Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Eware nọ Whọ rẹ Sai Wuhrẹ Evaọ Ebaibol Na

 UWUHRẸ AVỌ 22

Iruo Igbunu Evaọ Abade Ọwawae Na

Iruo Igbunu Evaọ Abade Ọwawae Na

Nọ Fẹro ọ nwani yo nọ emọ Izrẹl a no Ijipti no, o te nwene iroro nọ ọ gbẹ gwọlọ siobọno ai hi. Ọ tẹ ta kẹ egbaẹmo riẹ nọ: ‘Wha ruẹrẹ ekẹkẹ-ẹmo na kpobi kpahe, re ma le emọ Izrẹl! Ma riẹ ma hai siobọno ai kpo ho.’ Fẹro avọ ahwo riẹ a te mu emọ Izrẹl họ ele.

Jihova ọ jẹ rehọ ẹgho su ahwo riẹ evaọ oke uvo, evaọ aso kọ erae. O su ai te Abade Ọwawae na, ọ tẹ ta kẹ ai nọ a wo fihọ akotọ riẹ.

Emọ Izrẹl a tẹ ruẹ Fẹro avọ egbaẹmo riẹ nọ a rrọ obemu tha. A sae dhẹ hẹ keme abade na o bru rai dhe, yọ egbaẹmo Fẹro e rrọ obemu tha. A tẹ be viẹ kẹ Mosis nọ: ‘Ma bi ti whu kufiẹ! Whẹ hae nyasiọ omai ba obọ Ijipti.’ Rekọ Mosis ọ tẹ ta kẹ ai nọ: ‘Wha dhozọ họ. Jihova o ti siwi omai.’ Mosis o gine fievahọ Jihova, o gbẹ rrọ ere?

Jihova ọ tẹ ta kẹ emọ Izrẹl nọ a ruẹrẹ oma kpahe re a ruọ edhere. Evaọ aso yena, Jihova o te fi ẹgho nọ o bi ro su ai na họ udevie emọ Izrẹl avọ ahwo Ijipti. Ebi ọ jọ abọ ahwo Ijipti rekiyọ elo ọ rrọ abọ ahwo Izrẹl.

Jihova ọ tẹ ta kẹ Mosis nọ ọ riẹ obọ riẹ rri abade na. Kẹsena Jihova o te ru nọ ofou ọgaga o ro fou bẹsenọ oke o rọ ke. Abade  na ọ tẹ hẹriẹ kpohọ abava, edhere ọ tẹ rrọ udevie abade na. Ahwo Izrẹl kpobi a tẹ nya otọ oyaya fa abade na vrẹ, yọ ame na o dikihẹ tabọ tabọ wọhọ ugbẹhẹ.

Fẹro avọ egbaẹmo riẹ a te le ahwo Izrẹl ruọ abade na evaọ otọ oyaya na. Jihova o te ru egbaẹmo Ijipti reghe. Etẹ ekẹkẹ-ẹmo rai i te muhọ e kie no. Egbaẹmo Ijipti a te muhọ ebo inọ: ‘Ma zihe kpo! Jihova ọ be họre kẹ ahwo Izrẹl.’

Jihova ọ tẹ ta kẹ Mosis nọ: ‘Riẹ obọra rri abade na.’ Ẹsiẹvo na, ame abade na nọ o dikihẹ wọhọ ugbẹhẹ na, o te hwẹ ruru egbaẹmo Ijipti. Fẹro avọ ahwo riẹ a te whu. Makọ omọvo dede ọ zọ họ.

Evaọ abọdekọ abade na, ogbotu ahwo Izrẹl soso a tẹ be suile jiri Ọghẹnẹ inọ: ‘Suole kẹ Jihova fiki oruaro obokparọ riẹ; te anyenya na gbe ọnọ ọ be dhẹe o gele i rai fihọ evaọ abade no.’ Nọ ahwo na a be suole na, yọ eyae na a bi gbe ehaa je kporo ejẹjẹ. Aikpobi a be ghọghọ inọ a no igbo no.

“Fikiere, ma rẹ sae ta ududu nọ: ‘Jihova họ ọnọ o bi fiobọhọ kẹ omẹ; ozọ u re mu omẹ hẹ. Eme ohwo ọ rẹ sai ru omẹ?’”​—Ahwo Hibru 13:6