Eme Emuhọ Abọ avọ 10
Jihova họ Ovie odhiwu gbe otọakpọ. Ọye ọ be kpọ eware anwọ emuhọ ze, yọ ọye ọ te jọ Ovie bẹdẹ bẹdẹ. Wọhọ oriruo, ọye o siwi Jerimaya no oza nọ a gbolo i rie fihọ. Ọye o siwi Shedrak, Mishak, gbe Abẹdnigo no ebruerae nọ a gbolo rai fihọ, o te je siwi Daniẹl no enu ikpohrokpo. Jihova ọ thọ Ẹsta re ọ sae rọ ere siwi orẹwho Izrẹl soso. Ọ te kuvẹ kẹ emuemu bẹdẹ bẹdẹ hẹ. Eruẹaruẹ ẹmema ologbo gbe erọ ure ulogbo na, e kẹ omai imuẹro inọ kẹle na Uvie Ọghẹnẹ u ti si emuemu no, kẹsena u ve ti su otọakpọ na soso.
ENỌ E RRỌ OFẸ NANA
Jihova O Vi Jerimaya Nyai Whowho Ovuẹ Riẹ
Eva Jerimaya ọruẹaro na e dha ekpako ẹwho na gaga fiki ovuẹ nọ o je whowho na.
UWUHRẸ AVỌ 58
A Raha Jerusalẹm
Fikinọ ahwo Juda a jẹ rọwo siobọno edhegọ họ, Jihova ọ tẹ nyasiọ ae ba.
UWUHRẸ AVỌ 59
Emezae Ene nọ I Yoẹme kẹ Jihova
Emoha Hibru ene jọ a gba riẹ mu nọ a re yoẹme kẹ Jihova makọ evaọ ọgwa uvie Nebukadneza evaọ obọ Babilọn.
UWUHRẸ AVỌ 61
A Rọwo Kigwẹ Guzou Kpotọ Họ
Shedrak, Mishak, gbe Abẹdnigo a rọwo guzou kpotọ kẹ ẹmema igoru ovie Babilọn ho.
UWUHRẸ AVỌ 62
Uvie nọ O Wọhọ Ure Ulogbo
Nebukadneza ọ wezẹ ewezẹ kpahe oware nọ o te via kẹe evaọ obaro.
UWUHRẸ AVỌ 63
Eme nọ a kere fihọ ugbẹhẹ
Oke vẹ uziobọ jọ u ro kere eme fihọ ugbẹhẹ, kọ didi otọ eme na?
Ẹsta O Siwi Ahwo Riẹ
Dede nọ ọ jọ ọrara, o zihe ruọ aye ovie.
Ẹzra O Wuhrẹ Ahwo Uzi Ọghẹnẹ
Nọ ahwo Izrẹl a gaviezọ kẹ Ẹzra no, a tẹ ya eyaa obọdẹ jọ kẹ Ọghẹnẹ.
UWUHRẸ AVỌ 67
Igbẹhẹ Jerusalẹm
Nehemaya o muẹrohọ nọ ewegrẹ rai a gwọlọ wọ ohọre bru ai ze. Kọ fikieme ozọ u gbe ro mu ei hi?
