Kpohọ eme nọ e riẹ eva

Kpohọ oria izoẹme

Eware nọ Whọ rẹ Sai Wuhrẹ Evaọ Ebaibol Na

A jọ obe nana gbiku epanọ Ọghẹnẹ ọ rọ ma eware, eyẹ Jesu, rite okenọ Uvie Ọghẹnẹ o te rọ ze.

Ileta nọ Utu Ẹruorote na U Kere

Ẹvẹ a sae rọ rehọ obe nana wuhrẹ ohwo?

UWUHRẸ 1

Ọghẹnẹ Ọ Ma Odhiwu gbe Otọakpọ

Ebaibol na ọ ta nọ Ọghẹnẹ ọ ma odhiwu gba otọakpọ. Rekọ whọ riẹ enjẹle nọ ọ ma no taure ọ tẹ te ma eware efa kpobi?

UWUHRẸ AVỌ 2

Ọghẹnẹ Ọ Ma Ọzae gbe Aye Ọsosuọ

Nọ Ọghẹnẹ ọ ma ọzae gbe aye ọsosuọ na no, o te fi ai họ ogba Idẹn. Ọ gwọlọ nọ a yẹ emọ je ru otọakpọ na kpobi họ aparadase.

UWUHRẸ AVỌ 3

Adamu avọ Ivi A Yoẹme kẹ Ọghẹnẹ Hẹ

Eme ọ lẹliẹ ure jọ wo ohẹriẹ evaọ usu ire nọ e jọ ogba Idẹn na? Fikieme Ivi ọ rọ re ubi-ure na?

UWUHRẸ AVỌ 4

O Muofu Kpe Oniọvo Riẹ

Ọghẹnẹ ọ jẹ idhe Ebẹle rehọ, rekọ ọ se erọ Keni. Nọ Keni ọ riẹ nọ a se idhe riẹ, eva e tẹ dhae gaga, o te ru oware uyoma.

UWUHRẸ AVỌ 5

Okọ Noa

Nọ ijẹle nọ e ghẹmeeyo kẹ Ọghẹnẹ a rehọ eyae evaọ otọakpọ, a te yẹ emọ nọ i zihe ruọ eguara nọ i je kpe ahwo. Ozighi ọ jọ oria kpobi. Rekọ Noa o wo ohẹriẹ​—⁠o you Ọghẹnẹ yọ o je yoẹme kẹe.

UWUHRẸ AVỌ 6

Imaree E Zọ Ruọ Akpọ nọ A Ru Fo No

Oso na ọ rrọ edẹ 40 gbe aso 40. Noa avọ uviuwou riẹ a rria okọ na vrẹ ukpe ovo soso. Kẹsena Jihova ọ tẹ ta kẹ ae nọ a no evaọ okọ na ze.

UWUHRẸ AVỌ 7

Uwou Ukpehru Bebẹl

Ahwo na a gwọlọ nọ a rẹ bọ uwou nọ u kpehru te obọ odhiwu. Fikieme Ọghẹnẹ o ro ru nọ a jẹ rọ ta evẹrẹ sa-sa idudhe?

UWUHRẸ AVỌ 8

Abraham avọ Sera A Yoẹme kẹ Ọghẹnẹ

Fikieme Abraham avọ Sera a rọ nyasiọ uwou rai ba, a jẹ kwa kpohọ ẹkwotọ Kenan be rria wọhọ erara?

UWUHRẸ AVỌ 9

A Yẹ Ọmọ No!

Ẹvẹ Ọghẹnẹ o ti ro ru eyaa nọ ọ ya kẹ Abraham na gba? Kọ ọmọ Abraham vẹ eyaa na e te jọ oma riẹ rugba​—Aiziki manikọ Ishmẹl?

UWUHRẸ AVỌ 10

Kareghẹhọ Aye Lọt

Ọghẹnẹ o ru nọ oso erae gbe isọ-ọre e rọ rrọ fihọ okpẹwho Sọdọm avọ Gomora. Fikieme a rọ raha ewho yena? Fikieme u je fo nọ ma kareghẹhọ aye Lọt?

