩ ɖɔɖɔ ɛyaa tindima lɛɛna taa mba nɛ pakʋ-wɛ. A-taa naɖɩyɛ lɛ Yehowa Aseɣɖe Tɩnaa. Paanazɩ-wɛ pe-tisuu yɔɔ.

•   Pɩsa nɛ ŋtɩlɩ nɛ pɩkpaɖɩ lɛ, kalɩ tɔm ñʋʋ «Ɛbɛ kaatalɩ Yehowa Aseɣɖe Tɩnaa Naazii mba alɩwaatʋ taa?»

 Sɔɔndʋ kpaɣ ɛyaa sakɩyɛ se pɩtaala nɛ asɛyʋʋ nakʋyʋ ɛzɩ ŋgʋ kɩɩlabɩ Naazii mba alɩwaatʋ taa mbʋ yɔ kɩtasɩ labʋ. Tɔm kɩbandʋ lɛ se Bibl labɩ tamaɣ se cee wayɩ, asɛyɩŋ ɛnɩ ɩ-ɖɔndɩ ɩɩtasɩɣ labʋ.

•   «“Mbʋ pʋyɔɔ yɔ mansɩm lɩmaɣza wena menɖiɣni labʋ mɩ-yɔɔ yɔ camɩyɛ; laŋhɛzɩyɛ lɩmaɣza, pɩtɩkɛ asɛyʋʋ lɩmaɣza, se maha-mɩ cee wayɩ kɩbaŋʋ nɛ lidaʋ,” Yehowa yɔɔdʋʋna.»—Yereemii 29:11. a

 Lidaʋ tɔm ndʋ tɩkaɣ labʋ alɩwaatʋ ndʋ Yehowa Ɛsɔ ɖɩzɩɣ kañatʋ lakasɩ nɛ ɛñɔɔzɩ mbʋ kañatʋ lakasɩ wɛɛkaa yɔ. Pɩkazɩ pazɩ lɛ ɛkaɣ:

•   ɖɩzʋʋ kañatʋ tɩnaa mba peyeki nɛ ɛyaa lalaa lakɩ kʋñɔŋ yɔ.—Aduwa 2:22.

•   waʋ mba payɩ panɩ siziŋ.—Natʋ 21:4.

•   fezuu mba pasɩba yɔ nɛ pacaɣ wezuu tɛtʋ yɔɔ.—Yohanɛɛsɩ 5:28, 29.

 Ŋpɩzɩɣ nɛ ŋtaa liu lidaʋ tɔm ndʋ Bibl yɔɔdʋʋ yɔ, tɩhɛzɩɣ ɛyʋ laŋɩyɛ. Pɩsa nɛ ŋna mbʋ pʋyɔɔ yɔ lɛ, ɖiseɣtiɣ se ŋyele nɛ ɖɩsɩnɩ-ŋ nɛ ŋkpɛlɩkɩ Bibl falaa.