Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Eware nọ Whọ rẹ Sai Wuhrẹ Evaọ Ebaibol Na

 UWUHRẸ AVỌ 11

Ọghẹnẹ Ọ Dawo Ẹrọwọ Riẹ

Ọghẹnẹ Ọ Dawo Ẹrọwọ Riẹ

Abraham o wuhrẹ Aiziki ọmọ riẹ re o you Jihova je fievahọ eyaa riẹ kpobi. Rekọ okenọ Aiziki ọ jọ oware wọhọ ikpe 25, Jihova ọ tẹ ta kẹ Abraham nọ o ru oware jọ nọ o bẹ gaga. Eme ọ ta kẹe nọ o ru?

Ọghẹnẹ ọ ta kẹ Abraham nọ: ‘Ivie, rehọ ọmọzae ọvo ra na re whọ rehọ iẹe dhe idhe kẹ omẹ evaọ ugbehru nọ o rrọ Moraya.’ Abraham ọ riẹ oware nọ o lẹliẹ Jihova ta kẹe nọ o ru ere he. Rekọ o yoẹme kẹ Jihova ghele.

Evaọ ohiohiẹ ẹdẹ nọ o lele i rie, Abraham avọ Aiziki gbe idibo ivẹ riẹ a tẹ ruọ edhere bi kpohọ obọ Moraya. Nọ a nya edẹ esa soso no evaọ edhere, a tẹ ruẹ ugbehru na evaọ ugbo. Abraham ọ tẹ vuẹ idibo riẹ nọ a hẹrẹ, inọ ọyomariẹ avọ Aiziki a be nyai dhe idhe re a nyaze. Abraham ọ tẹ kẹ Aiziki ire inọ ọ wọ, ọyomariẹ ọ tẹ tọlọ amagha. Aiziki ọ tẹ nọ ọsẹ riẹ nọ: ‘Kọ arao nọ ma ti ro dhe idhe na ọrọ?’ Abraham o te yo kẹe nọ: ‘Ọmọ mẹ, Jihova ọ te kẹ omai arao na.’

Okenọ a te ugbehru na no, a tẹ bọ agbada-idhe. Kẹsena, Abraham ọ tẹ gba abọ gbe awọ Aiziki jẹ wọe fihọ ehru agbada-idhe na.

Abraham ọ tẹ tọlọ amagha na. Koyehọ enjẹle Jihova o te se Abraham no obọ odhiwu ze inọ: ‘Abraham! Who dhobọ te ọmọ na ha! Obọnana mẹ riẹ nọ who fi ẹrọwọ họ Ọghẹnẹ, keme whọ rọwo nọ whọ rẹ  rehọ ọmọ ra dhe idhe.’ Kẹsena Abraham ọ tẹ ruẹ egbo jọ evaọ odi nọ ọ kẹle etẹe. Ọ tẹ nwane ra ifi nọ ọ rọ gba Aiziki na no, ọ tẹ rehọ egbo na dhe idhe na.

No umuo ẹdẹ yena vrẹ, Jihova o te se Abraham ogbẹnyusu riẹ. Kọ whọ riẹ oware nọ o soriẹ? Abraham o ru oware kpobi nọ Jihova ọ gwọlọ nọ o ru, o tẹ make rọnọ ọ riẹ oware nọ Jihova ọ rọ ta kẹe nọ o ru ere he.

Jihova ọ tẹ wariẹ eyaa nọ ọ ya kẹ Abraham vẹre na. Ọ ta kẹe nọ: ‘Mẹ te ghale owhẹ, yọ me ti ru nọ emọ ra e te rọ jọ buobu.’ Oyena u dhesẹ nọ Jihova ọ te ghale ahwo owoma kpobi fiki Abraham.

“Ọghẹnẹ o you akpọ na gaga o te siobọno Ọmọ ọvo riẹ, re ohwo kpobi nọ o fi ẹrọwọ họ iẹe o gbe whu hu rekọ o ve wo uzuazọ ebẹdẹ bẹdẹ.”​—Jọn 3:16