UWUHRẸ AVỌ 11

Ọghẹnẹ Ọ Dawo Ẹrọwọ Riẹ

Ọghẹnẹ ọ ta kẹ Abraham nọ: ‘Ivie, rehọ ọmọzae ọvo ra na re whọ rehọ iẹe dhe idhe kẹ omẹ evaọ ugbehru nọ o rrọ Moraya.’ Kọ eme Abraham o ti ru kpahe onana?

UWUHRẸ AVỌ 12

Ukuoriọ na U te Jekọp Obọ

Aiziki avọ Rebeka a yẹ emezae ivẹ, odẹ ọrọ ọkpako Esọ, odẹ ọrọ ọmaha kọ Jekọp. Emọ na yọ ejime. Fikinọ Esọ họ ọkpako, ọye ọ hae reuku eyaa na. Fikieme o ro ku ute ọkpako riẹ fiẹ fiki emu ẹsiẹvo?

UWUHRẸ AVỌ 13

Jekọp avọ Esọ A Ruẹrẹhọ Kugbe Ohwohwo

Ẹvẹ enjẹle jọ ọ rọ ghale Jekọp? Kọ ẹvẹ Jekọp ọ rọ ruẹrẹhọ kugbe Esọ?

UWUHRẸ AVỌ 14

Ọrigbo nọ O Yoẹme kẹ Ọghẹnẹ

Josẹf o je ru oware uwoma rekọ ọ ruẹ-uye ghele. Fikieme?

UWUHRẸ AVỌ 15

Jihova ọ Kareghẹhọ Josẹf

Dede nọ Josẹf o thabọ gaga no uviuwou rie, Ọghẹnẹ ọ jọ kugbe Josẹf.

UWUHRẸ AVỌ 16

Ono họ Job?

O yoẹme kẹ Jihova dede nọ ọ jẹ ruẹ-uye.

UWUHRẸ AVỌ 17

Mosis Ọ Salọ nọ Ọ rẹ Gọ Jihova

Nọ Mosis ọ jọ ọmọfofa, oware areghẹ nọ oni riẹ o ru u siwi uzuazọ riẹ.

UWUHRẸ AVỌ 18

Ure nọ O be Ware Erae

Fikieme erae na e gbẹ to ure na ha?

UWUHRẸ AVỌ 19

Iye Esa Ọsosuọ Na

Fẹro o si uye se ahwo riẹ keme o ru oware nọ Ọghẹnẹ ọ ta kẹe fiki omorro ho.

UWUHRẸ AVỌ 20

Iye Ezeza nọ I Lele I Rie

Ẹvẹ iye ezeza nana i ro wo ohẹriẹ no esa ọsosuọ na?

UWUHRẸ AVỌ 21

Uye Avọ Ikpe Na

Uye avọ ikpe na o kẹ ahwo Ijipti uye ga te epanọ Fẹro nọ ọ vọ avọ omorro na o ro siobọno ahwo Izrẹl kpo.

UWUHRẸ AVỌ 22

Iruo Igbunu Evaọ Abade Ọwawae Na

Dede nọ Fẹro o whu hu evaọ okenọ Ọghẹnẹ ọ rọ iye ikpe te Ijipti, kọ ọ sae zọ evaọ Abade Ọwawae na?

UWUHRẸ AVỌ 23

A Ya Eyaa kẹ Jihova

Emọ Izrẹl a ya eyaa kẹ Jihova okenọ a jọ akotọ Ugbehru Saena.

UWUHRẸ AVỌ 24

A Ru Eyaa Rai Gba Ha

Okenọ Mosis ọ nyae rehọ Izi Ikpe na no obọ ugbehru ze, ahwo na a tẹ raha uzi ologbo jọ.

UWUHRẸ AVỌ 25

Uwou-Udhu Rọkẹ Egagọ

Uwou-udhu na a wọ etehe-ọvọ na họ.

