Eme Emuhọ Abọ avọ 6
Nọ ahwo Izrẹl a te obọ Ẹkwotọ Eyaa na no, uwou-udhu na họ oria nọ a jẹ jọ gọ Jihova. Izerẹ na a je wuhrẹ ahwo na Uzi Ọghẹnẹ, yọ iguẹdhọ a je su orẹwho na. Abọ nana ọ te ta kpahe epanọ uruemu ohwo gbe iroro nọ ọ jẹ i re ro kpomahọ amọfa. Ohwo Izrẹl kpobi ọ rẹ salọ sọ o bi ru Jihova eva were, je yerikugbe ọrivẹ riẹ oghẹrẹ nọ Jihova ọ gwọlọ. Ta kpahe epanọ Debora, Naomi, Joshua, Hana, ọmọtẹ Jẹfta, gbe Samuẹle a ro fi emamọ oriruo họ otọ evaọ ewho Izrẹl nọ a jọ. Dhesẹ vevẹ nọ makọ ahwo nọ a jọ ahwo Izrẹl he wọhọ Rehab, Rut, Jael, gbe ahwo Gibiọn, a salọ nọ a re kuomagbe Ahwo Izrẹl keme a riẹ nọ Ọghẹnẹ ọ rrọ kugbe ai.
ENỌ E RRỌ OFẸ NANA
UWUHRẸ AVỌ 30
Rehab O Si Ekiotọ na No
Igbẹhẹ Jeriko i kporo fihọ otọ. Rekọ uwou Rehab u dikihẹ dede nọ a bọ riẹ fihọ ugbẹhẹ na.
UWUHRẸ AVỌ 31
Joshua avọ Ahwo Gibiọn
Joshua ọ lẹ se Ọghẹnẹ nọ: ‘Ọre, dikihẹ oria ovo!’ Kọ Ọghẹnẹ o yo olẹ na?
UWUHRẸ AVỌ 32
Osu Ọkpokpọ gbe Eyae Ivẹ nọ E Gudu
Nọ Joshua o whu no, ahwo Izrẹl a tẹ jẹ gọ emedhọ. A je gboja kẹ ai, rekọ Jihova ọ rehọ Berak obruoziẹ na, Debora ọruẹaro-aye na, gbe Jeẹl fiobọhọ kẹ ai!
UWUHRẸ AVỌ 33
Rut avọ Naomi
Eyae ivẹ nọ ezae rai i whu no a zihe kpobọ Izrẹl. Odẹ ọjọ Rut, ọnọ ọ nyai ru iruo evaọ udhu Boaz, kẹsena Boaz o te muẹrohọ iẹe.
UWUHRẸ AVỌ 34
Gidiọn O Fi Ahwo Midian Kparobọ
Nọ ahwo Midian a ru akpọ bẹ ahwo Izrẹl gaga no, ahwo Izrẹl a te bo se Jihova nọ o fiobọhọ kẹ ai. Ẹvẹ Gidiọn avọ umutho egbaẹmo riẹ a sai ro fi egbaẹmo ahwo Midian nọ i bu te idu udhozeza gbe ikpegbisoi (135,000) kparobọ?
UWUHRẸ AVỌ 35
Hana Ọ Lẹ kẹ Ọmọzae
Ẹlkena ọ wha Hana, Pẹnina, gbe emọ riẹ nyae gọ Ọghẹnẹ evaọ obọ uwou-udhu nọ ọ jọ obọ Shailo. Evaọ etẹe Hana ọ jọ lẹ kẹ ọmọ. Taure ukpe ọvo o te ti re, o te yẹ Samuẹle!
UWUHRẸ AVỌ 36
Eyaa Jẹfta
Dide eyaa Jẹfta ọ ya kẹ Jihova, kọ fikieme? Ẹvẹ ọmọtẹ Jẹfta ọ ta nọ ọsẹ riẹ ọ vuẹe kpahe eyaa nọ ọ ya?
UWUHRẸ AVỌ 37
Jihova Ọ Ta Ẹme kẹ Samuẹle
Emọ ivẹ Ilai a jọ izerẹ evaọ uwou-udhu egagọ na, rekọ a je yoẹme kẹ Ọghẹnẹ hẹ. Samuẹle ọ rọ aro kele emọ ivẹ na ha, Jihova ọ tẹ ta ẹme kẹ Samuẹle.
UWUHRẸ AVỌ 38
Jihova Ọ Kẹ Samsin Ogaga
Ọghẹnẹ ọ kẹ Samsin ogaga re ọ rọ họre ahwo Filistia, rekọ okenọ Samsin ọ jiroro ethọthọ jọ, ahwo Filistia a te mu ei kpo.
