Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Eware nọ Whọ rẹ Sai Wuhrẹ Evaọ Ebaibol Na

 UWUHRẸ 1

Ọghẹnẹ Ọ Ma Odhiwu gbe Otọakpọ

Ọghẹnẹ Ọ Ma Odhiwu gbe Otọakpọ

Jihova Ọghẹnẹ ọ ma omai. Ọye ọ ma eware kpobi, te enọ ma rẹ ruẹ gbe enọ ma rẹ ruẹ hẹ. Taure ọ tẹ te ma eware nọ ma rẹ ruẹ, ọ ma ijẹle buobu gbidigbidi. Kọ whọ riẹ oghẹrẹ nọ ijẹle e rrọ? Ijẹle yọ ahwo nọ Jihova ọ ma wọhọ ọyomariẹ. Ma rẹ sae ruẹ ijẹle he, wọhọ epanọ ma rẹ sae ruẹ Ọghẹnẹ hẹ na. Enjẹle ọsosuọ nọ Jihova ọ ma o fiobọhọ kẹe ma eware nọ i kiọkọ. Enjẹle na o fiobọhọ kẹ Jihova ma isi na, ikogho-akpọ sa-sa, gbe eware efa kpobi. Okogho-akpọ yena jọ họ, otọakpọ mai nọ u wo erru gaga na.

Kẹsena Jihova ọ tẹ ruẹrẹ otọakpọ na họ re ahwo-akpọ avọ erao a sae rriae. Ọ ma ọre na re o lo fihọ otọakpọ na. Ọ ma igbehru, ebade, gbe ithẹ buobu.

Kọ eme ọfa ọ ma? Jihova ọ ta nọ: ‘Mẹ te ma ẹbe, ekakọ, gbe ire.’ Oghẹrẹ ibi-ire sa-sa, ẹbe, gbe idodo i te muhọ ẹdhẹ ze. Kẹsena Jihova ọ tẹ ma oghẹrẹ erao sa-sa, te enọ e rẹ rra, enọ e rẹ ya ame, enọ i re si, gbe enọ e rẹ katiẹ. Ọ ma erao esese wọhọ ẹrọ, gbe erao ilogbo wọhọ eni. Arao vẹ ọ mae were owhẹ?

Jihova ọ tẹ ta kẹ Enjẹle ọsosuọ na nọ: “Ma ma ohwo.” Ahwo-akpọ a ti wo ohẹriẹ no erao. A sai ku eware. A sae ta ẹme, hwẹ, jẹ lẹ. A te rẹrote otọakpọ na gbe erao na. Kọ whọ riẹ  ọzae ọsosuọ nọ Jihova ọ ma? Ma ti wuhrẹ kpahe onana evaọ obaro.

“Evaọ emuhọ Ọghẹnẹ ọ ma odhiwu gbe akpọ.”​—Emuhọ 1:1