UWUHRẸ AVỌ 26

Ekiotọ Ikpegbivẹ Na

Joshua avọ Kelẹb a wo ohẹriẹ no ekiotọ 10 edekọ nọ a gbẹ nyae kiẹ otọ Kenan riwi.

UWUHRẸ AVỌ 27

A Wọso Jihova

Kora, Dethan, Abiram, gbe ezae egba ivẹ gbe udhuvẹ gbe ikpe (250) efa a riẹ Jihova ziezi hi.

UWUHRẸ AVỌ 28

Eketekete Belam Ọ Ta Ẹme

Eketekete na ọ ruẹ enjẹle nọ Belam ọ jẹ ruẹ hẹ.

UWUHRẸ AVỌ 29

Jihova Ọ Salọ Joshua

Izi nọ Ọghẹnẹ ọ kẹ Joshua na e rẹ sai fiobọhọ kẹ omai nẹnẹ re.

UWUHRẸ AVỌ 30

Rehab O Si Ekiotọ na No

Igbẹhẹ Jeriko i kporo fihọ otọ. Rekọ uwou Rehab u dikihẹ dede nọ a bọ riẹ fihọ ugbẹhẹ na.

UWUHRẸ AVỌ 31

Joshua avọ Ahwo Gibiọn

Joshua ọ lẹ se Ọghẹnẹ nọ: ‘Ọre, daji oria ovo’ Kọ Ọghẹnẹ o yo olẹ na?

UWUHRẸ AVỌ 32

Osu Ọkpokpọ gbe Eyae Ivẹ nọ I Wo Udu

Nọ Joshua o whu no, emọ Izrẹl a tẹ jẹ gọ edhọ. A je gboja kẹ ai, rekọ Jihova ọ rehọ Berak oguẹdhọ na, Debora ọruẹaro-aye na, gbe Jael fiobọhọ kẹ ai!

UWUHRẸ AVỌ 33

Rut avọ Naomi

Eyae ivẹ nọ ezae rai i whu no a zihe kpobọ Izrẹl. Odẹ ọjọ Rut, ọnọ ọ nyai ruiruo evaọ udhu Boaz, kẹsena Boaz o te muẹrohọ iẹe.

UWUHRẸ AVỌ 34

Gidiọn O Fi Ahwo Midian Kparobọ

Nọ ahwo Midian a ru akpọ bẹ emọ Izrẹl gaga no, emọ Izrẹl a te bo se Jihova nọ o fiobọhọ kẹ ai. Ẹvẹ Gidiọn avọ umutho egbaẹmo riẹ a sai ro fi egbaẹmo ahwo Midian nọ i bu te idu udhozeza gbe ikpegbisoi (135,000) kparobọ?

UWUHRẸ AVỌ 35

Hana Ọ Lẹ kẹ Ọmọ

Ẹlkena ọ wha Hana, Pẹnina, gbe emọ riẹ nyae gọ Ọghẹnẹ evaọ obọ uwou Ọghẹnẹ nọ ọ jọ obọ Shailo. Evaọ etẹe Hana ọ jọ lẹ kẹ ọmọ. Taure ẹgbukpe soso o te re, o te yẹ Samuẹle!

UWUHRẸ AVỌ 36

Eyaa Jẹfta

Dide eyaa Jẹfta ọ ya kẹ Jihova, kọ fikieme? Ẹvẹ ọmọtẹ Jẹfta ọ ta, nọ ọsẹ riẹ ọ vuẹe kpahe eyaa nọ ọ ya?

UWUHRẸ AVỌ 37

Jihova Ọ Ta Ẹme kẹ Samuẹle

Emọ ivẹ Ilai a jọ izerẹ evaọ uwou Ọghẹnẹ, rekọ a je yoẹme kẹ Ọghẹnẹ hẹ. Samuẹle ọ rọ aro kele emọ ivẹ na ha, Jihova ọ tẹ ta ẹme kẹ Samuẹle.

