Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Eware nọ Whọ rẹ Sai Wuhrẹ Evaọ Ebaibol Na

 UWUHRẸ AVỌ 27

A Wọso Jihova

A Wọso Jihova

Nọ oke jọ o vrẹ no evaọ igbrẹwọ na, Kora, Dethan, Abiram, gbe ezae egba ivẹ gbe udhuvẹ gbe ikpe (250) efa a tẹ jẹ wọso Mosis. A tẹ ta kẹ Mosis nọ: ‘Who gbe su omai hi! Ẹvẹ whọ rẹ jọ osu mai, Erọn oniọvo ra ọ vẹ jọ ozerẹ okpehru? Jihova ọ rrọ kugbe omai kpobi, orọnikọ whẹ avọ Erọn ọvo ho.’ Oware nana o were Jihova vievie he. Jihova o rri rie nọ ọyomariẹ a be wọso na!

Mosis ọ tẹ ta kẹ Kora avọ ahwo nọ a jọ abọ riẹ kpobi nọ: ‘Wha nyaze obọ uwou-udhu na odẹnotha, jẹ wha imidhe nọ a rẹ rọ mahe insẹnse lele oma ze, yọ wha re fi erae avọ insẹnse họ imidhe na. Jihova o ti dhesẹ ohwo nọ ọ salọ kẹ omai.’

Ẹdẹ nọ o lele i rie, Kora avọ ezae egba ivẹ gbe udhuvẹ gbe ikpe (250) na a tẹ nyabru Mosis evaọ obọ uwou-udhu na. A tẹ jọ etẹe mahe insẹnse wọhọ ẹsenọ a rrọ izerẹ. Jihova ọ tẹ ta kẹ Mosis avọ Erọn nọ: ‘Wha hẹriẹ omarai no udevie Kora avọ ahwo riẹ.’

Dede nọ Kora ọ nyabru Mosis evaọ obọ uwou-udhu na, Dethan avọ Abiram gbe ahwo uviuwou rai a rọwo nya ha. Jihova ọ tẹ ta kẹ emọ Izrẹl nọ a hẹriẹ oma no uwou Kora, Dethan, gbe  Abiram. Emọ Izrẹl a te ru ere kpata kpata. Dethan, Abiram, gbe uviuwou rai a te dikihẹ etegu iwou rai. Ẹsiẹvo na otọ u te rovie, aikpobi na a te zue ruọ eva! Evaọ obọ uwou-udhu na, erae i te no ehru ze, e jẹ mahe Kora avọ ezae egba ivẹ gbe udhuvẹ gbe ikpe (250) na.

Jihova ọ tẹ ta kẹ Mosis nọ: ‘Ta kẹ isu erua emọ Izrẹl re a rehọ ọvuọ ọkpọ riẹ ze, re who kere odẹ osu na fihọ ọkpọ na. Rekọ who re kere odẹ Erọn fihọ ọkpọ orua Livai. Fi ekpọ na họ eva uwou-udhu na, kẹsena ọkpọ ohwo nọ mẹ salọ ọ vẹ te dhẹ idodo.’

Ẹdẹ nọ o lele i rie, Mosis ọ tẹ rehọ ekpọ na lawhe, o te dhesẹ ai kẹ isu emọ Izrẹl. Ọkpọ Erọn ọ dhẹ idodo, jẹ mọ ibi almọnd nọ e ware no. Enẹ Jihova o ro dhesẹ nọ Erọn ọ salọ re ọ jọ ozerẹ okpehru.

“Wha yoẹme kẹ enọ e be kpọ eware evaọ udevie rai jẹ romakpotọ kẹ ae.”​—Ahwo Hibru 13:17