UWUHRẸ AVỌ 38

Jihova Ọ Kẹ Samsin Ogaga

Ọghẹnẹ ọ kẹ Samsin ogaga re ọ rọ họre ahwo Filistia, rekọ okenọ Samsin ọ jiroro ethọthọ jọ, ahwo Filistia a te mu ei kpo.

UWUHRẸ AVỌ 39

Ovie Ọsosuọ Izrẹl

Jihova ọ kẹ emọ Izrẹl ibroziẹ nọ i re su ai, rekọ a tẹ ta nọ a gwọlọ ovie. Samuẹle ọ tẹ rọ Sọl mu ovie ọsosuọ Izrẹl, rekọ Jihova ọ siọ Sọl uwhremu na. Fikieme?

UWUHRẸ AVỌ 40

Devidi avọ Goliat

Jihova ọ salọ Devidi re ọ jọ ovie Izrẹl nọ u te no Sọl no, yọ Devidi o ru emamọ eware nọ u dhesẹ nọ a salọ e riẹ thọ họ.

UWUHRẸ AVỌ 41

Devidi avọ Sọl

Fikieme Sọl o ro mukpahe Devidi, kọ ẹvẹ Devidi o ru?

UWUHRẸ AVỌ 42

Jonatan O Wo Udu gbe Omaurokpotọ

Ọmọ ovie na ọ jọ ogbẹnyusu ọkpekpe Devidi.

UWUHRẸ AVỌ 43

Devidi Ovie na Ọ Raha Uzi

Iroro nọ Devidi ọ jẹ thọ e wha ebẹbẹ buobu ze.

UWUHRẸ AVỌ 44

Etẹmpol Jihova

Ọghẹnẹ o yo ayare Solomọn ovie na, ọ tẹ kẹe oware nọ ọ yare na.

UWUHRẸ AVỌ 45

Uvie nọ O Ghale Kpohọ Abava

Emọ Izrẹl buobu a gbẹ jẹ gọ Jihova ha.

UWUHRẸ AVỌ 46

Oware nọ O Via Evaọ Ugbehru Kamẹl

Ono họ Ọghẹnẹ uzẹme na? Jihova manikọ Ebale?

UWUHRẸ AVỌ 47

Jihova Ọ Bọ Elaeja Ga

Kọ who roro nọ Jihova ọ sae bọ owhẹ ga re?

UWUHRẸ AVỌ 48

Ọmọ Aye-Uku jọ O Zihe Ziọ Uzuazọ

Iruo igbunu ivẹ nọ e via evaọ uwou ovo na!

UWUHRẸ AVỌ 49

Uye U te Ovie-Aye Ọgeva Na

Jezibẹl ọ gba ẹgwae omuomu nọ o ro kpe ọzae Izrẹl jọ nọ a re se Nebọt, re ọ sai wo ọgbọ riẹ tobọ! Rekọ Jihova ọ ruẹ emuemu riẹ gbe eware iyoma kpobi nọ o je ru.

UWUHRẸ AVỌ 50

Jihova Ọ Thọ Jehoshafat

Jehoshafat ovie na ọ lẹ se Jihova evaọ okenọ ewegrẹ ahwo Juda wọ ẹmo bru ai ze.

UWUHRẸ AVỌ 51

Ọgbaẹmo na avọ Ọmọtẹ Ọsese Na

Ọmọtẹ ọsese Izrẹl na ọ ta kẹ aye olori riẹ kpahe ogaga ulogbo Jihova, yọ emamọ iyẹrẹ i no rie ze.

UWUHRẸ AVỌ 52

Egbaẹmo Jihova

Odibo Elaesha ọ ruẹ vuhumu nọ ‘enọ e rrọ kugbe ai i bu vi enọ e gwọlọ họre ai.’

UWUHRẸ AVỌ 53

Jehoada O Wo Udu

Ozerẹ Ọghẹnẹ jọ ọ gbaudu kpe ovie-aye ọgeva na.

UWUHRẸ AVỌ 54

Jihova O Wo Odiri kẹ Jona

Eme ọ wha riẹ ze nọ eri ologbo jọ ọ rọ lọ ọruẹaro Ọghẹnẹ? Ẹvẹ ọ sai ro no eva eri na ze? Eme Jihova o wuhrẹ Jona?

UWUHRẸ AVỌ 55

Enjẹle Jihova Ọ Thọ Hẹzikaya

Ahwo Asiria a roro nọ Jihova ọ te sae thọ ahwo riẹ hẹ, rekọ a roro thọ!

UWUHRẸ AVỌ 56

Josaya O You Uzi Ọghẹnẹ

Ikpe eree Josaya ọ jọ nọ a rọ rehọ iẹe mu ovie, yọ o fiobọhọ kẹ ahwo na gọ Jihova.

UWUHRẸ AVỌ 57

Jihova O Vi Jerimaya Nyai Whowho Ovuẹ Riẹ

Eva Jerimaya ọruẹaro na e dha ekpako ẹwho na gaga fiki ovuẹ nọ o je whowho na.

UWUHRẸ AVỌ 58

A Raha Jerusalẹm

Fikinọ ahwo Juda a jẹ rọwo siobọno edhegọ họ, Jihova ọ tẹ nyasiọ ae ba.

UWUHRẸ AVỌ 59

Emezae Ene nọ I Yoẹme kẹ Jihova

Emoha Hibru ene jọ a gba riẹ mu nọ a re yoẹme kẹ Jihova makọ evaọ ọgwa uvie Nebukadneza evaọ obọ Babilọn.

UWUHRẸ AVỌ 60

Uvie nọ U ti Su Bẹdẹ Bẹdẹ

Daniẹl ọ fa otọ ewezẹ Nebukadneza na vevẹ.

UWUHRẸ AVỌ 61

A Rọwo Guzou Kpotọ Họ

Shedrak, Mishak, gbe Abẹdnigo a rọwo guzou kpotọ kẹ ẹmema igoru ovie Babilọn he.

UWUHRẸ AVỌ 62

Uvie nọ O Wọhọ Ure Ulogbo

Nebukadneza ọ wezẹ ewezẹ kpahe oware nọ o te via kẹe evaọ obaro.

UWUHRẸ AVỌ 63

Eme nọ a kere fihọ ugbẹhẹ

Oke vẹ uziobọ jọ u ro kere eme fihọ ugbẹhẹ, kọ didi otọ eme na?

UWUHRẸ AVỌ 64

Daniẹl Evaọ Ọgọdọ Ikpohrokpo

Hae lẹ se Jihova kẹdẹ kẹdẹ wọhọ epanọ Daniẹl o je ru na!

UWUHRẸ AVỌ 65

Ẹsta O Siwi Ahwo Riẹ

Dede nọ ọ jọ ọrara, o zihe ruọ ovie-aye.

UWUHRẸ AVỌ 66

Ẹzra O Wuhrẹ Ahwo Uzi Ọghẹnẹ

Nọ emọ Izrẹl a gaviezọ kẹ Ẹzra no, a tẹ ya eyaa obọdẹ jọ kẹ Ọghẹnẹ.

UWUHRẸ AVỌ 67

Igbẹhẹ Jerusalẹm

Nehemaya o muẹrohọ nọ ewegrẹ rai a gwọlọ wọ ohọre bru ai ze. Kọ fikieme ozọ u gbe ro mu ei hi?

UWUHRẸ AVỌ 68

Ẹlizabẹt O Yẹ Ọmọ

Fikieme enjẹle na ọ rọ ta kẹ ọzae Ẹlizabẹt nọ o ti dienu bẹsenọ a re yẹ ọmọ na?

UWUHRẸ AVỌ 69

Gebriẹl Ọ Nyabru Meri

Ọ vuẹ riẹ uwou nọ u nwene uzuazọ riẹ.

UWUHRẸ AVỌ 70

Ijẹle I whowho Eyẹ Jesu

Ithuru-igodẹ nọ i yo ewhowho eyẹ Jesu na a nyae ruẹ Jesu kpatakpata.

UWUHRẸ AVỌ 71

Jihova Ọ Thọ Jesu

Ovie ọgeva jọ ọ jẹ gwọlọ kpe Jesu.

UWUHRẸ AVỌ 72

Jesu Evaọ Oke Emaha

Eme o ru nọ u gbe iwuhrẹ nọ e jọ obọ etẹmpol na unu?

UWUHRẸ AVỌ 73

Jọn Ọ Ruẹrẹ Edhere na Họ

Nọ Jọn ọ rro ze no o te zihe ruọ ọruẹaro. Jọn o je wuhrẹ ahwo nọ Mesaya na ọ be tha. Eme ahwo na a ru kpahe ovuẹ nọ Jọn o je whowho na?

UWUHRẸ AVỌ 74

Jesu O Zihe Ruọ Mesaya

Eme Jọn o wo họ iroro nọ ọ ta nọ Jesu họ Omogodẹ Ọghẹnẹ?

UWUHRẸ AVỌ 75

Ẹdhọ Ọ Dawo Jesu

Ẹdhọ ọ dawo Jesu isiasa. Eme họ edawọ esa nọ Ẹdhọ ọ rọ dawo Jesu? Ẹvẹ Jesu ọ kpahe kẹ Ẹdhọ isiasa na?

UWUHRẸ AVỌ 76

Jesu O Ru Etẹmpol na Fo

Fikieme Jesu o ro zuo oviaviẹ ifi je le erao nọ e jọ etẹmpol na fihọ otafe, je gele emẹjẹ inwene-igho kie?

UWUHRẸ AVỌ 77

Aye nọ Ọ Nyaziọ Ozae ti Vo Ame

Akpọ o gbe aye obọ Sameria na unu inọ Jesu o lele i rie ta ẹme. Fikieme? Eme Jesu ọ ta kẹ aye na nọ ọ re vuẹ ohwo ọvo ẹdẹvo ho?

UWUHRẸ AVỌ 78

Jesu Ọ Ta Usiuwoma Uvie Na

Jesu o zizie ilele riẹ jọ re a jọ ‘ikuori ahwo.’ Nọ oke jọ o vrẹ no, o tẹ wuhrẹ ilele udhosa gbe ikpe (70) re a ta usiuwoma Uvie na.

UWUHRẸ AVỌ 79

Jesu O Ru Iruo Igbunu Buobu

Oria kpobi nọ Jesu ọ jọ, ahwo a jẹ hae nyabru ei re o fiobọhọ kẹ ai, yọ o siwi rai kpobi. O tube kpare ọmọ nọ o whu no zihe ziọ uzuazọ.

UWUHRẸ AVỌ 80

Jesu Ọ Salọ Ikọ Ikpegbivẹ

Fikieme Jesu ọ rọ salọ ikọ ikpegbivẹ na? Kọ whọ kareghẹhọ edẹ rai?

UWUHRẸ AVỌ 81

Ovuẹ Obọ Ugbehru Na

Jesu o wuhrẹ ogbotu ahwo nọ a kokohọ eware nọ i re fiobọhọ kẹ ai evaọ uzuazọ.

UWUHRẸ AVỌ 82

Jesu O Wuhrẹ Ilele Riẹ Epanọ A rẹ Lẹ

Eme Jesu o wuhrẹ ilele riẹ nọ a ruabọhọ yare?

UWUHRẸ AVỌ 83

Jesu Ọ Kuọ Ahwo Buobu

Eme iruo igbunu Jesu i wuhrẹ omai kpahe Jihova avọ Jesu?

UWUHRẸ AVỌ 84

Jesu Ọ Nya Evaọ Ehru Ame

Kọ whọ riẹ epanọ nọ akpọ o gbe ikọ na unu te nọ a ruẹ iruo igbunu nana?

UWUHRẸ AVỌ 85

Jesu O Siwi Ohwo Evaọ Ẹdijala

Fikieme eva e jẹ ro dha ahwo jọ nọ Jesu o siwi ohwo?

UWUHRẸ AVỌ 86

Jesu Ọ Kpare Lazarọs Ziọ Uzuazọ

Nọ Jesu ọ ruẹ Meri nọ ọ be viẹ, o te muhọ ẹviẹ re. Rekọ ovie rai u zihe ruọ oghọghọ.

UWUHRẸ AVỌ 87

Emu Owọwọ Jesu

Jesu ọ kẹ ikọ riẹ ekpọvio nọ i wuzou gaga evaọ etoke emu urere riẹ kugbe ai.

UWUHRẸ AVỌ 88

A Mu Jesu

Juda Iskariọt o su ogbotu ahwo nọ kru egbọdọ gbe ekpọ họ obọ nyai mu Jesu.

UWUHRẸ AVỌ 89

Pita Ọ Vro Jesu

Eme ọ via evaọ ighẹ Kayafas? Kọ eme ọ via evaọ obọ eva uwou Kayafas?

UWUHRẸ AVỌ 90

Jesu O Whu Evaọ Golgota

Fikieme Pailet ọ rọ kuvẹ inọ a kpe Jesu?

UWUHRẸ AVỌ 91

Jesu Ọ Kparoma No

Eware igbunu vẹ e via nọ Jesu o whu te emedẹ jọ no?

UWUHRẸ AVỌ 92

Jesu Ọ Romavia kẹ Ikwori

Eme ọ ta kẹ ai nọ a ru?

UWUHRẸ AVỌ 93

Jesu O Zihe Kpobọ Odhiwu

Taure o te ti kpobọ odhiwu, ọ kẹ ilele riẹ ekpọvio nọ i wuzou gaga.

UWUHRẸ AVỌ 94

Ẹzi Ọfuafo O Te Ilele na Obọ

Oware igbunu vẹ ẹzi ọfuafo na ọ jẹ wọ ilele na ru?

UWUHRẸ AVỌ 95

Oware Ovo O Whaha E Rai Usiuwoma Ota Ha

Isu egagọ nọ i kpe Jesu na a jẹ gwọlọ whaha ikọ na usiuwoma ota. Rekọ a sae whaha ae he.

UWUHRẸ AVỌ 96

Jesu Ọ Salọ Sọl

Sol o je kpokpo Ileleikristi gaga, rekọ eware i ti nwene kẹle.

UWUHRẸ AVỌ 97

Ẹzi Ọfuafo O Te Kọniliọs Obọ

Fikieme Jihova ọ rọ vuẹ Pita nọ o kpobọ uwou Kọniliọs kpakiyọ ọ rrọ ohwo Ju hu?

UWUHRẸ AVỌ 98

Egagọ Ileleikristi E Vaha Ruọ Erẹwho Buobu

Pọl avọ ahwo nọ a gbe kpohọ erẹ usiuwoma ota na a kpohọ ugbothabọ nyae ta usiuwoma na.

UWUHRẸ AVỌ 99

Oriekarọ O Kurẹriẹ

UWUHRẸ AVỌ 100

Pọl avọ Timoti

Pọl avọ Timoti a jọ egbẹnyusu, yọ a ru iruo kugbe evaọ ikpe buobu.

UWUHRẸ AVỌ 101

A Rehọ Pọl Kpobọ Rom

Enwoma buobu e jọ edhere, rekọ oware ọvuọvo o sae whaha Pọl ukọ na ha.

UWUHRẸ AVỌ 102

Eruẹaruẹ nọ A Dhesẹ kẹ Jọn

Jesu ọ jọ eruẹaruẹ dhesẹ eware sa-sa kẹ Jọn nọ e te via evaọ obaro.

UWUHRẸ AVỌ 103

“Jọ Uvie Ra O Ze”

Eruẹaruẹ nọ a dhesẹ kẹ Jọn na, e ta kpahe epanọ Uvie Ọghẹnẹ u ti ro nwene otọakpọ na soso fihọ Aparadase.